KPSC Jobs: 384 ಗೆಜೆಟೆಡ್ ಪ್ರೊಬೇಷನರ್ಸ್ ಹುದ್ದೆ ಭರ್ತಿಗೆ ಅಧಿಸೂಚನೆ, ಮಾಹಿತಿ

Updated: Monday, February 26, 2024, 21:13 [IST]

ಬೆಂಗಳೂರು, ಫೆಬ್ರವರಿ.26: ಕರ್ನಾಟಕದ ಆರ್ಥಿಕ ಇಲಾಖೆ 384 ಗೆಜೆಟೆಡ್ ಪ್ರೊಬೇಷನರ್ಸ್ ಹುದ್ದೆಗಳ ಭರ್ತಿಗೆ ಒಪ್ಪಿಗೆ ನೀಡಿದ್ದು, ಅಧಿಸೂಚನೆ ಹೊರಡಿಸಿದೆ. 384 ಹುದ್ದೆಗಳಲ್ಲಿ ಯಾವ ಇಲಾಖೆಗೆ ಎಷ್ಟು ಎಂದು ಸಹ ಹಂಚಿಕೆ ಮಾಡಲಾಗಿದ್ದು, ಅರ್ಹ ಅಭ್ಯರ್ಥಿಗಳಿಂದ ಆನ್ ಲೈನ್ ಮೂಲಕ ಅರ್ಜಿಗಳನ್ನು ಆಹ್ವಾನಿಸಿದೆ.

ಕರ್ನಾಟಕ ಗೆಜೆಟೆಡ್ ಪ್ರೊಬೇಷನರ್ (ಸ್ಪರ್ಧಾತ್ಮಕ ಪರೀಕ್ಷೆಗಳ ಮೂಲಕ ನೇಮಕಾತಿ) ನಿಯಮಗಳು 1997 ಹಾಗೂ ಕಾಲಕಾಲಕ್ಕೆ ತಿದ್ದುಪಡಿಯಾದ ನಿಯಮಗಳಡಿಯಲ್ಲಿ ಗೆಜೆಟೆಡ್ ಪ್ರೊಬೇಷನರ್ 2023-24ನೇ ಸಾಲಿನ ಹುದ್ದೆಗಳನ್ನು ಭರ್ತಿ ಮಾಡಲು ಆಯೋಗವು ಅಧಿಸೂಚನೆ ಹೊರಡಿಸಿದೆ.

KPSC Jobs: 384 Gazetted Probationers Recruitment Notification

ಯಾವ ಇಲಾಖೆಯಲ್ಲಿ ಎಷ್ಟು ಹುದ್ದೆ?

ಗ್ರೂಪ್ 'ಎ'

* ಸಹಾಯಕ ಆಯುಕ್ತರು (ಕಿರಿಯ ಶ್ರೇಣಿ) ಸಿಬ್ಬಂದಿ ಮತ್ತು ಆಡಳಿತ ಸುಧಾರಣೆ ಇಲಾಖೆ- ಒಟ್ಟು 40 ಹುದ್ದೆಗಳು. ಅದರಲ್ಲಿ 37 ಹುದ್ದೆ ಆರ್‌.ಸಿ.ಪಿ ವೃಂದಕ್ಕೆ, 03 ಸ್ಥಾನ ಹೈದರಾಬಾದ್ ವೃಂದಕ್ಕೆ.

*ವಾಣಿಜ್ಯ ತೆರಿಗೆಗಳ ಸಹಾಯಕ ಆಯುಕ್ತರು. ವಾಣಿಜ್ಯ ತೆರಿಗೆ ಇಲಾಖೆ- ಒಟ್ಟು 41 ಹುದ್ದೆ, ಆರ್‌.ಸಿ.ಪಿ ವೃಂದಕ್ಕೆ 30, 11 ಸ್ಥಾನ ಹೈದರಾಬಾದ್ ವೃಂದಕ್ಕೆ.

* ಸಹಾಯಕ ನಿರ್ದೇಶಕರು. ಖಜಾನೆ ಇಲಾಖೆ- ಒಟ್ಟು 2 ಹುದ್ದೆ. ಆರ್‌.ಸಿ.ಪಿ ವೃಂದಕ್ಕೆ ಒಂದು, ಹೈದರಾಬಾದ್ ವೃಂದಕ್ಕೆ ಒಂದು ಸ್ಥಾನ.

* ಕಾರ್ಯ ನಿರ್ವಾಹಕ ಅಧಿಕಾರಿ/ ಸಹಾಯಕ ಕಾರ್ಯದರ್ಶಿ, ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್‌ ರಾಜ್ ಇಲಾಖೆ- ಒಟ್ಟು 40 ಹುದ್ದೆಗಳು. ಆರ್‌.ಸಿ.ಪಿ ವೃಂದಕ್ಕೆ 32 ಹುದ್ದೆ, 8 ಸಹುದ್ದೆ ಹೈದರಾಬಾದ್ ವೃಂದಕ್ಕೆ.

* ಡಿವೈಎಸ್‌ಪಿ. ಒಳಾಡಳಿತ ಇಲಾಖೆ- ಒಟ್ಟು 9 ಹುದ್ದೆಗಳಿದ್ದು, ಆರ್‌.ಸಿ.ಪಿ ವೃಂದಕ್ಕೆ 7 ಮತ್ತು ಹೈದರಾಬಾದ್ ವೃಂದಕ್ಕೆ 2 ಸ್ಥಾನ ನೀಡಲಾಗಿದೆ.

* ಸಹಾಯಕ ನಿರ್ದೇಶಕರು ಗ್ರೇಡ್-1 ಸಮಾಜ ಕಲ್ಯಾಣ ಇಲಾಖೆ- ಆರ್‌.ಸಿ.ಪಿ ವೃಂದಕ್ಕೆ 14, ಹೈದರಾಬಾದ್ ವೃಂದಕ್ಕೆ 6 ಹುದ್ದೆಗಳಿದ್ದು ಒಟ್ಟು 20.

* ಜಿಲ್ಲಾ ಹಿಂದುಳಿದ ವರ್ಗಗಳ ಕಲ್ಯಾಣಾಧಿಕಾರಿ/ ಸಹಾಯಕ ನಿರ್ದೇಶಕರು/ ಪ್ರಾಂಶುಪಾಲರು (ಪಿಇಟಿಸಿ) ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆ- ಆರ್‌.ಸಿ.ಪಿ ವೃಂದಕ್ಕೆ 5, ಹೈದರಾಬಾದ್ ವೃಂದಕ್ಕೆ 2 ಒಟ್ಟು 7 ಹುದ್ದೆಗಳು.

ಇನ್ನು, ಗ್ರೂಪ್ 'ಬಿ'ನಲ್ಲಿ 225 ಹುದ್ದೆಗಳಿದ್ದು ಕಂದಾಯ ಇಲಾಖೆ, ಕಾರ್ಮಿಕ ಇಲಾಖೆ, ಸಹಕಾರ ಇಲಾಖೆ, ಆರ್ಥಿಕ ಇಲಾಖೆ, ಲೆಕ್ಕ ಪರಿಶೋಧನಾ ಇಲಾಖೆ, ಕೌಶಲಾಭಿವೃದ್ಧಿ ಇಲಾಖೆ, ಉದ್ಯಮಶೀಲತೆ ಮತ್ತು ಜೀವನೋಪಾಯ ಇಲಾಖೆ, ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆ, ನಗರಾಭಿವೃದ್ಧಿ ಇಲಾಖೆ, ಆರ್ಥಿಕ ಇಲಖೆ (ಖಜಾನೆ), ಆಹಾರ ನಾಗರಿಕ ಸರಬರಾಜು ಮತ್ತು ಗ್ರಾಹಕರ ವ್ಯವಹಾರಗಳ ಇಲಾಖೆ, ಪ್ರವಾಸೋದ್ಯಮ ಇಲಾಖೆ, ಕರ್ನಾಟಕ ಸರ್ಕಾರದ ಸಚಿವಾಲಯ ಮತ್ತು ಸಮಾಜ ಕಲ್ಯಾಣ ಇಲಾಖೆಯಲ್ಲಿ ಕೆಲಸ ಖಾಲಿಯಿದೆ.