ಶುಗರ್ ಪೇಷೆಂಟ್ಸ್ ಬಳಸೋ ಕೃತಕ ಸಿಹಿ ಪದಾರ್ಥಗಳು ನಿಜವೂ ಆರೋಗ್ಯಕ್ಕೆ ಒಳ್ಳೇಯದಾ?
ಡಾ. ರವೀಂದ್ರ ಎಚ್.ಎಸ್. ಸಲಹೆಗಾರರು, ಮಧುಮೇಹ ತಜ್ಞರು, ಸಂಪ್ರದ ಆಸ್ಪತ್ರೆ, ಬೆಂಗಳೂರು
ಮಧುಮೇಹದಿಂದ ಬಳಲುತ್ತಿರುವ ಜನರು ಕೇಳುವ ಸಾಮಾನ್ಯ ಪ್ರಶ್ನೆಗಳಲ್ಲಿ ಒಂದು 'ಡಾಕ್ಟರ್, ನಾನು ಕೃತಕ ಸಿಹಿ ಪದಾರ್ಥಗಳನ್ನು ಸೀಮಿತ ಪ್ರಮಾಣದಲ್ಲಿ ಬಳಸಬಹುದೇ?' ಮಧುಮೇಹ ಕಾಯಿಲೆ ಹೆಚ್ಚು ಸಾಮಾನ್ಯವಾಗುತ್ತಿರುವುದರಿಂದ ಮತ್ತು ಅನೇಕ ವ್ಯಕ್ತಿಗಳಿಗೆ ಸಕ್ಕರೆ ಸೇವನೆಯೂ ಪ್ರಮುಖ ಕಾಳಜಿಯಾಗಿ ಉಳಿದಿರುವುದರಿಂದ, ಆರೋಗ್ಯದ ದೃಷ್ಟಿಯಿಂದ ಪರ್ಯಾಯ ಮಾರ್ಗವಾಗಿ ಕೃತಕ ಸಿಹಿ ಪದಾರ್ಥಗಳತ್ತ ಮುಖ ಮಾಡುತ್ತಿದ್ದಾರೆ. ಆದರೆ ಅವು ನಿಜವಾಗಿಯೂ ಸುರಕ್ಷಿತವೇ ಮತ್ತು ಅವು ಮಧುಮೇಹ ಆಹಾರದ ಭಾಗವಾಗಬೇಕೇ?
ಕಳೆದ ಎರಡು ದಶಕಗಳಲ್ಲಿ ಸಾವಿರಾರು ರೋಗಿಗಳಿಗೆ ಚಿಕಿತ್ಸೆ ನೀಡಿದ ನಂತರ ನನ್ನ ಉತ್ತರವೆಂದರೆ ಸರಳ ಮತ್ತು ಸೂಕ್ಷ್ಮ ಕೃತಕ ಸಿಹಿ ಪದಾರ್ಥಗಳ ಬಳೆಕಯಲ್ಲಿ ಬುದ್ಧಿವಂತಿಕೆ ಉಪಯೋಗಿಸಿದರೆ ಉಪಯುಕ್ತವಾಗಬಹುದು, ಆದರೆ ಅವು ಪರಿಹಾರವಲ್ಲ. ಮಧುಮೇಹವನ್ನು ನಿರ್ವಹಿಸುವುದೆಂದರೆ, ರಕ್ತದ ಸಕ್ಕರೆ ಮಟ್ಟ ನಿಯಂತ್ರಿಸುವ ಸುತ್ತ ಸುತ್ತುವುದು. ನಿಯಮಿತ ಸಕ್ಕರೆ ಸೇವನೆಯಿಂದ ರಕ್ತದಲ್ಲಿ ಗ್ಲೂಕೋಸ್ ಹೆಚ್ಚಳವಾಗುವುದು. ಹಾಗಾಗಿ, ಅನೇಕರು ಕ್ಯಾಲೊರಿಗಳು ಅಥವಾ ಕಾರ್ಬೋಹೈಡ್ರೇಟ್ಗಳನ್ನು ಸೇರಿಸದೆಯೇ ಸಿಹಿ ಪದಾರ್ಥವನ್ನು ಸೇವನೆಯ ಪರ್ಯಾಯಗಳನ್ನು ಹುಡುಕುತ್ತಾರೆ. ಕೃತಕ ಸಿಹಿ ಪದಾರ್ಥಗಳು ಮತ್ತು ಇತರ ಸಕ್ಕರೆ ಬದಲಿ ಪದಾರ್ಥಗಳನ್ನು ನಿಖರವಾಗಿ ಅದನ್ನೇ ಮಾಡಲು ವಿನ್ಯಾಸಗೊಳಿಸಲಾಗಿದೆ. ಅವು ರಕ್ತದಲ್ಲಿನ ಸಕ್ಕರೆ ಮಟ್ಟಗಳ ಮೇಲೆ ಕಡಿಮೆ ಅಥವಾ ಯಾವುದೇ ಪರಿಣಾಮ ಬೀರದ ಸಿಹಿ ಅಂಶವನ್ನು ನೀಡುತ್ತವೆ. ಇದು ಮಧುಮೇಹ ಕಾಯಿಲೆ ಇರುವವರಿಗೆ ಆಕರ್ಷಕ ಆಯ್ಕೆ ಹೌದು.
ಕೃತಕ ಸಿಹಿ ಪದಾರ್ಥಗಳು ಸುರಕ್ಷಿತವೇ?
ಪಾನೀಯಗಳು, ಸಿಹಿತಿಂಡಿಗಳು, ಸಕ್ಕರೆ ರಹಿತ ಬಿಸ್ಕತ್ತುಗಳು, ಮೊಸರು ಮತ್ತು ಔಷಧಿ ಸೇರಿ ವ್ಯಾಪಕ ಶ್ರೇಣಿಯ ಉತ್ಪನ್ನಗಳಲ್ಲಿ ಸಿಹಿ ಅಂಶಗಳು ಕಂಡುಬರುತ್ತವೆ. ನಿಯಂತ್ರಣ ಇಲಾಖೆಯಿಂದ ಅನುಮೋದಿಸಿದ ಹೆಚ್ಚಿನ ಕೃತಕ ಸಿಹಿಕಾರಕಗಳು ವ್ಯಾಪಕವಾದ ಸುರಕ್ಷತಾ ಪರೀಕ್ಷೆಗೆ ಒಳಗಾಗಿವೆ. ಶಿಫಾರಸು ಮಾಡಿದ ಮಿತಿಗಳಲ್ಲಿ ಸೇವಿಸಿದಾಗ ಅವನ್ನು ಸಾಮಾನ್ಯವಾಗಿ ಮಧುಮೇಹ ಇರುವವರಿಗೆ ಸುರಕ್ಷಿತವೆಂದು ಪರಿಗಣಿಸಲಾಗುತ್ತದೆ.
ನನ್ನ ಅಭ್ಯಾಸದಲ್ಲಿ, ಸಕ್ಕರೆ ಸೇವನೆ ಕಡಿಮೆ ಮಾಡಲು ಅಥವಾ ಆರೋಗ್ಯಕರ ಆಹಾರ ಪದ್ಧತಿಗೆ ಪರಿವರ್ತನೆಗೊಳ್ಳಲು ಪ್ರಯತ್ನಿಸುತ್ತಿರುವ ರೋಗಿಗಳಿಗೆ ತಾತ್ಕಾಲಿಕ ಸಹಾಯವಾಗಿ ಸಕ್ಕರೆಗೆ ಪರ್ಯಾಯಗಳನ್ನು ಶಿಫಾರಸು ಮಾಡಬಹುದು. ಅನೇಕ ವ್ಯಕ್ತಿಗಳಿಗೆ ಸಕ್ಕರೆ-ಸಿಹಿಗೊಳಿಸಿದ ಪಾನೀಯಗಳನ್ನು ಸಕ್ಕರೆ ರಹಿತ ಪರ್ಯಾಯಗಳೊಂದಿಗೆ ಬದಲಾಯಿಸುವುದರಿಂದ ಕ್ಯಾಲೋರಿ ಸೇವನೆಯನ್ನು ಗಮನಾರ್ಹವಾಗಿ ಕಡಿಮೆ ಮಾಡಿ, ರಕ್ತದಲ್ಲಿನ ಸಕ್ಕರೆ ನಿಯಂತ್ರಣವನ್ನು ಸುಧಾರಿಸ ಬಹುದು. ಆದಾಗ್ಯೂ, ಸುರಕ್ಷಿತ ಎಂದರೆ ಅನಿಯಮಿತ ಪ್ರಮಾಣದಲ್ಲಿ ಸ್ವಯಂಚಾಲಿತವಾಗಿ ಆರೋಗ್ಯಕರ ಎಂದರ್ಥವಲ್ಲ.
ಕೃತಕ ಸಿಹಿ ಬೀರೋ ಪರಿಣಾಮಗಳಿವು:
ಕೃತಕ ಸಿಹಿ ಪದಾರ್ಥಗಳು ಸಿಹಿ ಆಹಾರಗಳ ಹಂಬಲ ಹೆಚ್ಚಿಸುತ್ತಲೇ ಇರಬಹುದು ಎಂಬುದು ಹೆಚ್ಚಾಗಿ ಗಮನಕ್ಕೆ ಬಾರದ ಒಂದು ಕಳವಳಕಾರಿ ಸಂಗತಿ. ಹಲವು ರೋಗಿಗಳು ಸಕ್ಕರೆ ಸೇವನೆಯನ್ನು ಸಂಪೂರ್ಣವಾಗಿ ನಿಲ್ಲಿಸಿದ್ದೇವೆ, ಆದರೆ ಪ್ರತಿದಿನ ಹಲವು ಗ್ಲಾಸ್ ಡಯಟ್ ಪಾನೀಯಗಳನ್ನು ಕುಡಿಯುತ್ತಿದ್ದೇವೆ ಎಂದು ಹೆಮ್ಮೆಯಿಂದ ಹೇಳುತ್ತಾರೆ. ಅವರ ರಕ್ತದಲ್ಲಿ ಸಕ್ಕರೆ ತಕ್ಷಣವೇ ಹೆಚ್ಚಾಗದಿದ್ದರೂ, ಅವರು ಸಿಹಿತಿಂಡಿಗಳಿಗಾಗಿ ಹಂಬಲಿಸುತ್ತಾರೆ ಮತ್ತು ಆರೋಗ್ಯಕರ ಆಹಾರ ಪದ್ಧತಿಯನ್ನು ಅಳವಡಿಸಿಕೊಳ್ಳಲು ಹೆಣಗಾಡುತ್ತಾರೆ.
ಕೇವಲ ಸಕ್ಕರೆಯನ್ನು ಮತ್ತೊಂದು ಸಿಹಿ ಪದಾರ್ಥಗಳೊಂದಿಗೆ ಬದಲಾಯಿಸುವುದು ಮಾತ್ರ ಅಂತಿಮ ಗುರಿಯಾಗಿರಬಾರದು. ಒಟ್ಟಾರೆಯಾಗಿ, ಕಡಿಮೆ ಸಿಹಿ ಆಹಾರವನ್ನು ಆನಂದಿಸಲು ಅಭ್ಯಾಸ ಮಾಡಿಕೊಳ್ಳಲು ಇಂಥ ಆಹಾರಗಳನ್ನು ಬಳಸಬಹುದು.
ಸಕ್ಕರೆ ಪಾನೀಯಗಳು ಮತ್ತು ಸಿಹಿತಿಂಡಿಗಳಿಂದ ಕಡಿಮೆ ಕ್ಯಾಲೋರಿ ಪರ್ಯಾಯಗಳಿಗೆ ಬದಲಾಯಿಸಿದ ನಂತರ ಕೆಲವು ವ್ಯಕ್ತಿಗಳು ಯಶಸ್ವಿಯಾಗಿ ತೂಕ ಕಳೆದುಕೊಳ್ಳುತ್ತಾರೆ. ಇತರರು ಪ್ರಯೋಜನವನ್ನು ಕಾಣುವುದಿಲ್ಲ. ಏಕೆಂದರೆ ಅರಿವಿಲ್ಲದೆ ಬೇರೆಡೆ ಹೆಚ್ಚುವರಿ ಕ್ಯಾಲೋರಿಗಳನ್ನು ಸೇವಿಸುವ ಮೂಲಕ ಅವರು ಸರಿದೂಗಿಸುತ್ತಾರೆ. ಸಕ್ಕರೆ ರಹಿತ ಸಿಹಿ ಪದಾರ್ಥ ಹೆಚ್ಚು ತಿನ್ನಲು ಉಚಿತ ಪಾಸ್ ಅಲ್ಲ ಎಂದು ನಾನು ರೋಗಿಗಳಿಗೆ ಆಗಾಗ್ಗೆ ನೆನಪಿಸುತ್ತೇನೆ. ತೂಕ ನಿರ್ವಹಣೆಯು, ಒಟ್ಟಾರೆ ಕ್ಯಾಲೋರಿ ಸೇವನೆ, ದೈಹಿಕ ಚಟುವಟಿಕೆ, ನಿದ್ರೆಯ ಗುಣಮಟ್ಟ ಮತ್ತು ಜೀವನಶೈಲಿಯ ಅಭ್ಯಾಸಗಳನ್ನು ಅವಲಂಬಿಸಿರುತ್ತದೆ.
ನೈಸರ್ಗಿಕ ಸಿಹಿ ಪದಾರ್ಥಗಳ ಬಗ್ಗೆ ಇರಲಿ ಅರಿವು
"ನೈಸರ್ಗಿಕ" ಎಂದು ಲೇಬಲ್ ಅಂಟಿಸಲಾದ ಉತ್ಪನ್ನಗಳು ಆರೋಗ್ಯಕರವೆಂದು ಅನೇಕರು ಭಾವಿಸುತ್ತಾರೆ. ಇದೂ ಸರ್ವತಾ ಓಪ್ಪುವ ವಿಷಯವಲ್ಲ. ಜೇನುತುಪ್ಪ, ಬೆಲ್ಲ, ಕಂದು ಸಕ್ಕರೆ, ತೆಂಗಿನಕಾಯಿ ಸಕ್ಕರೆ ಮತ್ತು ಅಂಥದ್ದೇ ಉತ್ಪನ್ನಗಳು ಸಂಸ್ಕರಿಸಿದ ಸಕ್ಕರೆಗಿಂತ ಆರೋಗ್ಯಕರವೆಂದು ಕಂಡರೂ ಅವು ರಕ್ತದಲ್ಲಿ ಗ್ಲೂಕೋಸ್ ಮಟ್ಟವನ್ನು ಹೆಚ್ಚಿಸಬಹುದು ಮತ್ತು ಇಂಥವನ್ನು ಮಧುಮೇಹ ಇರುವವರು ಎಚ್ಚರಿಕೆಯಿಂದ ಸೇವಿಸಬೇಕು. ಸ್ಟೀವಿಯಾದಂತಹ ಕೆಲವು ಸಸ್ಯ ಆಧಾರಿತ ಸಿಹಿಕಾರಕಗಳು ಜನಪ್ರಿಯತೆಯನ್ನು ಗಳಿಸಿವೆ. ಏಕೆಂದರೆ ಅವು ರಕ್ತದ ಸಕ್ಕರೆಯ ಮೇಲೆ ಪರಿಣಾಮ ಬೀರದೆ ಸಿಹಿಯನ್ನು ನೀಡುತ್ತವೆ. ಇವು ಕೆಲವು ವ್ಯಕ್ತಿಗಳಿಗೆ ಉಪಯುಕ್ತ ಆಯ್ಕೆಗಳಾಗಿರಬಹುದು, ಆದರೆ ಮಿತವಾಗಿರುವುದು ಮುಖ್ಯ.
ಕೃತಕ ಸಿಹಿ ಪದಾರ್ಥಗಳು ಸಾಮಾನ್ಯವಾಗಿ ವಯಸ್ಕರಿಗೆ ಸುರಕ್ಷಿತವಾಗಿರುತ್ತವೆ. ಆದಾಗ್ಯೂ, ನಿರ್ದಿಷ್ಟ ವೈದ್ಯಕೀಯ ಪರಿಸ್ಥಿತಿಗಳು ಅಥವಾ ಆಹಾರದ ಕಾಳಜಿ ಹೊಂದಿರುವ ವ್ಯಕ್ತಿಗಳು ತಮ್ಮ ಆರೋಗ್ಯ ತಜ್ಞರೊಂದಿಗೆ ಅವುಗಳ ಬಳಕೆ ಕುರಿತು ಚರ್ಚಿಸಬೇಕು.ಮುಖ್ಯವಾಗಿ ಜನರು "ಸಕ್ಕರೆ ರಹಿತ" ಎಂದು ಲೇಬಲ್ ಮಾಡಲಾದ ಉತ್ಪನ್ನಗಳು ಸ್ವಯಂ ಚಾಲಿತವಾಗಿ ಆರೋಗ್ಯಕರವೆಂದು ಭಾವಿಸಬಾರದು. ಅನೇಕ ಸಕ್ಕರೆ ರಹಿತ ಆಹಾರಗಳು ಸಂಸ್ಕರಿಸಿದ ಕಾರ್ಬೋಹೈಡ್ರೇಟ್ಗಳು ಅಥವಾ ಕ್ಯಾಲೊರಿಗಳೊಂದಿಗೆ ಗಮನಾರ್ಹ ಪ್ರಮಾಣದ ಕೊಬ್ಬನ್ನು ಹೊಂದಿರಬಹುದು. ಇಂಥವು ತೂಕ ಮತ್ತು ಮಧುಮೇಹ ನಿಯಂತ್ರಣ ಎರಡರ ಮೇಲೂ ಪರಿಣಾಮ ಬೀರುತ್ತದೆ. ಇಷ್ಟು ವರ್ಷಗಳಲ್ಲಿ, ಆರೋಗ್ಯಕರ ವಿಧಾನವು ಸಾಮಾನ್ಯವಾಗಿ ಸರಳ.
ಕೃತಕ ಸಿಹಿ ಪದಾರ್ಥಗಳು ನಿಮ್ಮ ಸಕ್ಕರೆ ಸೇವನೆಯನ್ನು ಕಡಿಮೆ ಮಾಡಲು ಸಹಾಯ ಮಾಡಿದರೆ ಅವು ಖಂಡಿತವಾಗಿಯೂ ನಿಮ್ಮ ಮಧುಮೇಹ ನಿರ್ವಹಣಾ ಯೋಜನೆಯ ಭಾಗವಾಗಬಹುದು. ಆದರೆ ಅತಿಯಾದ ಸಿಹಿ ಆಹಾರ ಸೇವನೆಯನ್ನು ನೆಪವಾಗಿ ಅಲ್ಲ, ಆರೋಗ್ಯಕರ ಆಹಾರ ಪದ್ಧತಿಗಳ ಕಡೆಗೆ ಸೇತುವೆಯಾಗಿ ಅವುಗಳನ್ನು ಬಳಸಿ.
ಸಂಪೂರ್ಣ ಆಹಾರಗಳು, ಸೂಕ್ತ ಭಾಗಗಳಲ್ಲಿ ತಾಜಾ ಹಣ್ಣುಗಳು, ತರಕಾರಿಗಳು, ದ್ವಿದಳ ಧಾನ್ಯಗಳು, ಬೀಜಗಳು ಮತ್ತು ಸಮತೋಲಿತ ಊಟಗಳ ಮೇಲೆ ಕೇಂದ್ರೀಕರಿಸಿ. ಹೆಚ್ಚು ನೀರು ಕುಡಿಯಿರಿ ದೈಹಿಕ ವಾಗಿ ಸಕ್ರಿಯವಾಗಿರಲು ಪ್ರಯತ್ನಿಸಿ ಮತ್ತು ಸಿಹಿಗಾಗಿ ನಿಮ್ಮ ಆದ್ಯತೆ ಕಡಿಮೆ ಮಾಡುವಲ್ಲಿ ಕೆಲಸ ಮಾಡಿ.
ಮಧುಮೇಹ ಇರುವವರಿಗೆ ಕೃತಕ ಸಿಹಿ ಪದಾರ್ಥಗಳನ್ನು ಶಿಫಾರಸು ಮಾಡಿದ ಮಿತಿಯಲ್ಲಿ ಸೇವಿಸಿದಾಗ ಅವು ಸಾಮಾನ್ಯವಾಗಿ ಸುರಕ್ಷಿತವಾಗಿರುತ್ತವೆ. ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಅವು ಹೆಚ್ಚಿಸುವುದಿಲ್. ಒಟ್ಟಾರೆ ಸಕ್ಕರೆ ಸೇವನೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಆದಾಗ್ಯೂ, ಅವು ಮಧುಮೇಹಕ್ಕೆ ಪರಿಹಾರವಲ್ಲ, ಆರೋಗ್ಯಕರ ಜೀವನಶೈಲಿಗೆ ಪರ್ಯಾಯವೂ ಅಲ್ಲ. ಸಮತೋಲಿತ ಪೋಷಣೆ, ನಿಯಮಿತ ವ್ಯಾಯಾಮ, ಆರೋಗ್ಯಕರ ತೂಕ ಕಾಪಾಡಿಕೊಳ್ಳುವುದು ಮತ್ತು ಸುಸ್ಥಿರ ಜೀವನಶೈಲಿ ಬದಲಾವಣೆಯು ಮಧುಮೇಹ ನಿರ್ವಹಣೆಗೆ ನಿಜವಾದ ಪರ್ಯಾಯ ಮಾರ್ಗವೆನ್ನುವುದು ಮರೆಯಬೇಡಿ.
ನಾನು ನನ್ನ ರೋಗಿಗಳಿಗೆ ಆಗಾಗ್ಗೆ ಹೇಳುವಂತೆ, ಮಧುಮೇಹವನ್ನು ನಿರ್ವಹಿಸುವುದು ಪರಿಪೂರ್ಣ ಸಿಹಿ ಪದಾರ್ಥಗಳನ್ನು ಕಂಡುಹಿಡಿಯುವುದರ ಬಗ್ಗೆ ಅಲ್ಲ, ಸರಿಯಾದ ಸಮತೋಲನವನ್ನು ಕಂಡುಕೊಳ್ಳಬೇಕು.
Click it and Unblock the Notifications
Sign in with Google