ಹೊರಗುತ್ತಿಗೆಗೆ ತೆರಿಗೆ ವಿನಾಯಿತಿ ಇಲ್ಲ : ಒಬಾಮಾ
ವಾಷಿಂಗ್ ಟನ್, ಮೇ. 5 : ಆರ್ಥಿಕ ಕುಸಿತದ ಹಿನ್ನೆಲೆಯಲ್ಲಿ ತೀವ್ರ ಸಂಕಷ್ಟಕ್ಕೆ ಸಿಲುಕಿರುವ ಹಣಕಾಸು ಪರಿಸ್ಥಿತಿ ಸುಧಾರಣೆಗೆ ಅಮೆರಿಕದ ಅಧ್ಯಕ್ಷ ಬರಾಕ್ ಒಬಾಮಾ ಮುಂದಾಗಿದ್ದಾರೆ. ಹೊರಗುತ್ತಿಗೆ ವಿಷಯಕ್ಕೆ ಸಂಬಂಧಿಸಿದಂತೆ ಚುನಾವಣೆ ಪೂರ್ವದಲ್ಲಿ ಜನತೆಗೆ ನೀಡಿದ್ದ ಭರವಸೆಯನ್ನು ಉಳಿಸಿಕೊಳ್ಳುವ ನಿಟ್ಟಿನಲ್ಲಿ ಒಬಾಮಾ ಹೆಜ್ಜೆ ಇರಿಸಿದ್ದು, ಹೊರಗುತ್ತಿಗೆ ಮೂಲಕ ವಿದೇಶಗಳಲ್ಲಿ ಉದ್ಯೋಗ ಸೃಷ್ಟಿಸಿರುವ ಅಮೆರಿಕ ಕಂಪನಿಗಳಿಗೆ ತೆರಿಗೆ ವಿನಾಯಿತಿ ಇಲ್ಲ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ.
ಆರ್ಥಿಕ ಹಿಂಜರಿತ ಮೂಲಕ ಭಾರಿ ಪೆಟ್ಟು ತಿಂದಿರುವ ಅಮೆರಿಕ ಅರ್ಥಿಕತೆಗೆ ಕಾಯಕಲ್ಪ ನೀಡಲು ಒಬಾಮಾ ನಿರ್ಧರಿಸಿದ್ದು, ದೇಶಿಯ ಕಂಪನಿಗಳು ಹೊರದೇಶದಲ್ಲಿ ನಡೆಸುತ್ತಿರುವ ಹೊರಗುತ್ತಿಗೆ ಮುಂದಿನ ದಿನಗಳಲ್ಲಿ ನಡೆಸಿದರೆ, ಅಂಥ ಕಂಪನಿಗಳಿಗೆ ತೆರಿಗೆ ವಿನಾಯಿತಿ ಸಾಧ್ಯವಿಲ್ಲ. ಹಾಗೂ ಅಮೆರಿಕದಲ್ಲಿಯೇ ಹೊರಗುತ್ತಿಗೆ ನಡೆಸಿದರೆ ಅಂಥ ಕಂಪನಿಗಳಿಗೆ ತೆರಿಗೆ ನೀಡುವುದಾಗಿ ಹೇಳಿದ್ದಾರೆ.
ನೂತನ ತೆರಿಗೆ ನಿಯಮ ಜಾರಿಗೊಳಿಸಿದ ನಂತರ ಮಾತನಾಡಿದ ಒಬಾಮಾ ಅವರು, ದೇಶದಲ್ಲಿ ಉದ್ಯೋಗ ಸೃಷ್ಟಿಗೆ ಸರಕಾರ ಕೈಜೋಡಿಸಲಿದೆ. ಅಲ್ಲದೇ, ಸಂಶೋಧನೆ ಹಾಗೂ ತಂತ್ರಜ್ಞಾನ ಅಭಿವೃದ್ಧಿ ಹೆಚ್ಚು ಒತ್ತು ನೀಡಲಾಗುತ್ತಿದ್ದು, ಇಂಥ ಕಂಪನಿಗಳಿಗೆ ತೆರಿಗೆ ವಿನಾಯಿತಿ ನೀಡಲಾಗುವುದು ಎಂದು ಹೇಳಿದ್ದಾರೆ. ಅಮೆರಿಕ ಸರಕಾರದ ನೂತನ ತೆರಿಗೆ ನಿಯಮದಿಂದ ಹೊರಗುತ್ತಿಗೆ ಕಂಪನಿಗಳನ್ನು ನಡೆಸುತ್ತಿರುವ ಬೆಂಗಳೂರು, ಚೀನಾ ದೇಶಗಳಿಗೆ ಭಾರಿ ಹೊಡೆತ ಬೀಳುವ ಸಾಧ್ಯತೆಗಳಿವೆ ಎಂದು ಅಂದಾಜಿಸಲಾಗಿದೆ.
(ಏಜನ್ಸೀಸ್)