Chandra Grahan 2023: ಚಂದ್ರಗ್ರಹಣ ಮುಗಿದ ತಕ್ಷಣ ಈ ಕೆಲಸ ಮಾಡಿ, ಇಲ್ಲದಿದ್ದರೆ ನಕಾರಾತ್ಮಕ ಶಕ್ತಿ ಹೆಗಲೇರುತ್ತದೆ....

ಇಂದು ರಾತ್ರಿ 28ನೇ ತಾರೀಖು ಅಂತ್ಯಗೊಂಡ ತಕ್ಷಣ ಚಂದ್ರಗ್ರಹಣ ಸಂಭವಿಸಲಿದೆ. ಈ ಗ್ರಹಣ ಅಕ್ಟೋಬರ್ 28 ಮತ್ತು 29ರ ಮಧ್ಯರಾತ್ರಿ ಸಂಭವಿಸಲಿದೆ. ಈ ಘಟನೆಯನ್ನು ಧಾರ್ಮಿಕ ಮತ್ತು ವೈಜ್ಞಾನಿಕ ದೃಷ್ಟಿಕೋನದಿಂದ ಬಹಳ ಮುಖ್ಯವೆಂದು ಪರಿಗಣಿಸಲಾಗಿದೆ.

ವಾಸ್ತವವಾಗಿ ಚಂದ್ರಗ್ರಹಣ 30 ವರ್ಷಗಳ ನಂತರ ಶರದ್ ಪೂರ್ಣಿಮಾದೊಂದಿಗೆ ನಡೆಯುತ್ತದೆ. ಇದು ಅಕ್ಟೋಬರ್ 29ರಂದು ಬೆಳಿಗ್ಗೆ 1:05ಕ್ಕೆ ಪ್ರಾರಂಭವಾಗಿ ಬೆಳಿಗ್ಗೆ 2:22ಕ್ಕೆ ಕೊನೆಗೊಳ್ಳುತ್ತದೆ. ಭಾರತದಲ್ಲಿ ಈ ಗ್ರಹಣದ ಒಟ್ಟು ಅವಧಿ 1 ಗಂಟೆ 16 ನಿಮಿಷಗಳು. ಇದರ ಸೂತಕ್ ಅವಧಿಯು 9 ಗಂಟೆಗಳ ಮುಂಚಿತವಾಗಿ ಅಂದರೆ ಇಂದು ಸಂಜೆ 04:05 ರಿಂದ ಪ್ರಾರಂಭವಾಗುತ್ತದೆ.

ಗ್ರಹಣದ ಬಗ್ಗೆ ಹಿಂದೂ ಧರ್ಮದಲ್ಲಿ ಅನೇಕ ನಂಬಿಕೆಗಳಿವೆ. ಗ್ರಹಣದ ಸಮಯದಲ್ಲಿ ಅನೇಕ ಕಾರ್ಯಗಳನ್ನು ನಿಷೇಧಿಸಲಾಗುತ್ತದೆ. ಗ್ರಹಣ ಮುಗಿದ ನಂತರ ಕೆಲ ಕೆಲಸಗಳನ್ನು ಮಾಡುವುದು ಅಗತ್ಯವೆಂದು ಪರಿಗಣಿಸಲಾಗಿದೆ. ಹಾಗಾದ್ರೆ ಚಂದ್ರಗ್ರಹಣ ಮುಗಿದ ನಂತರ ಏನು ಮಾಡಬೇಕು ಎಂದು ತಿಳಿಯೋಣ.

ಗ್ರಹಣ ಮುಗಿದ ತಕ್ಷಣ ಈ ಕೆಲಸ ಮಾಡಿ

1. ಗ್ರಹಣ ಮುಗಿದ ತಕ್ಷಣ ಮೊದಲು ಮನೆಯನ್ನು ಸ್ವಚ್ಛಗೊಳಿಸಿ. ಹೀಗೆ ಮಾಡುವುದರಿಂದ ಗ್ರಹಣದ ನಕಾರಾತ್ಮಕ ಶಕ್ತಿ ನಿವಾರಣೆಯಾಗುತ್ತದೆ ಎಂದು ನಂಬಲಾಗಿದೆ.

2. ಜ್ಯೋತಿಷ್ಯಶಾಸ್ತ್ರದ ಪ್ರಕಾರ ಚಂದ್ರಗ್ರಹಣ ಎಲ್ಲಾ ಜೀವಿಗಳ ಮೇಲೆ ಪರಿಣಾಮ ಬೀರುತ್ತದೆ. ಗ್ರಹಣ ಮುಗಿದ ತಕ್ಷಣ ಸ್ನಾನ ಮಾಡಬೇಕು.

3. ಸ್ನಾನ ಇತ್ಯಾದಿಗಳ ನಂತರ ಗಂಗಾಜಲದಿಂದ ಮನೆ ಮತ್ತು ಪೂಜಾ ಸ್ಥಳವನ್ನು ಶುದ್ಧೀಕರಿಸಿ. ಎಲ್ಲಾ ದೇವ-ದೇವತೆಗಳ ವಿಗ್ರಹಗಳ ಮೇಲೆ ಗಂಗಾಜಲವನ್ನು ಸಿಂಪಡಿಸಿ.

4. ಮನೆಯಲ್ಲಿರುವ ತುಳಸಿ ಗಿಡವನ್ನು ಗಂಗಾಜಲದಿಂದ ಶುದ್ಧೀಕರಿಸಿ.

5. ಗ್ರಹಣ ಮುಗಿದ ನಂತರ ಆಹಾರ ಪದಾರ್ಥಗಳ ಮೇಲೆ ಇಟ್ಟಿರುವ ತುಳಸಿ ದಳ ತೆಗೆಯಿರಿ. ತುಳಸಿ ದಳವು ಗ್ರಹಣದ ಪರಿಣಾಮವನ್ನು ಸ್ವತಃ ತೆಗೆದುಕೊಳ್ಳುತ್ತದೆ ಮತ್ತು ವಸ್ತುಗಳು ಕಲುಷಿತಗೊಳ್ಳಲು ಅನುಮತಿಸುವುದಿಲ್ಲ ಎಂದು ನಂಬಲಾಗಿದೆ. ಇದೇ ಕಾರಣಕ್ಕೆ ಗ್ರಹಣ ಮುಗಿದ ತಕ್ಷಣ ಆಹಾರದ ಮೇಲೆ ಇಟ್ಟ ತುಳಸಿ ದಳ ಹೊರ ತೆಗೆಯಬೇಕು.

6. ಇದರ ನಂತರ ಆಹಾರ ಪದಾರ್ಥಗಳನ್ನು ಗಂಗಾಜಲದಿಂದ ಚಿಮುಕಿಸಿ ಶುದ್ಧೀಕರಿಸಿ. ಅದರ ನಂತರವೇ ಆಹಾರವನ್ನು ಸೇವಿಸಿ.

7. ಗ್ರಹಣ ಮುಗಿದ ನಂತರ ದೇವಾನುದೇವತೆಗಳ ದರ್ಶನ ಮಾಡಿ.

8. ಗ್ರಹಣ ಮುಗಿದ ನಂತರ ದಾನಗಳನ್ನು ಮಾಡಿ. ಹಾಗೆ ಮಾಡುವುದು ಮಂಗಳಕರ. ಗೋಧಿ, ಬೇಳೆ, ತಾಮ್ರದ ಪಾತ್ರೆ, ಕೆಂಪು ಬಟ್ಟೆ, ಚಿನ್ನ, ಉಪ್ಪು, ಬೆಲ್ಲ, ಹತ್ತಿ ಇತ್ಯಾದಿಗಳನ್ನು ದಾನ ಮಾಡಬಹುದು.

ಚಂದ್ರಗ್ರಹಣ ಎಂದರೇನು?

ಚಂದ್ರಗ್ರಹಣವನ್ನು ಖಗೋಳ ಘಟನೆ ಎಂದು ಪರಿಗಣಿಸಲಾಗುತ್ತದೆ. ಸೂರ್ಯ, ಭೂಮಿ ಮತ್ತು ಚಂದ್ರರು ನೇರ ರೇಖೆಯಲ್ಲಿ ಬಂದಾಗ ಚಂದ್ರಗ್ರಹಣ ಸಂಭವಿಸುತ್ತದೆ. ಚಂದ್ರನು ಭೂಮಿಯ ನೆರಳಿನಿಂದ ಸಂಪೂರ್ಣವಾಗಿ ಆವರಿಸಲ್ಪಡುತ್ತಾನೆ. ಸೂರ್ಯನ ಬೆಳಕು ಸ್ವಲ್ಪ ಸಮಯದವರೆಗೆ ಚಂದ್ರನನ್ನು ತಲುಪುವುದಿಲ್ಲ. ಇದನ್ನು ಚಂದ್ರಗ್ರಹಣ ಎಂದು ಕರೆಯಲಾಗುತ್ತದೆ. ಒಟ್ಟು ಭಾಗಶಃ ಮತ್ತು ಪೆನಂಬ್ರಾಲ್ ಎಂಬ ಮೂರು ವಿಧದ ಚಂದ್ರಗ್ರಹಣಗಳಿವೆ. ಇಂದು ಸಂಭವಿಸುವ ಗ್ರಹಣವು ಭಾಗಶಃ ಚಂದ್ರಗ್ರಹಣವಾಗಿರುತ್ತದೆ.

English summary

Chandra Grahan 2023: Do this immediately after the lunar eclipse, the effect of negative energy will end.