ನಾಟಿ ಕೋಳಿ ಸಾರು ಮನೆಯಲ್ಲೇ ತಯಾರಿಸುವ ಬಾ ಗುರು..... : ಹೋಟೆಲ್ ಸ್ಟೈಲ್ ಕರಿ ಬಾಯಿಚಪ್ಪರಿಸಿ ತಿನ್ನಿರಿ

ನೀವು ಚಿಕನ್ ಪ್ರಿಯರೇ? ನಿಮಗೂ ನಾಟಿ ಕೋಳಿ ಇಷ್ಟವೇ? ನೀವು ಎಂದಾದರೂ ಹೊಟೇಲ್‌ಗಳಲ್ಲಿ ನಾಟಿ ಕೋಳಿ ಕರಿ ತಿಂದಿದ್ದೀರಾ? ತಿಂದಿಲ್ಲಾ ಅಂತಾದರೆ ಇಲ್ಲಿದೆ ನಾಟಿ ಕೋಳಿ ಕರಿಯನ್ನು ಮನೆಯಲ್ಲಿ ರುಚಿಕರವಾಗಿ ತಯಾರಿಸುವ ವಿಧಾನ. ಹಾಗಾದರೆ ಭಾನುವಾರಕ್ಕೆ ಮನೆಯಲ್ಲಿ ನಾಟಿ ಕೋಳಿ ಕರಿ ಮಾಡಿ ಮನೆಯವರನ್ನೆಲ್ಲ ಅಚ್ಚರಿಗೊಳಿಸಿ.

ಮೊದಲು ಎಲ್ಲಾ ಮಸಾಲೆಗಳನ್ನು ಹುರಿದು ಪುಡಿ ಮಾಡಿ ತಯಾರಿಸಬೇಕು. ಇದೇ ರುಚಿಕರವಾಗಿ ನಾಟಿ ಕೋಳಿ ಕರಿ ತಯಾರಿಸುವ ಮೊದಲ ವಿಧಾನ. ಮಸಾಲೆಯುಕ್ತ ಪದಾರ್ಥಗಳನ್ನು ಹುರಿಯುವ ಕಲೆ ನೀವು ಕಲಿತಿದ್ದರೆ ನೀವು ಅಡುಗೆ ರುಚಿಯಾಗಿ ಮಾಡುತ್ತೀರಿ ಎಂತಲೇ ಅರ್ಥ.

ಈ ನಾಟಿ ಕೋಳಿ ಚಿಕನ್ ಗ್ರೇವಿ ಅನ್ನ, ಇಡ್ಲಿ, ಚಪಾತಿ, ರೊಟ್ಟಿ, ದೋಸೆ ಇತ್ಯಾದಿಗಳೊಂದಿಗೆ ಸವಿಯಬಹುದು. ಮಕ್ಕಳಿಂದ ಹಿಡಿದು ವಯಸ್ಕರವರೆಗೆ ಎಲ್ಲರೂ ಇದನ್ನು ಆನಂದಿಸಬಹುದು. ಹಾಗಾದರೆ ನಾಟಿ ಚಿಕನ್ ಕರಿ ಮಾಡುವುದು ಹೇಗೆಂದು ತಿಳಿಯೋಣ. ಇದನ್ನು ಓದಿ ಮನೆಯಲ್ಲೊಮ್ಮೆ ಟ್ರೈ ಮಾಡಿ. ರುಚಿ ಹೇಗಿತ್ತು ಅನ್ನೋದನ್ನ ಕಾಮೆಮಟ್ ಮಾಡಿ.

ಅಗತ್ಯವಿರುವ ವಸ್ತುಗಳು:

* ಚಿಕನ್ - 1 ಕೆಜಿ

* ಅರಿಶಿನ ಪುಡಿ - 1 ಟೀಸ್ಪೂನ್

* ಮೆಣಸಿನ ಪುಡಿ - 1 ಚಮಚ

* ಉಪ್ಪು - ರುಚಿಗೆ ತಕ್ಕಂತೆ

* ನೀರು - 1 ಕಪ್

ಮೊದಲು ರುಬ್ಬಲು...

* ತೆಂಗಿನಕಾಯಿ - 1 ಕಪ್ (ತುರಿದ)

ಗ್ರೈಂಡ್‌ಗಾಗಿ...

* ಈರುಳ್ಳಿ - 500 ಗ್ರಾಂ

* ಜೀರಿಗೆ - 1 ಚಮಚ

* ಕರಿಬೇವಿನ ಎಲೆಗಳು - ಒಂದು ಹಿಡಿ

ರುಬ್ಬುವುದಕ್ಕೆ...

* ಚಕ್ಕೆ - 4 ತುಂಡುಗಳು

* ಸೋಂಪು - 2 ಟೇಬಲ್ ಚಮಚ

* ಏಲಕ್ಕಿ - 10

* ಲವಂಗ - 10

ಕರಿಗಾಗಿ....

* ಎಣ್ಣೆ - 1/4 ಕಪ್

* ಶುಂಠಿ ಬೆಳ್ಳುಳ್ಳಿ ಪೇಸ್ಟ್ - 3 ಚಮಚ

* ದೊಡ್ಡ ಟೊಮ್ಯಾಟೊ - 3 (ಸಣ್ಣದಾಗಿ ಕೊಚ್ಚಿದ)

* ಕೊತ್ತಂಬರಿ ಪುಡಿ - 3 ಚಮಚ

* ಗರಂ ಮಸಾಲಾ - 1 ಚಮಚ

* ಉಪ್ಪು - ರುಚಿಗೆ ತಕ್ಕಂತೆ

* ನೀರು - ಅಗತ್ಯಕ್ಕೆ

* ಕೊತ್ತಂಬರಿ - 1 ಕೈತುಂಬ

* ನಿಂಬೆ ಹಣ್ಣು ಒಂದು

ಮಾಡುವ ವಿಧಾನ...

* ಮೊದಲು ನಾಟಿ ಕೋಳಿಯನ್ನು ನೀರಿನಿಂದ ಚೆನ್ನಾಗಿ ತೊಳೆದು, ಅದಕ್ಕೆ ಬೇಕಾದಷ್ಟು ಉಪ್ಪು, ಖಾರ, ನಿಂಬೆ ರಸ, ಒಂದೆರೆಡು ಲವಂಗಾ, ಒಂದೆರೆಡು ಪುದೀನಾ ಎಲೆ ಹಾಕಿ ಕೊಂಚ ಹೊತ್ತು ಮುಚ್ಚಿಡಿ.

* 15-20 ನಿಮಿಷ ಬಿಟ್ಟು ಕುಕ್ಕರ್‌ನಲ್ಲಿ ಹಾಕಿ ಅರಿಶಿನ ಪುಡಿ, ಮೆಣಸಿನ ಪುಡಿ ಮತ್ತು 1 ಕಪ್ ನೀರು ಹಾಕಿ ಒಲೆಯ ಮೇಲೆ ಇಟ್ಟು ಕುಕ್ಕರ್ ಮುಚ್ಚಿ 5 ಸೀಟಿ ಬರಲು ಬಿಡಿ. ಕಡಿಮೆ ಉರಿಯಲ್ಲಿ 10 ನಿಮಿಷ ಬೇಯಿಸಿ ಮತ್ತು ಒಲೆಯಲ್ಲಿ ಆಫ್ ಮಾಡಿ.

* ನಂತರ ತುರಿದು ಹುರಿದ ತೆಂಗಿನಕಾಯಿಯನ್ನು ಮಿಕ್ಸರ್ ಜಾರ್ ಗೆ ಹಾಕಿ ಸ್ವಲ್ಪ ನೀರು ಹಾಕಿ ಚೆನ್ನಾಗಿ ರುಬ್ಬಿಕೊಂಡು ಪಕ್ಕಕ್ಕೆ ಇಡಿ.

* ನಂತರ ಮಿಕ್ಸರ್ ಜಾರ್ ಗೆ ಸಣ್ಣಗೆ ಹೆಚ್ಚಿದ ಈರುಳ್ಳಿ, ಜೀರಿಗೆ ಮತ್ತು ಕರಿಬೇವಿನ ಸೊಪ್ಪನ್ನು ಹಾಕಿ ರುಬ್ಬಿಕೊಂಡು ಪ್ರತ್ಯೇಕವಾಗಿ ಇಟ್ಟುಕೊಳ್ಳಿ.

* ನಂತರ ರುಬ್ಬಲು ಕೊಟ್ಟಿರುವ ಸಾಮಗ್ರಿಗಳನ್ನು ಒದ್ದೆಯಾಗದ ಮಿಕ್ಸರ್ ಜಾರ್ ನಲ್ಲಿ ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ. ಮನೆಯಲ್ಲಿ ರುಬ್ಬುವ ಕಲ್ಲು ಇದ್ದರೆ ಇನ್ನೂ ಒಳ್ಳೆಯದು.

* ಮೊದಲು ಕುಕ್ಕರ್‌ನಲ್ಲಿ ಎಣ್ಣೆಯನ್ನು ಹಾಕಿ ಸ್ವಲ್ಪ ಬಿಸಿ ಮಾಡಿ. ಎಣ್ಣೆ ತುಂಬಾ ಕಾಯದಂತೆ ಅಥವಾ ಕಾಯದೇ ಇರುವಾಗ ಪದಾರ್ಥಗಳನ್ನು ಹಾಕುವುದನ್ನು ತಪ್ಪಿಸಿ. ಮೊದಲಿಗೆ ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಹಸಿ ವಾಸನೆ ಹೋಗುವವರೆಗೆ ಹುರಿಯಿರಿ.

*ಮಂದ ಉರಿಯಲ್ಲಿ ಬೇಯಿಸಿ ನಂತರ ಗ್ರೈಂಡ್‌ ಮಾಡಿದ ಜೀರಿಗೆ, ಈರುಳ್ಳಿ, ಕರಿಬೇವಿನ ಎಲೆಗಳ ಪೇಸ್ಟ್ ಹಾಕಿ. ಇದನ್ನು ಎಣ್ಣೆ ಮೇಲೆ ಬರುವ ತನಕ ಬೇಯಿಸಿ.

* ನಂತರ ಕುಕ್ಕರ್‌ನಲ್ಲಿ ಬೇಯಿಸಿದ ಚಿಕನ್ ಅನ್ನು ನೀರಿನೊಂದಿಗೆ ಮಸಾಲೆಯಲ್ಲಿ ಬೆರೆಸಿ.

* ನಂತರ ಟೊಮ್ಯಾಟೊ, ತೆಂಗಿನ ಪೇಸ್ಟ್, ಕೊತ್ತಂಬರಿ ಪುಡಿ, ಮೆಣಸಿನ ಪುಡಿ, ಕೊತ್ತಂಬರಿ ಹಾಕಿ ಚೆನ್ನಾಗಿ ಕಲಸಿ ಮಧ್ಯಮ ಉರಿಯಲ್ಲಿ 15 ನಿಮಿಷ ಬೇಯಿಸಿ.

* ನಂತರ ಅದರಲ್ಲಿ ಗರಂ ಮಸಾಲ ಉದುರಿಸಿ ಬೆರೆಸಿ.

*ಕೊನೆಗೆ ಇನ್ನೊಂದು ಒಲೆಯಲ್ಲಿ ಚಿಕ್ಕ ಬಾಣಲೆಯನ್ನು ಒಲೆಯಲ್ಲಿ ಇಟ್ಟು ಅದರಲ್ಲಿ ಎಣ್ಣೆ ಹಾಕಿ ಬಿಸಿ ಮಾಡಿ ಅದಕ್ಕೆ ಸಣ್ಣಗೆ ಹೆಚ್ಚಿದ ಈರುಳ್ಳಿ, ಕರಿಬೇವಿನ ಸೊಪ್ಪು ಹಾಕಿ ಒಗ್ಗರಣೆ ಮಾಡಿ ಗ್ರೇವಿ ಹಾಕಿ ಕಲಕಿ ಮೇಲೆ ಕೊತ್ತಂಬರಿ ಸೊಪ್ಪು ಉದುರಿಸಿ ಸವಿದರೆ ರುಚಿಯಾದ ನಾಟಿ ಕೋಳಿ ಕರಿ ಸವಿಯಲು ಸಿದ್ಧ.

English summary

Learn how to make nati chicken curry at home.