ಚಿ-ತ್ರಾ ಹಾಡು ಕೇಳಿ ಸುಸ್ತಾ-ದೆ, ಏನು ದನಿ-ಯ-ಪ್ಪ ಅವ-ರ-ದ್ದು

• ಸರೆಗಮದ ಅನುಭವ ಹೇಗಿತ್ತು?

ನನ್ನ ಜೀವನದ ಮರೆಯಲಾಗದ ಅನುಭವ ಅದು. ಮೊದಲ ಸುತ್ತಿನಲ್ಲಿ 36 ಸ್ಪರ್ಧಿಗಳಿದ್ದರು. ರೆಕಾರ್ಡಿಂಗ್‌ ಇದ್ದ-ದ್ದು ಮುಂಬೈನಲ್ಲಿ . ಡೆಲ್ಲಿ, ಮದ್ರಾಸ್‌, ಕಲ್ಕತ್ತಾ ಹೀಗೆ ಎಲ್ಲಾ ಕಡೆಯಿಂದ ಸ್ಪರ್ಧಿಗಳು ಬಂದಿದ್ದರು. ಅಮ್ಮ, ಅಪ್ಪ, ನಾನು ಬಿಟ್ಟರೆ ಬೇರೆ ಯಾರೂ ಅಲ್ಲಿ ಕನ್ನಡ ಮಾತಾಡುತ್ತಿರಲಿಲ್ಲ. ಸ್ಪರ್ಧೆ ಬಹಳ ಟಫ್ಫಾಗೇ ಇತ್ತು. ಫೈನಲ್ಸ್‌ನಲ್ಲಿ ಓ.ಪಿ.ನಯ್ಯರ್‌ ಹಾಡು ಹೇಳಿದೆ. ಅದು ಬಹಳ ಜನಕ್ಕೆ ಇಷ್ಟವಾಯಿತು. ಎಲ್ಲಕ್ಕಿಂತ ಖುಷಿ ಅಂದರೆ ಫೈನಲ್ಸ್‌ನಲ್ಲಿ ತೀರ್ಪುಗಾರರಾಗಿ ಎಸ್‌. ಜಾನಕಿ ಬಂದಿದ್ದರು. ಇನ್ನೊಬ್ಬರು ಬಪ್ಪಿ ಲಹರಿ. ನಾನು ಕನ್ನಡದವಳು ಅಂತ ಗೊತ್ತಾದ ಮೇಲಂತೂ ಜಾನಕಿ ಅಪ್ಪಿಕೊಂಡು ಬಿಟ್ಟರು. ಅವರ ಕಾಲಿಗೆ ನಮಸ್ಕಾರ ಮಾಡೋವಾಗ ಇನ್ನು ನಾನು ಸತ್ತರೂ ಚಿಂತೆಯಿಲ್ಲಪ್ಪಾ ಅಂದುಕೊಂಡೆ. ನನಗೇ ಗೊತ್ತಿಲ್ಲದಂತೆ ಕಣ್ಣಿನಿಂದ ಹನಿಗಳು ಹೊರ ಬಂದವು.

• ಸ್ಪರ್ಧೆಗೆ ನೀವು ಹೇಗೆ ತಯಾರಾಗಿದ್ದಿರಿ? ಕನ್ನಡ ಹಾಡು ಹಾಡುವ ಅವಕಾಶ ಸಿಕ್ಕಿತೆ?

ನಾನು ಆಯ್ಕೆಯಾಗಿದ್ದೇನೆ ಅಂತ ಪತ್ರ ಬಂದಾಗ ಸ್ಪರ್ಧೆಗೆ ಇನ್ನು 20 ದಿನಗಳು ಮಾತ್ರ ಉಳಿದಿತ್ತು. ನನಗೆ ಅಷ್ಟಾಗಿ ಹಳೆಯ ಹಿಂದಿ ಹಾಡುಗಳು ಬರುತ್ತಿರಲಿಲ್ಲ. 20 ದಿನಗಳಲ್ಲೇ ಸಾಧ್ಯವಾದಷ್ಟು ಹಳೆಯ ಹಿಂದಿ ಹಾಡುಗಳನ್ನು ಎಡೆಬಿಡದೆ ಅಭ್ಯಾಸ ಮಾಡಿದೆ. ಸ್ಪರ್ಧೆಯ ಪ್ರಾದೇಶಿಕ ಸುತ್ತಿನಲ್ಲಿ ಕನ್ನಡದ ಹಾಡು ಹಾಡಲು ಅವಕಾಶ ಕೊಟ್ಟರು. ಚೆಲುವಯ್ಯಾ ಚೆಲುವೋ ತಾನಿ ತಂದಾನ... ಜನಪದ ಗೀತೆ ಹಾಡಿದೆ.

• ನಿಮ್ಮ ಮೆಚ್ಚಿನ ಗಾಯಕ ಹಾಗೂ ಗಾಯಕಿ ಯಾರು?

ಚಿತ್ರ, ಎಸ್‌. ಜಾನಕಿ ಹಾಗೂ ಬಾಲಸುಬ್ರಹ್ಮಣ್ಯಂ ಕಂಠ ನನಗೆ ತುಂಬಾ ಇಷ್ಟ. ಅದರಲ್ಲೂ ಚಿತ್ರಾ ಅವರ ಹಾಡು ಕೇಳಿ ಸ್ಟುಡಿಯೋದಲ್ಲಿ ಅನೇಕ ಸಲ ಅತ್ತು ಬಿಟ್ಟಿದ್ದೇನೆ. ನಾಗದೇವತೆ ಚಿತ್ರದ ಒಂದು ಹಾಡಿಗೆ ನಾನೇ ಟ್ರ್ಯಾಕ್‌ ಹಾಡಿದ್ದೆ. ಹಂಸಲೇಖ ಸರ್‌ ಹತ್ರ, ಚಿತ್ರ ಅವರಿಗೆ ಏನೂ ಕೆಲಸ ಇರಲ್ಲ ಸಾರ್‌, ಹಾಡು ಅಷ್ಟು ಚೆನ್ನಾಗಿ ಬಂದಿದೆ ಅಂದೆ. ಆದರೆ ರೆಕಾರ್ಡ್‌ ಆದ್ಮೇಲೆ ಹಾಡು ಕೇಳಿ ಸುಸ್ತಾಗಿ ಬಿಟ್ಟೆ. ಎಲ್ಲಾದ್ರೂ ಸ್ವಲ್ಪ ಅವಕಾಶ ಇದ್ದರೂ ಸಾಕು, ಚಿತ್ರ ಅಲ್ಲಿ ಜೀವ ತುಂಬ್ತಾರೆ. ನಾನು ಈವತ್ತೂ ಅಭ್ಯಾಸ ಮಾಡೋವಾಗ ಅವರ ಫೋಟೋ ನೋಡ್ತೀನಿ. ಏನು ಧ್ವನಿಯಪ್ಪ ಅವರದ್ದು.

ಸುನಿತ ಬಿರುದು ಸನ್ಮಾನ ಗಿಟ್ಟಿಸಿರುವ ಹಾಡುಹಕ್ಕಿ. ಇಂದಿನ ಪರಿಸ್ಥಿತಿಯಲ್ಲಿ ಪ್ರಶಸ್ತಿ ಗಳಿಸಿ, ಹೆಸರು ಮಾಡಿದರೂ ಗುರುತಿಸುವುದು ಕಷ್ಟವಾಗಿ ಬಿಟ್ಟಿದೆ. ಬ್ರೇಕ್‌ ಥ್ರೂಗಾಗಿ ಚಾತಕ ಪಕ್ಷಿಗಳ ತರಹ ಕಾಯುತ್ತಿರುವ ಹತ್ತಿಪ್ಪತ್ತು ಟ್ರ್ಯಾಕ್‌ ಗಾಯಕಿಯರಲ್ಲಿ ಸುನಿತ ಕೂಡ ಒಬ್ಬರು. ಪ್ರತಿಭೆಗೆ ಪುರಸ್ಕಾರವೇನೋ ಸಿಕ್ಕಿದೆ. ಈ ಪುರಸ್ಕಾರ ಅವರಿಗೆ ಉತ್ತಮ ಅವಕಾಶಗಳನ್ನು ಒದಗಿಸಿಕೊಡಬೇಕಷ್ಟೆ.

ಮುಖಪುಟ / ಸಾಹಿತ್ಯ ಸೊಗಡು