ಐಎನ್ಎಸ್ ವಿರಾಟ್ ಮೇಲೆ ದಾಳಿ ಸಂಭವ

ನವದೆಹಲಿ, ಡಿ 31 : ಭಾರತದ ಪ್ರತಿಷ್ಠಿತ ಯುದ್ದ ನೌಕೆ ಐ.ಎನ್.ಎಸ್ ವಿರಾಟ್ ಮೇಲೆ ಲಷ್ಕರ್-ಇ-ತೋಯ್ಬಾ ಭಯೋತ್ಪಾದಕ ಸಂಘಟನೆ ವೈಮಾನಿಕ ದಾಳಿ ನಡೆಸುವ ಸಾಧ್ಯತೆ ಇದೆ ಎಂದು ಅಮೆರಿಕದ ಗುಪ್ತಚರ ಇಲಾಖೆ ಭಾರತದ ರಕ್ಷಣಾ ಸಚಿವಾಲಯವನ್ನು ಎಚ್ಚರಿಸಿದೆ. ಈ ಹಡಗು ಸದ್ಯ ದುರಸ್ತಿ ಕೆಲಸಕ್ಕಾಗಿ ಕೊಚ್ಚಿ ಬಂದರಿನಲ್ಲಿ ಮೊಕ್ಕಾಂ ಹೂಡಿದೆ.

ಈ ಎಚ್ಚರಿಕೆ ನಂತರ ನೌಕೆಗೆ ಭದ್ರತೆ ಹೆಚ್ಚಿಸಲಾಗಿದ್ದು, 150-200 ಯಾರ್ಡ್ ಒಳಗೆ ಯಾವುದೇ ಹಡಗನ್ನು ಇದರ ಸಮೀಪ ಬರಲು ಅನುಮತಿ ಕೊಡುವುದಿಲ್ಲ ಎಂದು ನೌಕಾದಳದ ಅಧಿಕಾರಿಗಳು ತಿಳಿಸಿದ್ದಾರೆ. ಇದರ ರಕ್ಷಣೆಗೆ ಕರಾವಳಿ ಪಡೆ ಮತ್ತು ನೌಕಾದಳ ಸದಾ ಸಜ್ಜಾಗಿರುತ್ತದೆ ಎಂದು ಅಧಿಕಾರಿಗಳು ಸ್ಪಷ್ಟ ಪಡಿಸಿದ್ದಾರೆ.

ಸುಮಾರು 18 ಯುದ್ಧ ವಿಮಾನಗಳು ಏಕಕಾಲದಲ್ಲಿ ಈ ಹಡಗನ್ನು ಪ್ರವೇಶಿಸಿ ನಿರ್ಗಮಿಸಬಹುದು. ಇಡೀ ದಕ್ಷಿಣ ಏಷ್ಯಾ ದಲ್ಲಿ ನೌಕಾದಳಕ್ಕೆ ಸಂಬಂಧಿಸಿದ ಯಾವುದೇ ಚಟುವಟಿಕೆಗೆ ಐಎನ್ಎಸ್ ನೌಕೆ ಸಮರ್ಥ ಎನಿಸಿದೆ.

(ಏಜೆನ್ಸೀಸ್)