ಮೆಕ್ಸಿಕೋ: ಮಕ್ಕಳ ಬರ್ತ್ಡೇ ಪಾರ್ಟಿ ಮೇಲೆ ದಾಳಿ, 11 ಜನರ ಕಗ್ಗೊಲೆ
ಮೆಕ್ಸಿಕೊ, ಜುಲೈ 14: ಮಕ್ಕಳ ಬರ್ತ್ಡೇ ಪಾರ್ಟಿ ಮೇಲೆ ಮುಸುಕುಧಾರಿಯೊಬ್ಬ ದಾಳಿ ಮಾಡಿ 11 ಜನರನ್ನು ಬಲಿ ಪಡೆದ ಘಟನೆ ಮೆಕ್ಸಿಕೋದ ಹಿಡಾಲ್ಗೊ ರಾಜ್ಯದಲ್ಲಿ ನಡೆದಿದೆ.
ಪೊಲೀಸರು ಬರುವ ವೇಳೆ ಪಾರ್ಟಿಯಲ್ಲಿ ಪಾಲ್ಗೊಂಡಿದ್ದ ಮೂರು ಮಕ್ಕಳು ಮಾತ್ರ ಬದುಕುಳಿದಿದ್ದರು. ಉಳಿದ 11 ಜನ ವಯಸ್ಕರನ್ನೂ ಬಂದೂಕುಧಾರಿ ಹತ್ಯೆಗೈದಿದ್ದಾನೆ.
ವಸತಿ ಪ್ರದೇಶವೊದರಲ್ಲಿ ಬರ್ತ್ಡೇ ಆಚರಣೆಗೆ ಮನೆ ಹೊರಗೆ ಟೆಂಟ್ ಹಾಕಲಾಗಿತ್ತು. ಈ ಟೆಂಟ್ ಮೇಲೆ ದಾಳಿ ನಡೆಸಿದ ಮುಸುಕುಧಾರಿಯೊಬ್ಬ ಮಾರಣಹೋಮ ನಡೆಸಿದ್ದಾನೆ.
ಇತ್ತೀಚೆಗೆ ಮೆಕ್ಸಿಕೋದಲ್ಲಿ ಡ್ರಗ್ ಕಾರ್ಟೆಲ್ ಗಳ ಮಧ್ಯೆ ಕದನ ಏರ್ಪಟ್ಟಿದೆ. ಮಕ್ಕಳನ್ನೂ ಸೇರಿಸಿ ಕುಟುಂಬಕ್ಕೆ ಕುಟುಂಬವನ್ನೇ ಬಲಿಪಡೆಯುವ ಟ್ರೆಂಡ್ ಬೆಳೆಯುತ್ತಿದೆ.
ಮೇ ತಿಂಗಳೊಂದರಲ್ಲೇ 2,186 ಕೊಲೆಗಳು ಮೆಕ್ಸಿಕೋದಲ್ಲಿ ನಡೆದಿವೆ. ಅಂದರೆ ದಿನಕ್ಕೆ 70 ಕೊಲೆಗಳು; ಡ್ರಗ್ ಕಾರ್ಟೆಲ್ ಗಳ ನಡುವಿನ ಕದನದ ಭೀಕರತೆಗೆ ಈ ಅಂಕಿ ಸಂಖ್ಯೆಗಳು ಕನ್ನಡಿ ಹಿಡಿಯುತ್ತಿವೆ.
Click it and Unblock the Notifications
Sign in with Google