ಮದುವೆಗೆ ಹೋದ 7ಮಂದಿ ಮಸಣದ ಹಾದಿಯಲ್ಲಿ...

ಮದುವೆಗೆ ಹೋದ 7ಮಂದಿ ಮಸಣದ ಹಾದಿಯಲ್ಲಿ...
ಬೆಳೆಕೆರೆ ಬಳಿ ವಿದ್ಯುತ್‌ ಅಪಘಾತ, ಎತ್ತಿನ ಗಾಡಿಯಲ್ಲಿದ್ದ ಎಲ್ಲರೂ ಬಲಿ

ಮದುವೆ ಮುಗಿಸಿಕೊಂಡು ಎತ್ತಿನ ಗಾಡಿಯಲ್ಲಿ ಊರಿಗೆ ಮರಳುತ್ತಿದ್ದ ಒಂದೇ ಕುಟುಂಬದ ಏಳು ಮಂದಿ, ವಿದ್ಯುತ್‌ ಶಾಕ್‌ನಿಂದ ಶುಕ್ರವಾರ ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ.

ಮೈಸೂರು-ಬೆಂಗಳೂರು ರಸ್ತೆಯ ಬೆಳೆಕೆರೆಯಲ್ಲಿ ಸಂಭವಿಸಿರುವ ಈ ವಿದ್ಯುತ್‌ ಆಕಸ್ಮಿಕದಲ್ಲಿ ಮೂವರು ಮಹಿಳೆಯರು, ಒಂದು ಮಗು ಸೇರಿದಂತೆ ಏಳು ಮಂದಿ ವಿದ್ಯುನ್ಮರಣಕ್ಕೆ ತುತ್ತಾಗಿದ್ದಾರೆ ಎಂದು ಪೋಲಿಸರು ತಿಳಿಸಿದ್ದಾರೆ.

ರಸ್ತೆಯ ಮೇಲೆ ಬಿದ್ದಿದ್ದ ಎಲೆಕ್ಟ್ರಿಕ್‌ ವೈರ್‌ನಿಂದ ಈ ದುರಂತ ಸಂಭವಿಸಿದೆ. ಬಂಡಿ ಎಳೆಯುತ್ತಿದ್ದ ಎತ್ತುಗಳಲ್ಲಿ ಒಂದು ಎತ್ತು ವಿದ್ಯುತ್‌ ಶಾಕ್‌ನಿಂದ ಸತ್ತಿದೆ. ಶುಕ್ರವಾರ ರಾತ್ರಿ ಸುರಿದ ಮಳೆಯಿಂದ ವಿದ್ಯುತ್‌ ವೈರ್‌ಗಳು ಇಲ್ಲಿ ಹರಿದು ಬಿದ್ದಿದ್ದವು ಎನ್ನಲಾಗಿದೆ.

(ಪಿಟಿಐ)

ಮುಖಪುಟ / ವಾರ್ತೆಗಳು