Fact check: ಈ ವ್ಯಕ್ತಿ ಪ್ರೌಢಶಾಲೆಯಲ್ಲಿ 26 ಬಾರಿ ಫೇಲ್ ಆಗಿದ್ದಾನೆ: ಇದು ಸತ್ಯವೇ?

ಇತ್ತೀಚಿನ ದಿನಗಳಲ್ಲಿ ಇಂಟರ್ನೆಟ್‌ನಲ್ಲಿ ಹಲವಾರು ಪೋಸ್ಟ್‌ಗಳು ವೈರಲ್ ಆಗುತ್ತಲೇ ಇರುತ್ತವೆ. ಇವುಗಳಲ್ಲಿ ಹೆಚ್ಚಿನವುಗಳಲ್ಲಿ ಸತ್ಯದ ಅಂಶವಿಲ್ಲದೇ ವೈರಲ್ ಆಗುತ್ತವೆ. ಇದು ಹೆಚ್ಚಾಗಿ ಸಂಭವಿಸುತ್ತದೆ. ಏಕೆಂದರೆ ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್‌ಗಳಾದ್ಯಂತ ಟ್ರೋಲ್ ಆಗಲು ಸತ್ಯಕ್ಕೆ ದೂರವಾಗಿರುವ ಹಲವು ವಿಷಯಗಳನ್ನು ವೈರಲ್ ಮಾಡಲಾಗುತ್ತದೆ. ಇಂತಹದೊಂದು ಪೋಸ್ಟ್‌ನಲ್ಲಿ ಹೈಸ್ಕೂಲ್‌ನಲ್ಲಿ 26 ಬಾರಿ ಅನುತ್ತೀರ್ಣರಾಗಿ ವಿಶ್ವದಾಖಲೆ ಮಾಡುವುದಾಗಿ ಹೇಳಿಕೊಂಡಿರುವ ವ್ಯಕ್ತಿಯ ಫೋಟೋವನ್ನು ಹಂಚಿಕೊಳ್ಳಲಾಗಿದೆ. ಈ ವೈರಲ್ ಪೋಸ್ಟ್‌ನ ಹಿಂದಿನ ಸತ್ಯವನ್ನು ನಾವು ನಿಮಗೆ ಹೇಳುತ್ತೇವೆ.

ಉತ್ತರ ಪ್ರದೇಶ ಮಂಡಳಿಯು ಇತ್ತೀಚೆಗೆ ಫಲಿತಾಂಶಗಳನ್ನು ಪ್ರಕಟಿಸಿತ್ತು. ಫಲಿತಾಂಶ ಬಿಡುಗಡೆಯ ಮಧ್ಯೆ ಉಮೇಶ್ ಚಂದ್ರ ಸತಿ ಎಂಬ ಫೇಸ್‌ಬುಕ್ ಖಾತೆಯಿಂದ ಪೋಸ್ಟ್‌ವೊಂದನ್ನು ಹಂಚಿಕೊಳ್ಳಲಾಗಿದೆ. ಪೋಸ್ಟ್‌ನಲ್ಲಿ "ಇಂದು ಎಲ್ಲಾ ಗ್ರಾಮಸ್ಥರು ಪ್ರೌಢಶಾಲೆಯಲ್ಲಿ ಸತತ 26 ನೇ ಬಾರಿಗೆ ಫೇಲ್ ಆದ ವ್ಯಕ್ತಿಗೆ ಹೂವಿನ ಹಾರಗಳನ್ನು ಅರ್ಪಿಸಿದರು" ಎಂದು ಬರೆಯಲಾಗಿದೆ.

ಈ ವೈರಲ್ ಪೋಸ್ಟ್ ಅನ್ನು ಶೇರ್ ಮಾಡಿದ ವ್ಯಕ್ತಿ ಅದರೊಂದಿಗೆ ಮಾರ್ಕ್‌ಶೀಟ್ ಕೂಡ ಹಂಚಿಕೊಂಡಿದ್ದಾರೆ. ಮತ್ತೊಂದು ಫೋಟೋದಲ್ಲಿ ಇಬ್ಬರು ಮಹಿಳೆಯರು ವ್ಯಕ್ತಿಗೆ ಮಾಲೆಗಳನ್ನು ಹಾಕುತ್ತಿರುವುದನ್ನು ತೋರಿಸಲಾಗಿದೆ. ಈ ವಿಷಯದ ಸುತ್ತಲಿನ ಸತ್ಯವನ್ನು ಆಳವಾಗಿ ಕೆದಕಿದಾಗ ಪೋಸ್ಟ್ ನಕಲಿ ಎಂಬುದು ಗೊತ್ತಾಗಿದೆ.

ಉಮೇಶ್ ಚಂದ್ರ ಸತಿ ಅವರು ಹಂಚಿಕೊಂಡಿರುವ ಚಿತ್ರವು ಸಾಕಷ್ಟು ಹಳೆಯದಾಗಿದೆ ಮತ್ತು ಅದನ್ನು ಈಗ ಮತ್ತೆ ಹಂಚಿಕೊಳ್ಳಲಾಗಿದೆ. ಇದನ್ನು ಮೊದಲು 31 ಅಕ್ಟೋಬರ್ 2021 ರಂದು ಮತ್ತು ನಂತರ 1 ನವೆಂಬರ್ 2021 ರಂದು ಹಂಚಿಕೊಳ್ಳಲಾಗಿದೆ. ಈ ಪೋಸ್ಟ್‌ಗಳ ಕಾಮೆಂಟ್‌ಗಳ ವಿಭಾಗವು ಸತ್ಯವನ್ನು ಸ್ಪಷ್ಟವಾಗಿ ತೋರಿಸುತ್ತದೆ.

ಮಾಧ್ಯಮ ವರದಿಗಳ ಪ್ರಕಾರ, ಜನರನ್ನು ನಗಿಸುವ ಸಲುವಾಗಿ ಮಾತ್ರ ಉಮೇಶ್ ಪೋಸ್ಟ್ ಅನ್ನು ಹಂಚಿಕೊಂಡಿದ್ದಾರೆ. ಆಶ್ಚರ್ಯಕರವಾಗಿ, ಪೋಸ್ಟ್ 24 ಗಂಟೆಗಳಲ್ಲಿ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ವೈರಲ್ ಆಗಿದೆ. ಅಲ್ಲದೆ, ಈ ಚಿತ್ರದಲ್ಲಿ ಕಂಡುಬರುವ ಅಂಕಪಟ್ಟಿ ಛಾಯಾಚಿತ್ರವನ್ನು ಸುಮಾರು 3-4 ವರ್ಷಗಳ ಹಿಂದೆ ಉಮೇಶ್ ಅವರಿಗೆ ಕಳುಹಿಸಲಾಗಿದೆ. ಹೀಗಾಗಿ ವೈರಲ್ ಪೋಸ್ಟ್ ನಕಲಿ ಎಂದು ತಿಳಿದು ಬಂದಿದೆ.

ಉಮೇಶ್ ಉತ್ತರಾಖಂಡದ ಚಮೋಲಿಯ ಪಿಪಲ್ಕೋಟಿ ಗ್ರಾಮದ ನಿವಾಸಿ ಎಂಬುದು ಗಮನಾರ್ಹ. 11ನೇ ತರಗತಿವರೆಗೆ ಓದಿರುವ ಇವರು ಸದ್ಯ ಖಾಸಗಿ ಸಂಸ್ಥೆಯಲ್ಲಿ ಕೆಲಸ ಮಾಡುತ್ತಿದ್ದಾರೆ.

(ಒನ್ಇಂಡಿಯಾ ಸುದ್ದಿ)

English summary

Viral message tells this guy has been failed 26 times in high school. What is the truth behind this?