ಪ್ರೇಕ್ಷಕರ ಮನಗೆದ್ದ ಝೈದ್ ಖಾನ್ ಹಾಗೂ ಬನಾರಸ್ ಸಿನಿಮಾ
ಚೊಚ್ಚಲ ಪ್ರಯತ್ನದ ಬನಾರಸ್ನಲ್ಲೇ ನಾಯಕನಾಗಿ ಪ್ರೇಕ್ಷಕರ ಮನಗೆದ್ದ ಝೈದ್ ಖಾನ್. ಬನಾರಸ್ ಸಾಕಷ್ಟು ಕುತೂಹಲ ಹಾಗೂ ನಿರೀಕ್ಷೆಗಳನ್ನು ಹೊಂದಿದ್ದ ಸಿನೆಮಾ. ಬನಾರಸ್ ತೆರೆ ಕಂಡು ಅಂದುಕೊಂಡಂತೆ ದೇಶಾದ್ಯಂತ ಉತ್ತಮ ಪ್ರತಿಕ್ರಿಯೆ ಪಡೆದುಕೊಳ್ಳುತ್ತಿದೆ.
ಜಯತೀರ್ಥ ನಿರ್ದೇಶನದ ಬನಾರಸ್ಗೆ ಬೇರೆ ಬೇರೆ ದಿಕ್ಕುಗಳಲ್ಲಿ ಚರ್ಚೆಗಳು ಜನಿಸಿದ್ದವು. ಅವೆಲ್ಲಕ್ಕೂ ಬನಾರಸ್ ಸಾರ್ಥಕ್ಯ ರೂಪವನ್ನು ನೀಡಿ, ಪ್ರೇಕ್ಷಕನೇ ಮೆಚ್ಚಿ ಕೊಂಡಾಡುವಂತೆ ಮಿಂಚಿನ ವೇಗದಲ್ಲಿ ಚಿತ್ರಮಂದಿರಗಳಲ್ಲಿ ಓಡುತ್ತಿದೆ.
ಝೈದ್ ಖಾನ್ ಹಾಗೂ ಸೋನಲ್ ಮೊಂತೆರೋ ಜೋಡಿ ಬನಾರಸ್ ನೋಡಿದ ಪ್ರತಿಯೊಬ್ಬರನ್ನೂ ಅದೇ ಪ್ರಭೆಯಲ್ಲಿ ತೇಲುವಂತೆ ಮಾಡಿದೆ. ಇದೆಲ್ಲ ಈಗಿನ ಮಾತಾದ್ರೆ, ಬನಾರಸ್ ಬಗ್ಗೆ ಹಾಗೂ ಆ ಚಿತ್ರದಲ್ಲಿ ನಾಯಕನಾಗಿ ಬಣ್ಣ ಹಚ್ಚಿದ್ದ ಝೈದ್ ಬಗ್ಗೆ ಮೊದಲು ಕೇಳಿಬಂದಿದ್ದ ಮಾತುಗಳೇ ಬೇರೆ ಇತ್ತು.
ಝೈದ್ ಶಾಸಕ ಜಮೀರ್ ಪುತ್ರ, ಹಣವಂತನ ಮಗ. ಹಣವಿದ್ದವರು ಅದರ ಬಲ ಪ್ರದರ್ಶನಕ್ಕೋ, ಶೋಕಿಗೂ ಸಿನೆಮಾ ಮಾಡಿ ಅದ್ರಿಂದಲೇ ಚಿತ್ರರಂಗದಲ್ಲಿ ಸ್ಥಾನ ಗಿಟ್ಟಿಸಿಕೊಳ್ತಾರೆ ಅನ್ನೋ ಮಾತೇ ಬಲವಾಗಿತ್ತು. ಆದ್ರೆ ಅವೆಲ್ಲವೂ ಈಗ ಹೆದರಿ ಮೂಲೆಗೆ ಸೇರುವಂತೆ ಝೈದ್ ನಟನೆಯ ಮೂಲಕ ಮೋಡಿ ಮಾಡಿದ್ದಾರೆ.
ಹೌದು, ಮೊದಲ ಸಿನೆಮಾವಾದರೂ ಝೈದ್ ನಟಿಸಿರುವ ಪರಿ ಎಲ್ಲರನ್ನೂ ಚಕಿತಗೊಳಿಸಿದೆ. ಬಹುಶಃ ಇದಕ್ಕೆ ಝೈದ್ ವಹಿಸಿದ್ದ ಶ್ರಮ, ತಯಾರಿಗಳ ತಾಲೀಮೇ ಕಾರಣವಿರಬಹುದು. ಚಿತ್ರವನ್ನು ಪೂರ್ತಿ ನೋಡಿ ಎಲ್ಲರೂ ವಿಮರ್ಶಿಸಿದಂತೆ, ಚಿತ್ರರಂಗಕ್ಕೆ ದೊರೆತ ಒಬ್ಬ ಅದ್ಭುತ ನಟ ಝೈದ್ ಎಂಬ ಮೆಚ್ಚುಗೆಯೇ ಎಲ್ಲೆಡೆ ಕೇಳಿ ಬರುತ್ತಿದೆ.
ಕನ್ನಡ, ತೆಲುಗು, ತಮಿಳು, ಮಲೆಯಾಳಂ ಹಾಗೂ ಹಿಂದಿಯಲ್ಲೂ ಏಕಕಾಲಕ್ಕೆ ತೆರೆಕಂಡಿರುವ ಬನಾರಸ್ ಪ್ರಭೆ ಎಷ್ಟಿದೆ ಎಂದರೆ, ಜನರಿಂದ ಜನರ ಬಾಯಿಗೆ ಪ್ರಚಾರ ಪಡೆದು ಸದ್ಯ ಎಲ್ಲೆಡೆ ಹೌಸ್ ಫುಲ್ ಪ್ರದರ್ಶನ ಕಾಣುತ್ತಿದೆ.
ಸಿನಿಪ್ರಿಯರಿಗೆ ಹತ್ತಿರವಾಗಿರುವ ಬನಾರಸ್ ಚಿತ್ರವನ್ನು ಮತ್ತೆ ಮತ್ತೆ ಝೈದ್ ಸಹ ಥಿಯೇಟರ್ ನಲ್ಲಿ ಕೂತು ಅಭಿಮಾನಿಗಳೊಂದಿಗೆ ನೋಡುತ್ತಿದ್ದಾರೆ. ಚೊಚ್ಚಲ ಸಿನೆಮಾವಾದ್ರೂ ಒಬ್ಬ ನುರಿತ ಕಲಾವಿದನಂತೆ ನಟಿಸಿರುವ ನಟನೆಗೆ ಝೈದ್ಗೆ ಭರಪೂರ ಮೆಚ್ಚುಗೆ ಮೂಡಿಕೊಂಡಿದೆ.
ಅವರು ಚಿತ್ರರಂಗದಲ್ಲಿ ಭರವಸೆಯ ನಟನಾಗುವ ಲಕ್ಷಣಗಳಿರುವುದು ಗೋಚರಿಸಿವೆ. ಈ ಮೂಲಕ ಝೈದ್ ಬಗ್ಗೆ ಈ ಮೊದಲು ಇದ್ದ ನೆಗೆಟಿವ್ ಅಭಿಪ್ರಾಯ ದೂರ ಸರಿದಿದೆ. 'ಬಾಯ್ಕಾಟ್ ಬನಾರಸ್' ಎಂದು ಕೇಳಿಬಂದಿದ್ದ ವಿರೋಧಗಳೂ ದೂರಸರಿಯುವಂತೆ ಮಾಡಿದ್ದಾರೆ ಅಂತಾರೆ ಸಿನೆಮಾ ನೋಡಿದ ಪ್ರೇಕ್ಷಕ ಪ್ರಭುಗಳು.
ಒಟ್ನಲ್ಲಿ ಬನಾರಸ್ ಮೊದಲಿನಿಂದಲೂ ಸುದ್ದಿಯಲ್ಲೇ ಇದ್ದುದ್ದರಿಂದ ಆ ಸಿನೆಮಾ ಮೇಲಿನ ಒಟ್ಟು ಭರವಸೆಯನ್ನು ನಿಜ ಮಾಡಿದೆ ಝೈದ್ ನಟನೆ. ಈ ಮೂಲಕ ಕರ್ನಾಟಕದಲ್ಲಿ ಮನೆಮಾತಾಗಿದ್ದಾರೆ ಝೈದ್. ಸಿನೆಮಾ ನೋಡಿದ ಪ್ರತಿಯೊಬ್ಬರು ಹೇಳುವಂತೆ ಮೊದಲ ಪ್ರಯತ್ನದಲ್ಲೇ ಭರಸೆಯ ನಟನಾಗಿ, ನುರಿತ ನಟನಂತೆ ನಟಿಸಿ ವಿಮರ್ಶಕರ ಮನಗೆಲ್ಲುವುದರ ಜೊತೆಗೆ, ಅವರ ಕುರಿತಾದ ಇಲ್ಲ ಸಲ್ಲದ ಆರೋಪಗಳನ್ನು ಝೈದ್ ಹುಸಿಗೊಳಿಸಿದ್ದಾರೆ.
-
ಮಾರ್ಚ್ 24ರಂದು ಬೆಂಗಳೂರು ಸೇರಿ ರಾಜ್ಯದ ಇತರ ಜಿಲ್ಲೆಗಳಲ್ಲಿ ಪೆಟ್ರೋಲ್, ಡೀಸೆಲ್ ದರ ಎಷ್ಟಿದೆ ತಿಳಿಯಿರಿ -
Jobs: ಕಂದಾಯ ಇಲಾಖೆಯಲ್ಲಿ 500 ಹೊಸ ಗ್ರಾಮ ಆಡಳಿತ ಅಧಿಕಾರಿ ಹುದ್ದೆಗಳಿಗೆ ಶೀಘ್ರದಲ್ಲೇ ನೇಮಕಾತಿ -
ಮಾರ್ಚ್ 23ರಂದು ಬೆಂಗಳೂರು ಸೇರಿ ರಾಜ್ಯದ ಇತರ ಜಿಲ್ಲೆಗಳಲ್ಲಿ ಪೆಟ್ರೋಲ್, ಡೀಸೆಲ್ ದರ ಎಷ್ಟಿದೆ ತಿಳಿಯಿರಿ -
ಮಾರ್ಚ್ 22ರಂದು ಬೆಂಗಳೂರು ಸೇರಿ ರಾಜ್ಯದ ಇತರ ಜಿಲ್ಲೆಗಳಲ್ಲಿ ಪೆಟ್ರೋಲ್, ಡೀಸೆಲ್ ದರ ಎಷ್ಟಿದೆ ತಿಳಿಯಿರಿ -
IPL 2026 RCB: ಹ್ಯಾಜಲ್ವುಡ್, ಯಶ್ ದಯಾಳ್ ಅಲಭ್ಯರಾದ್ರೆ ಆರ್ಸಿಬಿ ಮುಂದಿರುವ 'ಪ್ಲಾನ್ ಬಿ' ಏನು? -
Jobs: ಆಯುಷ್ ಇಲಾಖೆ ನೇಮಕಾತಿ; ಬಿ.ಕಾಂ, ಬಿಬಿಎ ಓದಿದವರಿಗೆ ಬೆಂಗಳೂರಿನಲ್ಲಿ ಭರ್ಜರಿ ಉದ್ಯೋಗಾವಕಾಶ -
Karnataka weather: ಬೆಂಗಳೂರು ಸೇರಿದಂತೆ 10ಕ್ಕೂ ಹೆಚ್ಚು ಜಿಲ್ಲೆಗಳಲ್ಲಿ ಮಳೆ ಮುನ್ಸೂಚನೆ ನೀಡಿದ IMD -
Bengaluru: ಬಿಡಿಎಗೆ 50ರ ಸಂಭ್ರಮ; ಹೊಸ ಲೋಗೋ, ಟ್ಯಾಗ್ಲೈನ್ ವಿನ್ಯಾಸ ಮಾಡಿ 1 ಲಕ್ಷ ರೂ. ಬಹುಮಾನ ಗೆಲ್ಲಿ -
ಹಿಂದುಳಿದ, ದುರ್ಬಲ ವರ್ಗದ ಮಕ್ಕಳಿಗೆ ಖಾಸಗಿ ಅನುದಾನ ರಹಿತ ಶಾಲೆಗಳಲ್ಲಿ ಶೇ. 25 ರಷ್ಟು ಉಚಿತ ಪ್ರವೇಶಕ್ಕೆ ಅರ್ಜಿ ಆಹ್ವಾನ -
ನಟಿ ನೋರಾ ಫತೇಹಿ ವೃತ್ತಿಜೀವನಕ್ಕೆ ಕುತ್ತು ತಂದ 'ಸೆರಗ ಸರ್ಸೆ' ವಿವಾದ: ಗಡಿಪಾರು ಮಾಡುವಂತೆ ಗೃಹ ಸಚಿವಾಲಯಕ್ಕೆ ದೂರು -
Karnataka Weather: ಮಾ.23ರಿಂದ 28ರವರೆಗೆ 10ಕ್ಕೂ ಅಧಿಕ ಜಿಲ್ಲೆಗಳಿಗೆ ಮಳೆ ಮುನ್ಸೂಚನೆ -
'ಬೆಂಗಳೂರಿನ ಬಸವನಗುಡಿಯಿಂದ ಬೆಳ್ಳಂದೂರಿಗೆ ಹೋಗಿ ದೊಡ್ಡ ತಪ್ಪು ಮಾಡಿಬಿಟ್ಟೆ': ಅಳಲು ತೋಡಿಕೊಂಡ ಕನ್ನಡಿಗ, ಭಾರೀ ವೈರಲ್
Click it and Unblock the Notifications
Sign in with Google