Alia Bhatt saree: ಅನಂತ್ ಅಂಬಾನಿ ಮದುವೆಯಲ್ಲಿ 160 ವರ್ಷ ಹಳೆಯ ಸೀರೆಯಲ್ಲಿ ಮಿಂಚಿದ ಆಲಿಯಾ ಭಟ್, ಬೆಲೆಯೇಷ್ಟು ಗೊತ್ತಾ?

ದೇಶದ ಕುಬೇರ ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಅವರ ಅದ್ಧೂರಿ ಮದುವೆ ಸಮಾರಂಭ ನಡೆಯುತ್ತಿದೆ. ಇಡೀ ಚಿತ್ರರಂಗ, ರಾಜಕೀಯ ಗಣ್ಯರು ಅಂಬಾನಿ ಕುಟುಂಬದ ಶುಭಗಳಿಗೆಯಲ್ಲಿ ಹಾಜರಾಗಿದ್ದರು. ಈ ವೇಳೆ ಸೆಲಬ್ರಿಟಿಗಳ ಬಟ್ಟೆಗಳ ಬಗ್ಗೆ ಸಕತ್ ಚರ್ಚೆಯಾಗುತ್ತಿದೆ. ಅದರಲ್ಲೂ ಬಾಲಿವುಡ್ ನಟಿ ಆಲಿಯಾ ಭಟ್ ಸೀರೆ ಎಲ್ಲರ ಗಮನ ಸೆಳೆದಿದೆ.

ಅಂಬಾನಿ ಮಗನ ಮದುವೆಯಲ್ಲಿ ನೆಟಿಜನ್‌ಗಳು ತಾರೆಯರು ಮತ್ತು ಗೌರವಾನ್ವಿತ ಅತಿಥಿಗಳ ಅದ್ಭುತ ಫ್ಯಾಷನ್ ಆಯ್ಕೆಗಳನ್ನು ನೋಡಲು ಕಾತುರದಿಂದ ಎದುರು ನೋಡುತ್ತಿದ್ದ ವೇಳೆ ನಟಿ ಆಲಿಯಾ ಭಟ್ ಧರಿಸಿದ್ದ ಗುಲಾಬಿ ಬಣ್ಣದ ಸೀರೆ ಎಲ್ಲರ ಚಿತ್ತ ತನ್ನತ್ತ ಸೆಳೆದಿದೆ. ಆಲಿಯಾ ಧರಿಸಿದ್ದು, ಬರೋಬ್ಬರಿ 160 ವರ್ಷ ಹಳೆಯ ಸೀರೆ.

160 ವರ್ಷ ಹಳೆಯ ಸೀರೆ ಧರಿಸಿದ ಆಲಿಯಾ ಭಟ್

ಆಲಿಯಾ ಭಟ್ ಅವರು ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಅವರ ವಿವಾಹದಲ್ಲಿ 160 ವರ್ಷ ಹಳೆಯದಾದ ಆಶಾವಲಿ ಸೀರೆ ಧರಿಸಿದ್ದರು. ಗುಜರಾತ್‌ನಲ್ಲಿ ನಿಖರವಾಗಿ ನೇಯ್ದ, ಶುದ್ಧ ರೇಷ್ಮೆಯಿಂದ ಅಲಂಕರಿಸಲ್ಪಟ್ಟಿದೆ. 99% ಶುದ್ಧ ಬೆಳ್ಳಿಯ ಝರಿ ಮತ್ತು 6 ಗ್ರಾಂ ಚಿನ್ನವನ್ನು ಹೊಂದಿರುವ ಈ ಸೀರೆ ನೋಡಲು ಎಷ್ಟು ಚೆಂದವೂ ಜೇಬಿಗೂ ಅಷ್ಟೇ ದುಬಾರಿ. ಈ ಸೀರೆಯ ಬೆಲೆ ಬರೋಬ್ಬರಿ ಎರಡು ಕೋಟಿ ರೂಪಾಯಿ ಎನ್ನಲಾಗಿದೆ.

ಸೆಲಬ್ರಿಟಿ ಫ್ಯಾಷನ್ ಡಿಸೈನರ್ ಮನೀಶ್ ಮಲ್ಹೋತ್ರಾ ಅವರ ಆರ್ಕೈವಲ್ ಸಂಗ್ರಹದಲ್ಲಿದ್ದ ಅಮೂಲ್ಯವಾದ ಸೀರೆಯನ್ನು ಆಲಿಯಾ ಭಟ್ ಆಯ್ಕೆ ಮಾಡಿಕೊಂಡಿದ್ದಾರೆ. ಗುಲಾಬಿ ವರ್ಣ ಮತ್ತು ಸಂಕೀರ್ಣವಾದ ಕರಕುಶಲತೆಯಿಂದ ನೋಡುಗರನ್ನು ಆಕರ್ಷಿಸುತ್ತಿದೆ ಈ ಸೀರೆ. ಈ ಸೀರೆಗೆ ನಟಿ ಆಲಿಯಾ ಭಟ್ ಎದ್ದುಕಾಣುವ ಸ್ಟ್ರಾಪ್‌ಲೆಸ್ ಬ್ಲೌಸ್ ಧರಿಸಿದ್ದಾರೆ.

ಈ ಸೀರೆ ಮತ್ತು ಸ್ಟ್ರಾಪ್‌ಲೆಸ್ ಬ್ಲೌಸ್ ಜೊತೆಗೆ ಸಾಂಪ್ರದಾಯಿಕ ಭಾರತೀಯ ಆಭರಣಗಳ ಜೊತೆಗೆ ಮ್ಯಾಚಿಂಗ್ ಮಾಡಿದ್ದಾರೆ. ಕಾಂತಿಯುತವಾದ ನೆಕ್ಲೇಸ್, ಮ್ಯಾಚಿಂಗ್ ಕಿವಿಯೋಲೆಗಳು ಮತ್ತು ಹಣೆಬೊಟ್ಟು ಹೊಂದಿರುವ ವಜ್ರದ ಸೆಟ್‌ ಧರಿಸಿದ್ದಾರೆ. ಈ ಲುಕ್‌ನಲ್ಲಿ ಗಂಗೂಬಾಯಿ ಕಾಥಿಯಾವಾಡ ಸಿನಿಮಾ ನಟಿ ನಿಜಕ್ಕೂ ಅಪ್ಸರೆ ರೀತಿ ಕಾಣುತ್ತಿದ್ದಾರೆ.

ಆಶಾವಳಿ ನೇಯ್ಗೆ ಸಂಪ್ರದಾಯ

16 ನೇ ಶತಮಾನದಿಂದ ಅಹಮದಾಬಾದ್‌ನಲ್ಲಿ ಬೇರೂರಿರುವ ಆಶಾವಲಿ ನೇಯ್ಗೆ ಸಂಪ್ರದಾಯವು ಜವಳಿ ಇತಿಹಾಸದಲ್ಲಿ ಪ್ರತಿಷ್ಠಿತ ಸ್ಥಾನವನ್ನು ಹೊಂದಿದೆ. ನುರಿತ ನೇಕಾರರು ಮತ್ತು ಪಟೇಲ್‌ಗಳಿಂದ ರಚಿಸಲ್ಪಟ್ಟ ಈ ಜವಳಿಗಳು ಕೇವಲ ವಸ್ತ್ರಗಳಾಗಿರಲಿಲ್ಲ, ರಾಜಮನೆತನದ ಕೃಪೆಯ ಸಂಕೇತಗಳಾಗಿದ್ದವು.

ಈ ಆಶಾವಳಿ ನೇಯ್ಗೆ ಪ್ರಭಾವವು ವೇಷಭೂಷಣವನ್ನು ಮೀರಿ ಅಲಂಕಾರಿಕ ಕಲೆಗಳಿಗೆ ವಿಸ್ತರಿಸಿತು. ಒಂಟೆಗಳು ಮತ್ತು ಆನೆಗಳಂತಹ ಭವ್ಯವಾದ ಪ್ರಾಣಿಗಳಿಗೆ ಮೇಲಾವರಣ ಮತ್ತು ಅಲಂಕಾರಗಳಲ್ಲಿ ಕಂಡುಬರುತ್ತದೆ. ಗುಜರಾತ್‌ನ ಸಾಂಸ್ಕೃತಿಕ ಮತ್ತು ಕಲಾತ್ಮಕ ಪರಂಪರೆಯನ್ನು ರೂಪಿಸುತ್ತದೆ.

ವಾಸ್ತವವಾಗಿ, ಆಲಿಯಾ ಭಟ್ ಅವರ ಆಶಾವಲಿ ಸೀರೆಯ ಆಯ್ಕೆಯು ಕಾಲಾತೀತ ಕುಶಲಕರ್ಮಿಗಳನ್ನು ಮಾತ್ರವಲ್ಲದೆ ಗುಜರಾತ್‌ನ ಶ್ರೀಮಂತ ಜವಳಿ ಪರಂಪರೆಯನ್ನು ಗೌರವಿಸಿದೆ. ಶತಮಾನಗಳ ಸಂಪ್ರದಾಯವನ್ನು ಸಮಕಾಲೀನ ಆಕರ್ಷಣೆಯೊಂದಿಗೆ ಲಿಂಕ್ ಮಾಡಿದೆ. ಭಾರತದ ಜವಳಿ ವಸ್ತ್ರದ ಪ್ರತಿಯೊಂದು ಎಳೆಗಳು ನೇಯ್ಗೆಯ ನಿರಂತರ ಸೌಂದರ್ಯ ಮತ್ತು ಸಾಂಸ್ಕೃತಿಕ ಮಹತ್ವಕ್ಕೆ ಸಾಕ್ಷಿಯಾಗಿದೆ.

ಈ ಸಂಕೀರ್ಣ ಮಾದರಿಗಳು ಮೋಚಾ ಕಸೂತಿ, ಬೀಡ್‌ವರ್ಕ್ ಮತ್ತು ಜಾಲಿವರ್ಕ್ ಮತ್ತು ಮಹಾರಾಷ್ಟ್ರದ ಹೆಸರಾಂತ ಪೈಥಾನಿ ಸೀರೆಗಳನ್ನು ಒಳಗೊಂಡಂತೆ ಗುಜರಾತ್‌ನ ಜವಳಿ ಕಲೆಗಳಲ್ಲಿ ಪ್ರತಿಧ್ವನಿಸುತ್ತವೆ. ನಟಿ ಆಲಿಯಾ ಭಟ್ ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಅವರ ಮದುವೆಯಲ್ಲಿ ಪತಿ ರಣಬೀರ್ ಕಪೂರ್ ಜೊತೆಯಲ್ಲಿ ಹಾಜರಾಗಿದ್ದರು.

English summary

Actress Alia Bhatt wore a 160 year old Ashavali saree with pure silver and real gold in Anant Ambani and Radhika Merchant's wedding. Know more details.