ನಟಿ ಸೋನಾಲಿ ಬೇಂದ್ರೆಗೆ ಕ್ಯಾನ್ಸರ್ ಚಿಕಿತ್ಸೆ, ಈಗ ಹೇಗಿದ್ದಾರೆ ಗೊತ್ತಾ?

ಆಕೆ ಚೆಲುವೆ. ನಾಲ್ಕಾರು ಭಾಷೆಯಲ್ಲಿ ನಟಿಸಿದ ಚಿತ್ರ ನಟಿ. ನಲವತ್ಮೂರು ವರ್ಷದ ಆಕೆಗೆ ಕ್ಯಾನ್ಸರ್. ಸದ್ಯಕ್ಕೆ ಅಮೆರಿಕದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಆಕೆ ಬೇಗ ಚೇತರಿಸಿಕೊಳ್ಳಲಿ ಎಂದು ಬಾಲಿವುಡ್ ನ ನಟ- ನಟಿಯರು ಹಾರೈಸುತ್ತಿದ್ದಾರೆ. ತನ್ನ ಬಗ್ಗೆಯೇ ಇನ್ ಸ್ಟಾಗ್ರಾಮ್ ನಲ್ಲಿ ಬರೆದುಕೊಂಡಿರುವ ಆ ಕ್ಯಾನ್ಸರ್ ಪೀಡಿತ ನಟಿ- ಚೆಲುವೆ ಹೆಸರು ಸೋನಾಲಿ ಬೇಂದ್ರೆ.

ಹೌದು, ಅದೇ ನಟಿ. ಕನ್ನಡದಲ್ಲಿ 'ಪ್ರೀತ್ಸೆ' ಸಿನಿಮಾದಲ್ಲಿ ಉಪೇಂದ್ರ ಹಾಗೂ ಶಿವರಾಜ್ ಕುಮಾರ್ ಅವರ ಜತೆಯಾಗಿ ನಟಿಸಿದ್ದವರು. ಬಾಬ್ ಕಟ್ ಮಾಡಿಸಿಕೊಂಡಿದ್ದು, ಕಪ್ಪು ಟಾಪ್- ನೀಲಿ ಡೆನಿಮ್ ಹಾಕಿಕೊಂಡಿರುವ ಫೋಟೋವನ್ನು ಹಾಕಿರುವ ಸೋನಾಲಿ ಬೇಂದ್ರೆ ಏನು ಹೇಳಿಕೊಂಡಿದ್ದಾರೆ ಎಂಬುದರ ಸಾರಾಂಶ ನಿಮ್ಮ ಮುಂದಿದೆ.

ನನ್ನ ನೆಚ್ಚಿನ ಲೇಖಕರಾದ ಇಸಾಬೆಲ್ ಅಲೆಂಡ್ ಹೇಳಿದ್ದಾರೆ: ನಮ್ಮಲ್ಲಿ ಸುಪ್ತವಾಗಿರುವ ಶಕ್ತಿಯನ್ನು ಹೊರತರುವ ತನಕ ನಾವೆಷ್ಟು ಬಲಶಾಲಿಗಳು ಅನ್ನೋದು ನಮಗೇ ಗೊತ್ತಿರಲ್ಲ. ದುಃಖ, ಯುದ್ಧ, ಅಗತ್ಯದ ಸನ್ನಿವೇಶಗಳಲ್ಲಿ ಜನರು ಅದ್ಭುತವಾದದ್ದು ಮಾಡುತ್ತಾರೆ. ತನ್ನ ಉಳಿವು ಹಾಗೂ ಮರುಹುಟ್ಟಿಗಾಗಿ ಮನುಷ್ಯ ಮಾಡುವ ಪ್ರಯತ್ನಗಳು ಅದ್ಭುತ.

ಆ ಅನುಭವಗಳು ಧೈರ್ಯ ತುಂಬುತ್ತಿವೆ

ಕಳೆದ ಕೆಲವು ದಿನಗಳಿಂದ ನನಗೆ ಸಿಗುತ್ತಿರುವ ಪ್ರೀತಿಯಿಂದ ಮನಸ್ಸು ತುಂಬಿ ಬಂದಿದೆ. ಅದರಲ್ಲೂ ಕ್ಯಾನ್ಸರ್ ಜತೆ ಬಡಿದಾಡಿ ಗೆದ್ದು ಬಂದ ಅನುಭವವನ್ನು ನನ್ನೊಂದಿಗೆ ಹಂಚಿಕೊಳ್ಳುತ್ತಿರುವವರಿಗೆ ನಾನು ಆಭಾರಿ. ಅದು ನಿಮ್ಮದು ಹಾಗೂ ನಿಮ್ಮ ಪ್ರೀತಿಪಾತ್ರರು ಯಾರದೇ ಆಗಿರಲಿ. ಆ ಅನುಭವಗಳು ನನ್ನಲ್ಲಿ ಇನ್ನೂ ಹೆಚ್ಚು ಬಲ ಹಾಗೂ ಧೈರ್ಯ ತುಂಬುತ್ತಿದೆ. ಅದರ ಜತೆಗೆ ನಾನು ಒಂಟಿಯಲ್ಲ ಎಂಬ ಭಾವ ಮೂಡುತ್ತಿದೆ.

ದಿನಕ್ಕೊಂದು ಹೊಸ ಸವಾಲು, ಗೆಲುವು

ಈ ವರೆಗೆ ದಿನಕ್ಕೊಂದು ಹೊಸ ಸವಾಲು ಹಾಗೂ ಗೆಲುವು. ಒಂದು ಸಲಕ್ಕೆ ಒಂದೇ ದಿನ ಅಂತ ತೀರ್ಮಾನಿಸಿದ್ದೀನಿ. ಸಕಾರಾತ್ಮಕ ಆಲೋಚನೆ ಮಾಡುವುದರಲ್ಲಿ ಸ್ಥಿರತೆ ಕಾಯ್ದುಕೊಳ್ಳಲು ಪ್ರಯತ್ನಿಸುತ್ತಿದ್ದೀನಿ. ಅಕ್ಷರಶಃ ಬೆಳಕಿನ ಕಡೆಗೆ ನನ್ನ ದೃಷ್ಟಿ- ಇದು ನಾನು ಕ್ಯಾನ್ಸರ್ ಜತೆಗೆ ನಡೆದುಕೊಳ್ಳುತ್ತಿರುವ ರೀತಿ.

In the words of my favourite author Isabel Allende, “We don't even know how strong we are until we are forced to bring that hidden strength forward. In times of tragedy, of war, of necessity, people do amazing things. The human capacity for survival and renewal is awesome.” The outpouring of love I’ve received in the last few days has been so overwhelming… and I’m especially grateful to those of you who shared stories of your experiences in dealing with cancer, whether it was your own or of loved ones. Your stories have given me an extra dosage of strength and courage, and more importantly, the knowledge that I’m not alone. Each day comes with its own challenges and victories and so for now, I’m taking this #OneDayAtATime. The only thing I’m trying to be consistent about is maintaining a positive outlook... literally #SwitchOnTheSunshine - it’s my way of dealing with this. Sharing my journey is also part of this process... I can only hope it reminds you that all is not lost and that someone, somewhere understands what you’re going through. 🤞🌞

A post shared by Sonali Bendre (@iamsonalibendre) on Jul 10, 2018 at 12:20am PDT

ಎಲ್ಲವನ್ನೂ ಕಳೆದುಕೊಂಡಿಲ್ಲ ಎಂಬ ಧೈರ್ಯ

ನನ್ನ ಪಯಣದ ಬಗ್ಗೆ ಅನುಭವ ಹಂಚಿಕೊಳ್ಳುವುದು ಸಹ ಆ ಪ್ರಕ್ರಿಯೆಯ ಭಾಗವೇ. ನನಗಿರುವ ಭರವಸೆ ಏನೆಂದರೆ, ನಾನು ಎಲ್ಲವನ್ನೂ ಕಳೆದುಕೊಂಡಿಲ್ಲ ಅನ್ನೋದು ನೆನಪು ಆಗುತ್ತಲೇ ಇರುತ್ತದೆ. ನಿಮ್ಮ ಪರಿಸ್ಥಿತಿ ಹೇಗಿದೆ, ನೀವೆಂಥ ಸನ್ನಿವೇಶದಲ್ಲಿ ಇದ್ದೀರಾ ಎಂಬುದನ್ನು ಯಾರಾದರೂ ಎಲ್ಲಾದರೂ ಅರ್ಥ ಮಾಡಿಕೊಳ್ತಾರೆ.

ಇವರೆಲ್ಲ ಕ್ಯಾನ್ಸರ್ ಎದುರಿಸಿದವರು

ಅಂದಹಾಗೆ ಒಂಬತ್ತು ವರ್ಷದ ಹಿಂದೆ ಕ್ಯಾನ್ಸರ್ ಕಾಣಿಸಿಕೊಂಡು, ಆ ನಂತರ ಚೇತರಿಸಿಕೊಂಡ ನಟಿ ಲೀಸಾ ರೇ ಕೂಡ ಟ್ವಿಟ್ಟರ್ ನಲ್ಲಿ ಸೋನಾಲಿ ಬೇಂದ್ರೆಗೆ ಸಂದೇಶ ಕಳುಹಿಸಿದ್ದಾರೆ. ಇರ್ಫಾನ್ ಖಾನ್, ಮನಿಷಾ ಕೊಯಿರಾಲ, ಯುವರಾಜ್ ಸಿಂಗ್, ಮುಮ್ತಾಜ್ ಕೂಡ ಕ್ಯಾನ್ಸರ್ ಇರುವುದಾಗಿ ಗುರ್ತಿಸಿಕೊಂಡವರು.

English summary

Sonali Bendre is 'overwhelmed to receive outpouring love' after she revealed that she has been diagnosed with high-grade cancer. The actor, who is currently undergoing treatment in New York, took to Instagram to share how she is battling it out with the life-threatening ailment.