Harangi Dam: ಭಾರೀ ಮಳೆಗೆ ಹಾರಂಗಿ ಜಲಾಶಯದ ಒಳಹರಿವು ಹೆಚ್ಚಳ, ಇಂದಿನ ವಿವರ

Published: Thursday, July 11, 2024, 15:57 [IST]

ಕೊಡಗು, ಜುಲೈ 11: ಜೂನ್ ಎರಡನೇ ವಾರದಿಂದಲೇ ಕೊಡಗಿನಲ್ಲಿ ಆಗಾಗ ಭಾರೀ ಮಳೆ ಆಗುತ್ತಲೇ ಇದೆ. ಇನ್ನೂ ಮಲೆನಾಡಿನ ಭಾಗದಲ್ಲಿ ಕೆಲವು ವಾರಗಳಿಂದ ಸಾಧಾರಣದಿಂದ ಭಾರೀ ಮಳೆ ಆಗುತ್ತಲೇ ಇದೆ. ಹೀಗಾಗಿ ಹಾರಂಗಿ ಸೇರಿದಂತೆ ರಾಜ್ಯದ ಕೆಲವು ಜಲಾಶಯಗಳಲ್ಲಿ ಗರಿಷ್ಠ ಮಟ್ಟದಲ್ಲಿ ನೀರು ಸಂಗ್ರಹಣೆ ಆಗುತ್ತಿದೆ.

ಇದೀಗ ಕೊಡಗು ಜಿಲ್ಲೆಯ ಕುಶಾಲನಗರದ ಸಮಯ ಕಾವೇರಿ ಉಪನದಿ ಹಾರಂಗಿ ಅಡ್ಡಲಾಗಿ ಹದಗೂರಿನಲ್ಲಿ ನಿರ್ಮಿಸಲಾಗಿರುವ ಹಾರಂಗಿ ಜಲಾಶಯದಲ್ಲಿ ಗುರುವಾರ ಅತ್ಯಧಿಕ ನೀರು ಕಂಡು ಬಂದಿದೆ. ಬುಧವಾರ ಡ್ಯಾಂ ನಿಂದ ಬಿಡುಗಡೆ ಮಾಡಿದರೂ ಸಹ ಗುರುವಾರ 2059 ಕ್ಯೂಸೆಕ್ಸ ಒಳಹರಿವು ಕಂಡು ಬಂದಿದೆ.

Harangi Dam Water Level Increased on July 11th Know Inflow and Outflow details

ನೆನ್ನೆ ಬುಧವಾರ 2377 ಕ್ಯೂಸೆಕ್ ಒಳಹರಿವು ನೀರಿತ್ತು. ಈ ಜಲಾಶಯ ಭರ್ತಿಗೆ ಹತ್ತು ಅಡಿ ನೀರು ತಂಬುವುದು ಮಾತ್ರವೇ ಬಾಕಿ ಇತ್ತು. ಅಷ್ಟಲ್ಲಾಗಲೇ ನೀರು ಬಿಡುಗಡೆ ಮಾಡಲಾಗಿದೆ. ಹೀಗಿದ್ದರೂ ಸಹ ಗುರುವಾರ ಅತ್ಯಧಿಕ ಒಳಹರಿವು ಕಂಡು ಬಂದಿದೆ.

ಹಾರಂಗಿ ಡ್ಯಾಂ ಒಟ್ಟು ಸಾಮರ್ಥ್ಯ 871 ಟಿಎಂಸಿ

ಈ ಜಲಾಶಯದ ಒಟ್ಟು ಸಾಮರ್ಥ್ಯ 871 ಟಿಎಂಸಿ ಇದ್ದು, ಸದ್ಯ 868 ಟಿಎಂಸಿ ನೀರು ಸಂಗ್ರಹವಾಗಿದೆ. ಇನ್ನೇನು ಭರ್ತಿ ಆಗಲು ಕೆಲವೇ ಅಡಿಗಳು ಬಾಕಿ ಇದೆ. ಅದಾಗಲೇ ನದಿ ಹಾಗೂ ಜಲ ಮೂಲಗಳಿಗೆ ನೀರು ಬಿಡಲಾಗಿದೆ. ನೀರು ಬಿಟ್ಟ ಹಿನ್ನೆಲೆಯಲ್ಲಿ ತೀರದ ಪ್ರದೇಶಗಳಿಗೆ ಎಚ್ಚರಿಕೆ ನೀಡಲಾಗಿದೆ.

ಮಳೆಗಾಲ ಇನ್ನೂ ಎರಡೂವರೆ ತಿಂಗಳು ಇದೆ. ಹೀಗಾಗಿ ಮುಂದಿನ ದಿನಗಳಲ್ಲಿ ರಾಜ್ಯದ ಎಲ್ಲ ಜಲಾಶಗಳು ಗರಿಷ್ಠ ಪ್ರಮಾಣದಲ್ಲಿ ಭರ್ತಿಯಾಗಲಿವೆ. ಇನ್ನು ರಾಜ್ಯದ ಇತರ ಕೆಲವು ಜಲಾಶಯಗಳ ಇಂದಿನ (ಜುಲೈ 11) ನೀರಿನ ಮಟ್ಟ ಇಲ್ಲಿದೆ.