ಹೆಲ್ಮೆಟ್ ವಿರುದ್ಧ ಹೋರಾಡಿದ ವಕೀಲ ಅದೇ ಹೆಲ್ಮೆಟ್ ಇಲ್ಲದ್ದಕ್ಕೆ ಸಾವು!
ಫ್ಲೋರಿಡಾ, ಅಕ್ಟೋಬರ್ 26: ಫ್ಲೋರಿಡಾದಲ್ಲಿ ಮೋಟಾರು ಸೈಕಲ್ ಸವಾರರು ಹೆಲ್ಮೆಟ್ ಧರಿಸಬೇಕೆಂಬ ರಾಜ್ಯದ ಕಾನೂನುಗಳ ವಿರುದ್ಧ ಭಾವೋದ್ರೇಕದಿಂದ ಹೋರಾಡಿದ
ವಕೀಲರು ಅದೇ ಹೆಲ್ಮೆಟ್ ಇಲ್ಲದ ಕಾರಣಕ್ಕೆ ಜೀವವನ್ನೇ ಕಳೆದುಕೊಂಡಿರುವ ಬಗ್ಗೆ ವರದಿಯಾಗಿದೆ.
ಫ್ಲೋರಿಡಾದ 66 ವರ್ಷದ ರಾನ್ ಸ್ಮಿತ್ ಮೋಟಾರ್ ಸೈಕಲ್ ಅಪಘಾತದಲ್ಲಿ ಸಾವನ್ನಪ್ಪಿದ್ದು, ಈ ವೇಳೆ ಅವರು ಹೆಲ್ಮೆಟ್ ಧರಿಸಿರಲಿಲ್ಲ ಎಂಬುದು ಗೊತ್ತಾಗಿದೆ. ಕಳೆದ ಆಗಸ್ಟ್ನಲ್ಲಿ ಮೃತಪಟ್ಟ ವ್ಯಕ್ತಿಯೊಬ್ಬರ ಸ್ಮಾರಕ ಸೇವೆಗೆ ರಾನ್ ಸ್ಮಿತ್ ತೆರಳುತ್ತಿದ್ದರು.
ಸೋಷಿಯಲ್ ಮೀಡಿಯಾದಲ್ಲಿ ಗುಲ್ ಎಬ್ಬಿಸಿದ ಬೆಂಗಳೂರಿನ ಸಂಚಾರಿ ಪೊಲೀಸ್!
ತಮ್ಮ ಎದುರಿನ ವಾಹನ ದಟ್ಟಣೆ ಮಧ್ಯೆ ಎದುರಿಗಿದ್ದ ವಾಹನಕ್ಕೆ ಡಿಕ್ಕಿ ಹೊಡೆಯುವುದನ್ನು ತಪ್ಪಿಸಲು ರಾನ್ ಸ್ಮಿತ್ ಜೋರಾಗಿ ಬ್ರೇಕ್ ಹಾಕಿದ್ದಾರೆ. ಇದರಿಂದ ಸ್ಥಳದಲ್ಲಿ ಬಿದ್ದ 66 ವರ್ಷದ ರಾನ್ ಸ್ಮಿತ್ ಹಾಗೂ 62 ವರ್ಷದ ಅವರ ಗೆಳತಿ ಬ್ರೆಂಡಾ ಜೀನನ್ ವೋಲ್ಪೆ ಕೂಡ ಸ್ಥಳದಲ್ಲಿ ಮೃತಪಟ್ಟಿದ್ದಾರೆ. ಇಬ್ಬರೂ ಸಹ ಹೆಲ್ಮೆಟ್ ಧರಿಸಿರಲಿಲ್ಲ ಎಂದು ಗೊತ್ತಾಗಿದೆ.
ಹೆಲ್ಮೆಟ್ ರದ್ದುಗೊಳಿಸುವಂತೆ ಹೋರಾಟ:
ಕಳೆದ 2000ರಲ್ಲಿ ರಾಜ್ಯದ ಹೆಲ್ಮೆಟ್ ಅಗತ್ಯವನ್ನು ರದ್ದುಗೊಳಿಸಲು ಅಂತಿಮವಾಗಿ ಸಹಾಯ ಮಾಡಿದ ಪ್ರಕರಣಗಳಲ್ಲಿ ಫ್ಲೋರಿಡಾದ ಮೋಟಾರ್ಸೈಕಲ್ ನಿಯಮಗಳನ್ನು ಉಲ್ಲಂಘಿಸಿದ ಕ್ಲೈಂಟ್ಗಳನ್ನು ಪ್ರತಿನಿಧಿಸಿದ ಸ್ಮಿತ್, ಎಗೇನ್ಸ್ಟ್ ಟಾಲಿಟೇರಿಯನ್ ಎನಾಕ್ಟ್ಮೆಂಟ್ಗಳ ಸದಸ್ಯರಾಗಿದ್ದರು. "ಪ್ರತಿಯೊಬ್ಬರೂ ತಮ್ಮದೇ ಆದ ಆಯ್ಕೆಯನ್ನು ಹೊಂದಿರಬೇಕು ಎಂದು ಅವರು ಭಾವಿಸಿದ್ದರು" ಎಂದು ಅವರ ಸ್ನೇಹಿತ ಡೇವ್ ನ್ಯೂಮನ್ ಹೇಳಿದರು.