ಫ್ಲಿಪ್ ಕಾರ್ಟ್ ನ 6 ಸಾವಿರ ಕೋಟಿ ರು. ಆಫರ್ ಒಪ್ಪಿದ ಸ್ನಾಪ್ ಡೀಲ್ ?
ಫ್ಲಿಪ್ ಕಾರ್ಟ್ ನ ಹೊಸ ಆಫರ್ ಒಪ್ಪಿಕೊಂಡ ಸ್ನಾಪ್ ಡೀಲ್. ಆನ್ ಲೈನ್ ಕಂಪನಿಗಳ ಹೊಸ ಡೀಲ್ ಬಗ್ಗೆ ಕೆಲ ಮೂಲಗಳಿಂದ ಮಾಹಿತಿ. ಆದರೆ, ಎರಡೂ ಕಂಪನಿಗಳು ಈ ಬಗ್ಗೆ ಯಾವುದೇ ಅಧಿಕೃತ ಹೇಳಿಕೆ ನೀಡಿಲ್ಲ.
ಬೆಂಗಳೂರು, ಜುಲೈ 26: ಹೆಸರಾಂತ ಆನ್ ಲೈನ್ ಮಾರಾಟ ಸಂಸ್ಥೆಯಾದ ಸ್ನಾಪ್ ಡೀಲ್ ಕಂಪನಿಯನ್ನು ಕೊಳ್ಳುವ ಪೈಪೋಟಿಯಲ್ಲಿ ಜನಪ್ರಿಯ ಆನ್ ಲೈನ್ ಜಾಲತಾಣವಾದ ಫ್ಲಿಪ್ ಕಾರ್ಟ್ ಕೊನೆಗೂ ಗೆದ್ದಿದೆ ಎಂದು ಮೂಲಗಳು ತಿಳಿಸಿವೆ.
ಈ ಹಿಂದೆ, ಫ್ಲಿಪ್ ಕಾರ್ಟ್ ಸಂಸ್ಥೆಯ ಸ್ವಾಧೀನ ವಿಚಾರದ ಮಾತುಕತೆ ವೇಳೆ 4, 800 ಕೋಟಿ ರು.ಗಳ ಆಫರ್ ಅನ್ನು ಸ್ನಾಪ್ ಡೀಲ್ ಮುಂದಿಟ್ಟಿತ್ತು. ಆದರೆ, ಇದಕ್ಕೆ ಸ್ನಾಪ್ ಡೀಲ್ ಆಡಳಿತ ಮಂಡಳಿ ಒಪ್ಪಿರಲಿಲ್ಲ. ಅದಕ್ಕೂ ಮುನ್ನ 4,500 ಕೋಟಿ ರು.ಗಳ ಆಫರ್ ಅನ್ನೂ ಸ್ನಾಪ್ ಡೀಲ್ ತಿರಸ್ಕರಿಸಿತ್ತು.
ಆದರೀಗ, ಅಂದಾಜು 5,700 ಕೋಟಿ ರು.ಗಳಿಂದ 6 ಸಾವಿರ ಕೋಟಿ ರು. ನಡುವಿನ ಹೊಸ ಆಫರ್ ಅನ್ನು ಫ್ಲಿಪ್ ಕಾರ್ಟ್, ಸ್ನಾಪ್ ಡೀಲ್ ಮುಂದಿಟ್ಟಿರುವುದರಿಂದ ಈ ಮೊತ್ತದ ಬಗ್ಗೆ ಸ್ನಾಪ್ ಡೀಲ್ ಆಡಳಿತ ಮಂಡಳಿ ಆಸಕ್ತಿ ತೋರಿದೆ ಎಂದು ಹೇಳಲಾಗಿದೆ. ಆದರೆ, ಈ ಬಗ್ಗೆ ಎರಡೂ ಕಂಪನಿಗಳಿಂದ ಯಾವುದೇ ಅಧಿಕೃತ ಘೋಷಣೆಯಾಗಿಲ್ಲ.
ಫ್ಲಿಪ್ ಕಾರ್ಟ್ ನೀಡಿರುವ ಈ ಹೊಸ ಆಫರ್ ಬಗ್ಗೆ ಸ್ನಾಪ್ ಡೀಲ್ ನಲ್ಲಿ ಹೇರಳವಾಗಿ ಹೂಡಿಕೆ ಮಾಡಿರುವ ಜಪಾನ್ ನ ಸಾಫ್ಟ್ ಬ್ಯಾಂಕ್ ಸಂಸ್ಥೆಯ ಅಧಿಕಾರಿಗಳು ಹಾಗೂ ಸ್ನಾಪ್ ಡೀಲ್ ಆಡಳಿತ ಮಂಡಳಿಗಳು ಚರ್ಚಿಸಿ ಈ ಬಗ್ಗೆ ನಿರ್ಧಾರ ಕೈಗೊಳ್ಳಲಿವೆ ಎಂದು ಹೇಳಲಾಗಿದೆ.
Click it and Unblock the Notifications
Sign in with Google