Solar Eclipse 2024: ಭಾರತದಿಂದ ಅಮೆರಿಕಾದವರೆಗೂ ಭಯ ಹುಟ್ಟಿಸಿದ ವರ್ಷದ ಮೊದಲ ಸೂರ್ಯಗ್ರಹಣ- ಕಾರಣವೇನು?

ವರ್ಷದ ಮೊದಲ ಸೂರ್ಯಗ್ರಹಣ 8 ಏಪ್ರಿಲ್ 2024 ರಂದು ನಡೆಯುತ್ತಿದೆ. ಈ ಸೂರ್ಯಗ್ರಹಣದ ಬಗ್ಗೆ ಜನರ ಮನಸ್ಸಿನಲ್ಲಿ ಭಯದ ವಾತಾವರಣ ಕಂಡು ಬರುತ್ತಿದೆ. ಕಳೆದ 50 ವರ್ಷಗಳಲ್ಲಿ ಸೂರ್ಯಗ್ರಹಣದ ಬಗ್ಗೆ ಜನರು ತುಂಬಾ ಭಯಪಡುತ್ತಿರುವುದು ಇದೇ ಮೊದಲು.

ವಾಸ್ತವವಾಗಿ ಈ ಸೂರ್ಯಗ್ರಹಣದ ಬಗ್ಗೆ ಭಯಪಡಲು ಒಂದು ಪ್ರಮುಖ ಕಾರಣವೆಂದರೆ ಈ ಗ್ರಹಣದ ಅವಧಿಯು ಕಳೆದ 50 ವರ್ಷಗಳಲ್ಲಿ ತುಂಬಾ ದೀರ್ಘ ಸಮಯದವರೆಗೆ ಇದೆ. ಏಪ್ರಿಲ್ 8ರಂದು ಸಂಭವಿಸುವ ಈ ಸೂರ್ಯಗ್ರಹಣದ ಅವಧಿ 4 ಗಂಟೆ 25 ನಿಮಿಷಗಳು. ಈ ಸೂರ್ಯಗ್ರಹಣದ ಮರುದಿನವೇ ಭಾರತದಲ್ಲಿ ಹಿಂದೂ ಹೊಸ ವರ್ಷ ಯುಗಾದಿ ಬಳಿಕ ರಾಮನವಮಿ ಆಚರಿಸಲಾಗುತ್ತದೆ. ಹಾಗಾದರೆ ಭಾರತ ಮತ್ತು ಅಮೆರಿಕದ ಜನರು ಸೂರ್ಯಗ್ರಹಣದ ಬಗ್ಗೆ ಏಕೆ ಭಯಗೊಂಡಿದ್ದಾರೆಂದು ತಿಳಿಯೋಣ.

ಅಮೆರಿಕದಲ್ಲಿ ಶಾಲೆಗಳು ಮತ್ತು ಕಾಲೇಜುಗಳು ಬಂದ್

ಏಪ್ರಿಲ್ 8 ರಂದು ಸೂರ್ಯಗ್ರಹಣ ಅಮೆರಿಕ, ಕೆನಡಾ, ಇಂಗ್ಲೆಂಡ್, ಮೆಕ್ಸಿಕೊ ಮತ್ತು ಐರ್ಲೆಂಡ್‌ನಲ್ಲಿ ಗೋಚರಿಸುತ್ತದೆ. ಅಮೆರಿಕ ಕಾಲಮಾನದ ಪ್ರಕಾರ ಈ ಸೂರ್ಯಗ್ರಹಣ 2:15ಕ್ಕೆ ಆರಂಭವಾಗಲಿದೆ. ಭಾರತೀಯ ಕಾಲಮಾನದ ಪ್ರಕಾರ ಏಪ್ರಿಲ್ 8ರ ರಾತ್ರಿ 9:12ಕ್ಕೆ ಸೂರ್ಯಗ್ರಹಣ ಆರಂಭವಾಗಲಿದೆ.

ಭಾರತದಲ್ಲಿ ಏಪ್ರಿಲ್ 8ರಂದು ಸೂರ್ಯಗ್ರಹಣ ಪ್ರಾರಂಭದ ಸಮಯ ರಾತ್ರಿ 10.10ಕ್ಕೆ, ಮುಕ್ತಾಯದ ಸಮಯ ಮಧ್ಯಾಹ್ನ 2.22ಕ್ಕೆ ಇರುತ್ತದೆ. ಈ ಸೂರ್ಯಗ್ರಹಣ ಭಾರತದಲ್ಲಿ ಗೋಚರಿಸುವುದಿಲ್ಲವಾದರೂ, ಈ ಸೂರ್ಯಗ್ರಹಣದ ಬಗ್ಗೆ ಭಾರತದ ಜನರಲ್ಲಿ ಇನ್ನೂ ಹಲವು ಪ್ರಶ್ನೆಗಳು ಹುಟ್ಟಿಕೊಂಡಿವೆ.

ಭಾರತದಲ್ಲಿ ಸೂತಕ ಕಾಲ

ಸೂರ್ಯಗ್ರಹಣದ ಸಮಯದಲ್ಲಿ ಪೂಜೆಯಂತಹ ಶುಭ ಕಾರ್ಯಗಳನ್ನು ಮಾಡಬಹುದೇ ಎಂಬುದು ಹಲವರ ಪ್ರಶ್ನೆಯಾಗಿದೆ. ಏಕೆಂದರೆ ಸೂರ್ಯಗ್ರಹಣದ ಮರುದಿನ ಯುಗಾದಿ ಹಬ್ಬವಿದೆ. ಈ ಕಾರಣಕ್ಕಾಗಿ ಯುಗಾದಿ ಆಚರಿಸುವ ಜನರು ಟೆನ್ಶನ್ನಲ್ಲಿದ್ದಾರೆ.

ಆದರೆ ಜ್ಯೋತಿಷಿಗಳ ಪ್ರಕಾರ, ಅಮೆರಿಕಾದಲ್ಲಿ ಸಂಭವಿಸುವ ಈ ಸೂರ್ಯಗ್ರಹಣವು ಭಾರತದಲ್ಲಿ ಗೋಚರಿಸುವುದಿಲ್ಲ. ಆದ್ದರಿಂದ ಸೂತಕ ಅವಧಿಯು ಭಾರತದಲ್ಲಿ ಮಾನ್ಯವಾಗಿರುವುದಿಲ್ಲ. ಜನರು ಇತರ ದಿನದಂತೆ ತಮ್ಮ ದಿನಚರಿ ಕೆಲಸ ಆರಂಭಿಸಬಹುದು.

ಭಾರತದಿಂದ ಅಮೆರಿಕಾದವರೆಗೂ ಭಯ ಹುಟ್ಟಿಸಿದ ಸೂರ್ಯಗ್ರಹಣ

ಅಮೆರಿಕಾದಲ್ಲಿ ಗೋಚರಿಸುವ ಸೂರ್ಯಗ್ರಹಣ ಭಾರತದಲ್ಲಿ ಗೋಚರಿಸುವುದಿಲ್ಲ. ಆದ್ದರಿಂದ ಭಾರತದಲ್ಲಿ ಸೂತಕ ಕಾಲ ಸಹ ಮಾನ್ಯವಾಗಿರುವುದಿಲ್ಲ. ಜೊತೆಗೆ ಸೂರ್ಯಗ್ರಹಣದ ಪ್ರಭಾವ ಭಾರತದಲ್ಲಿ ಇರುವುದಿಲ್ಲ. ಅಮೇರಿಕಾ ಮತ್ತು ಕೆಲವು ದೇಶಗಳಲ್ಲಿ ಕೆಲ ಹೊತ್ತು ಕತ್ತಲೆ ಆವರಿಸಲಿದೆ. ಹೀಗಾಗಿ ಇಲ್ಲಿ ಶಾಲೆಗಳಿಗೆ, ವ್ಯಾಪಾರಕ್ಕೆ ರಜೆ ಘೋಷಿಸಲಾಗುತ್ತದೆ. ಇತರ ಚಟುವಟಿಕೆಗಳ ಮೇಲೆ ಇದರ ಪರಿಣಾಮ ಬೀರಲಿದೆ.

ಪ್ರಪಂಚದಾದ್ಯಂತದ ದೇಶಗಳು ಪರಸ್ಪರ ಸಂಪರ್ಕ ಹೊಂದಿವೆ. ಹೆಚ್ಚಿನ ಸಂಖ್ಯೆಯ ಭಾರತೀಯರು ಅಮೆರಿಕದಲ್ಲಿ ಕೆಲಸ ಮಾಡುತ್ತಾರೆ. ಇದರಿಂದಾಗಿ ಅಮೆರಿಕದಲ್ಲಿ ನೆಲೆಸಿರುವ ಭಾರತೀಯರ ಕುಟುಂಬಗಳಿಗೆ ಈ ಸೂರ್ಯಗ್ರಹಣ ಭಯ ಹುಟ್ಟಿಸಿದೆ. ಅಮೇರಿಕಾದಲ್ಲಿರುವ ಭಾರತೀಯರು ಹೊಸ ವರ್ಷ ಯುಗಾದಿಯನ್ನು ಆಚರಿಸಲು ಭಯಪಡುತ್ತಿದ್ದಾರೆ. ಈ ಕಾರಣಕ್ಕಾಗಿ, ಅಮೆರಿಕದಲ್ಲಿ ಗೋಚರಿಸುವ ಸೂರ್ಯಗ್ರಹಣದ ಬಗ್ಗೆ ಭಾರತೀಯರು ಸಹ ಟೆನ್ಷನ್‌ನಲ್ಲಿದ್ದಾರೆ.

ಸೂರ್ಯಗ್ರಹಣ ಅಥವಾ ಚಂದ್ರಗ್ರಹಣದ ವೇಳೆ ಇದನ್ನು ನೆನಪಿನಲ್ಲಿಡಿ

ಸೂರ್ಯಗ್ರಹಣವಾಗಲಿ ಅಥವಾ ಚಂದ್ರಗ್ರಹಣವಾಗಲಿ ಇವೆರೆಡೂ ಖಗೋಳ ಘಟನೆಗಳು. ಜ್ಯೋತಿಷ್ಯದಲ್ಲಿ ಎರಡೂ ಗ್ರಹಣಗಳಿಗೆ ಹೆಚ್ಚಿನ ಪ್ರಾಮುಖ್ಯತೆ ಇದೆ. ಆದರೆ ಸೂರ್ಯಗ್ರಹಣ ಅಥವಾ ಚಂದ್ರಗ್ರಹಣದ ಬಗ್ಗೆ ಭಯಪಡಬಾರದು. ಸೂರ್ಯಗ್ರಹಣ ಮತ್ತು ಚಂದ್ರಗ್ರಹಣದ ಸಮಯದಲ್ಲಿ ಗಾಯತ್ರಿ ಮಂತ್ರವನ್ನು ಪಠಿಸಿದರೆ ತುಂಬಾ ಒಳ್ಳೆಯದು. ಸೂರ್ಯಗ್ರಹಣದ ಸಮಯದಲ್ಲಿ ನೀವು ಸೂರ್ಯ ಮಂತ್ರ ಓಂ ಘೃಣಿ ಸೂರ್ಯಾಯ ನಮಃ ಎಂದು ಪಠಿಸಬಹುದು. ಈ ಕಾರಣದಿಂದಾಗಿ ಗ್ರಹಣದ ದುಷ್ಪರಿಣಾಮಗಳು ನಿಮ್ಮ ಮೇಲೆ ಪರಿಣಾಮ ಬೀರುವುದಿಲ್ಲ.

ಕೊರೊನಾ ಮಹಾಮಾರಿಯ ನಂತರ ಅತಿ ದೊಡ್ಡ ಸೂರ್ಯಗ್ರಹಣ

ಏಪ್ರಿಲ್ 8ರ ಈ ಸೂರ್ಯಗ್ರಹಣದ ಬಗ್ಗೆ ಜನರು ಭಯಗೊಳ್ಳಲು ಮತ್ತೊಂದು ಕಾರಣವಿದೆ. ಇದು ಕೊರೊನಾ ಸಾಂಕ್ರಾಮಿಕದ ನಂತರ ದೀರ್ಘಾವಧಿಯ ಸೂರ್ಯಗ್ರಹಣವಾಗಿದೆ. ಈ ಕಾರಣದಿಂದ ಜನರು ತಮ್ಮ ಆರೋಗ್ಯದ ಬಗ್ಗೆಯೂ ಚಿಂತಿತರಾಗಿದ್ದಾರೆ. ವೈಜ್ಞಾನಿಕ ದೃಷ್ಟಿಕೋನದ ಪ್ರಕಾರ ನೀವು ಸೂರ್ಯಗ್ರಹಣವನ್ನು ಬರಿಗಣ್ಣಿನಿಂದ ನೋಡುವುದನ್ನು ತಪ್ಪಿಸಬೇಕು. ಏಕೆಂದರೆ ಅದು ನಿಮ್ಮ ಕಣ್ಣುಗಳಿಗೆ ಹಾನಿಯನ್ನುಂಟು ಮಾಡುತ್ತದೆ. ಜ್ಯೋತಿಷ್ಯದಲ್ಲಿ ಸೂರ್ಯಗ್ರಹಣವನ್ನು ನೋಡುವುದನ್ನು ನಿಷೇಧಿಸಲಾಗಿದೆ. ಇದು ಕಣ್ಣುಗಳ ಮೇಲೆ ಕೆಟ್ಟ ಪರಿಣಾಮವನ್ನು ಬೀರುತ್ತದೆ ಮತ್ತು ಗ್ರಹಣ ನಿಮ್ಮ ಜೀವನದ ಮೇಲೆ ಅಶುಭ ಪರಿಣಾಮವನ್ನು ಬೀರುತ್ತದೆ.

English summary

The first solar eclipse of the year that caused fear from India to America: the reason? Read more in kannada.