• search

ಯದುಗಿರಿಯ ಮೌನದ ಕೊಳದಲ್ಲಿ ಮತ್ತೊಮ್ಮೆ ಶ್ರೀಹರಿಚರಿತೆಯ ಅಲೆ

Posted By:
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಮೇಲುಕೋಟೆ : ಜಗತ್ಪ್ರಸಿದ್ಧ ಚೆಲುವನಾರಾಯಣ ಮತ್ತೊಂದು ರೋಮಾಂಚನಕ್ಕೆ ರೆಡಿಯಾಗುತ್ತಿದ್ದಾನೆ. ಯದುಗಿರಿಯ ಮೌನ ಕೊಳವೂ ಚೆಲುವನಾರಾಯಣನ ಕಾತರಕ್ಕೆ ಜೊತೆಯಾಗಿದೆ. ಆದರೆ ಈ ಸಂಭ್ರಮಕ್ಕೆ ವೈರಮುಡಿ ಕಾರಣವಲ್ಲ . ಅದಿನ್ನೂ ದೂರವಿದೆ.

    ಶ್ರೀಹರಿಚರಿತೆಯ ಕವಿ ಉಳಿಸಿಹೋದ ಪದಗಳ ಪುಳಕಕ್ಕೆ ಮೈಯ್ಯಾಡ್ಡಲು ಮೇಲುಕೋಟೆಯ ಪ್ರತಿಕಣವೂ ಸಿದ್ಧವಾಗಿವೆ. ಇದೇ ಜನವರಿ 30- ಮಂಗಳವಾರ ಚೆಲುವನಾರಾಯಣನೂರಿನಲ್ಲಿ - ವಿವೇಕೋಲ್ಲಾಸಿನಿ ಸಭಾಮಂಟಪದಲ್ಲಿ ನವೋದಯದ ಪ್ರಮುಖ ಕವಿ ಪು.ತಿ. ನರಸಿಂಹಾರ್‌ ಅವರ ಗೀತಸುಧೆ. ಆಧುನಿಕ ಮಹಾಕಾವ್ಯ ಶ್ರೀಹರಿಚರಿತೆಯ ಬಿತ್ತರ ಮಹತ್ತರಗಳ ಬಗ್ಗೆ ಮಾತುಕತೆ. ನಾಡಿನ ಸಾಹಿತ್ಯಾಸಕ್ತ ಸಹೃದಯರು ಈ ಸಂದರ್ಭದಲ್ಲಿ ಸಾಕ್ಷಿಯಾಗುತ್ತಾರೆ.

    ಕಾರ್ಯಕ್ರಮ ನಡೆಯುವುದು ಪುತಿನ ಟ್ರಸ್ಟ್‌ (ರಿ), ಬೆಂಗಳೂರು ಹಾಗೂ ಕೇಂದ್ರ ಸಾಹಿತ್ಯ ಆಕಾಡೆಮಿಗಳ ಸಂಯುಕ್ತ ಆಶ್ರಯದಲ್ಲಿ . ಕಾರ್ಯಕ್ರಮಕ್ಕೆ ಎರಡು ಮುಖ. ಶ್ರೀಹರಿಚರಿತೆ ಕುರಿತ ವಿಚಾರಸಂಕಿರಣ ಮೊದಲ ಮುಖವಾದರೆ, ಮತ್ತೊಂದು ಮುಖದಲ್ಲಿ ಪ್ರತಿಭಾವಂತೆ ಕವಯತ್ರಿ ಎಚ್‌.ಎಲ್‌.ಪುಷ್ಪ ಅವರ ಗಾಜುಗೋಳ ಕವನ ಸಂಕಲನಕ್ಕೆ 1999 ನೇ ಸಾಲಿನ ಪುತಿನ ಕಾವ್ಯ ಪ್ರಶಸ್ತಿ ಪ್ರದಾನ .

    ಚಿಂತನ ಮಂಥನ- ಗಾನಗೋಷ್ಠಿ : ವಿಚಾರಗೋಷ್ಠಿ ಎರಡು ಹಂತಗಳಲ್ಲಿ ನಡೆಯುತ್ತದೆ. ವಿಚಾರಗೋಷ್ಠಿ - 1 ರ ಅಧ್ಯಕ್ಷತೆಯನ್ನು ಹಿರಿಯ ಕವಿ ಡಾ. ಜಿ.ಎಸ್‌. ಶಿವರುದ್ರಪ್ಪ ವಹಿಸುವರು. ಈ ಗೋಷ್ಠಿಯಲ್ಲಿ ಡಾ. ಶ್ರೀರಾಮಭಟ್ಟ ಅವರು ಸಂಸ್ಕೃತ ಭಾಗವತ ಮತ್ತು ಶ್ರೀಹರಿಚರಿತೆ ಬಗ್ಗೆ ಮಾತನಾಡಿದರೆ, ಕನ್ನಡ ಮಹಾಕಾವ್ಯ ಚರಿತ್ರೆ ಮತ್ತು ಶ್ರೀಹರಿಚರಿತೆ ಕುರಿತಂತೆ ಪ್ರೊ. ಎಂ.ಎಚ್‌. ಕೃಷ್ಣಯ್ಯ ತಮ್ಮ ಅಭಿಪ್ರಾಯ ಮಂಡಿಸುವರು.

    ಪ್ರೊ. ಸುಜನಾ ಅವರ ಅಧ್ಯಕ್ಷತೆಯಲ್ಲಿ ವಿಚಾರಗೋಷ್ಠಿ - 2 ನಡೆಯುತ್ತದೆ. ಈ ಗೋಷ್ಠಿಯಲ್ಲಿ ಹರಿದಾಸರ ಕೀರ್ತನೆ ಮತ್ತು ಶ್ರೀಹರಿಚರಿತೆ ಬಗ್ಗೆ ಡಾ.ಎಚ್‌.ಎಸ್‌.ವೆಂಕಟೇಶಮೂರ್ತಿ ವಿಷಯ ಮಂಡಿಸುವರು. ಪ್ರೊ. ಚಿ. ಶ್ರೀನಿವಾಸರಾಜು, ಗೋಕುಲ ನಿರ್ಗಮನ ಮತ್ತು ಶ್ರೀಹರಿಚರಿತೆ ಕುರಿತು ಮಾತನಾಡುವರು. ಅಂದಹಾಗೆ, ಇಡೀ ಕಾರ್ಯಕ್ರಮಕ್ಕೆ ಪ್ರಸ್ತಾವನೆಯ ಕವಚ ತೊಡಿಸುವ ಕೆಲಸ ಅಗ್ರಹಾರ ಕೃಷ್ಣ ಮೂರ್ತಿ ಅವರದ್ದು . ಕೆ.ಎಸ್‌. ಅಚ್ಯುತನ್‌ ವಂದನೆ ಸಲ್ಲಿಸುವರು.

    ಹಾಡು ಹೊನಲು : ಎರಡು ಕಂತುಗಳ ವಿಚಾರ ಮಂಥನದ ನಂತರ ಮನಸ್ಸಿಗೆ ಲಗ್ಗೆ ಹಾಕುವ ಕೊನೆಯ ಸರದಿ ಮೈಥಿಲಿ ಮಂಡ್ಯಂ ಹಾಗೂ ಅವರ ತಂಡದ್ದು . ಪುತಿನ ಅವರ ಕೃಷ್ಣ ಭಕ್ತಿ , ಭಾವಗೀತ ಯದುಗಿರಿಯ ಮೌನ ಕೊಳವನ್ನು ಕದಡಿ ಅಲ್ಲೇ ಲೀನವಾಗುವುವು.

    (ಇನ್ಫೋ ವಾರ್ತೆ)

    ಮುಖಪುಟ / ಸಾಹಿತ್ಯ ಸೊಗಡು

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more