ಬ್ರೇಕ್‌ಥ್ರೂ ನಿರೀ-ಕ್ಷೆ-ಯ-ಲ್ಲಿ ಸರೆ-ಗ-ಮ ಸುನಿ-ತ

*ಸಂದರ್ಶನ : ವಿಶಾಖ ಎನ್‌.

ಸುಗ-ಮ ಸಂಗೀ-ತ-ದಂ-ಥ ಸರಳ ನಡೆ. ಸ್ಪಷ್ಟ ಮಾತು. ಮಾತಿನ ನಡುವೆ ಎರಡೆರಡು ಸಾಲು ಸಂಗೀತ.

‘ನಾನು ಏನು ಸಾಧನೆ ಮಾಡಿದ್ದೇನೆ ಅಂತ ನೀವು ನನ್ನ ಬಗ್ಗೆ ಬರೀತೀರಿ. ನಂಗೆ ಭಯ ಆಗುತ್ತಪ್ಪ ’ ಎಂಬ ಮಾತುಗಳು ಈಕೆಗೆ ಇನ್ನೂ ಸಾಧನೆ ಮಾಡಬೇಕೆಂಬ ಛಲವಿದೆ ಅನ್ನೋದನ್ನ ಸಾಬೀತುಪಡಿಸುತ್ತವೆ. ಈ ಮಾತುಗಳನ್ನಾಡಿರುವುದು ಬೆಂಗಳೂರಿನ ಜೆ.ಪಿ. ನಗರದ ಸುನಿತ ಎಂಬ ಹುಡುಗಿ. ರಿkುೕ ಟಿವಿಯಲ್ಲಿ ಪ್ರಸಾರವಾಗುವ ಟಿವಿಎಸ್‌ ಸರೆಗಮ (ಸೆಪ್ಟೆಂಬರ್‌ 17ರಂದು ಈಕೆ ಬಹುಮಾನ ಪಡೆದ ಎಪಿಸೋಡ್‌ ಪ್ರಸಾರವಾಗಿದೆ) ಗಾಯನ ಸ್ಪರ್ಧೆಯ ಮಹಿಳಾ ವಿಭಾಗದಲ್ಲಿ ಬಹುಮಾನ ಪಡೆದಿರುವ ಬೆಂಗಳೂರಿನ 2ನೇ ಹುಡುಗಿ ಎಂಬ ಹೆಗ್ಗಳಿಕೆ ಈಕೆಯದು.

ಸುನಿತ ತಮ್ಮ ಸಾಧನೆಯ ನಂತರದ ಕೆಲ ಕ್ಷಣಗಳನ್ನು ಇನ್ಫೋ ಜೊತೆ ಹಂಚಿಕೊಂಡಿದ್ದಾರೆ. ಅದರ ತಿರುಳು ಇಲ್ಲಿದೆ.....

• ಸಂಗೀತ ಕಲಿಯಲು ಮನೆಯ ಹಿನ್ನೆಲೆ ಕಾರಣವಾಯಿತೆ?

ಹೌದು. ಅಪ್ಪ (ಸುಧೀಂದ್ರ) ಎನ್‌ಜಿಇಎಫ್‌ನಲ್ಲಿ ಕೆಲಸ ಮಾಡ್ತಿದಾರೆ. ಅವರು ಆಗ ಸಿನಿಮಾ ಹಾಡುಗಳನ್ನ ಚೆನ್ನಾಗಿ ಹಾಡ್ತಿದ್ದರು. ಆರ್ಕೆಸ್ಟ್ರಾಗೂ ಹಾಡ್ತಿದ್ದರು. ಅಮ್ಮ (ಸುಮ) ಕೂಡ ಹಾಡ್ತಾರೆ. ನಾನು 6ನೇ ಕ್ಲಾಸಿನಲ್ಲಿದ್ದಾಗಲೇ ಒಂದೂವರೆ ವರ್ಷಗಳ ಕಾಲ ಮೋಹನ್‌ ಜಿಂಪೆಟ್ಸ್‌ ಆರ್ಕೆಸ್ಟ್ರಾಗೆ ಹಾಡಿದ್ದೆ. ಆದರೆ ಆಗ ನಾನು ಸಂಗೀತ ಕಲಿತಿರಲಿಲ್ಲ.

• ಸಂಗೀತ ನಿಮ್ಮ ಹವ್ಯಾಸವೋ ಅಥವಾ ಅದೇ ನಿಮ್ಮ ಕೆರಿಯರ್ರೋ?

ನಾನು ಸಂಗೀತದಲ್ಲಿ ಬಿ.ಎ. ಮಾಡಿದ್ದೇನೆ. ಕರ್ನಾಟಕ ಸಂಗೀತದಲ್ಲಿ ಸೀನಿಯರ್‌ ಪರೀಕ್ಷೆ ಪಾಸ್‌ ಮಾಡಿದ್ದೇನೆ. ನಾನು ಓದಿರೋದು ಸಂಗೀತವಾಗಿರೋದ್ರಿಂದ ಅದನ್ನೇ ಕೆರಿಯರ್‌ ಆಗಿ ರೂಪಿಸಿಕೊಳ್ಳಬೇಕು ಅಂತಿದೀನಿ.

• ಈಗ ನಿಮ್ಮ ಕೆಲಸ ?

ಹಂಸಲೇಖ ಮತ್ತು ಮನೋಹರ್‌ ಸಂಗೀತಕ್ಕೆ ಟ್ರ್ಯಾಕ್‌ ಸಿಂಗರ್‌ ಆಗಿ ಮತ್ತು ಕೋರಸ್‌ಗೆ ಹಾಡುತ್ತಿದ್ದೇನೆ. ಸುಮಾರು 20- 25 ಕೆಸೆಟ್ಟುಗಳಿಗೆ ಹಾಡಿದ್ದೇನೆ. ಉಳಿದಂತೆ ಸಿ.ಕೆ. ತಾರಾ, ಬಾಲಿ ಹಾಗೂ ಎನ್‌.ಎಸ್‌. ಪ್ರಸಾದ್‌ ಅವರ ಹತ್ತಿರ ಸುಗಮ ಸಂಗೀತ ಕಲೀತಿದೀನಿ. ನಾಗವಲ್ಲಿ ನಾಗರಾಜ್‌ ಹತ್ತಿರ ಕರ್ನಾಟಕ ಸಂಗೀತ ಕಲೀತಿದೀನಿ. ಡಿ.ಬಿ. ಹರೀಂದ್ರ ಅವರ ಬಳಿ ಹಿಂದೂಸ್ತಾನಿ ಸಂಗೀತವನ್ನೂ ಅಭ್ಯಾಸ ಮಾಡಿದ್ದೀನಿ. ಇನ್ನೂ ಕಲಿಯೋದು ಸಾಕಷ್ಟಿದೆ.

1 ಮುಖಪುಟ / ಸಾಹಿತ್ಯ ಸೊಗಡು