ಬೆಂಗಳೂರಿನಲ್ಲಿ 25 ಎಕರೆ ಜಮೀನು ಖರೀದಿ ಮಾಡಿದ ಟಾಟಾ ರಿಯಾಲ್ಟಿ: ಬೆಲೆ ಎಷ್ಟು ಗೊತ್ತಾ?
ಬೆಂಗಳೂರು ನಗರದ ಕೆಲವು ಪ್ರದೇಶಗಳಲ್ಲಿ ಒಂದು ಸೈಟು ಖರೀದಿ ಮಾಡಬೇಕಂದರೆ ಕೋಟಿ ಕೋಟಿ ಹಣ ಸುರಿಯಬೇಕು, ಇನ್ನು ನಗರದ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಜಮೀನು ಖರೀದಿ ಮಾಡಬೇಕೆಂದರೆ ಕೋಟಿ ಕೋಟಿ ಹಣ ಬೇಕಾಗುತ್ತದೆ. ಭೂಮಿಯ ಬೆಲೆ ಗಗನಕ್ಕೇರಿರುವುದು ಎಲ್ಲರಿಗೂ ಗೊತ್ತೇ ಇದೆ.
ಆದರೂ, ಹಲವು ಕಂಪನಿಗಳು, ರಿಯಲ್ ಎಸ್ಟೇಟ್ ಕಂಪನಿಗಳು ನೂರಾರು ಕೋಟಿ ನೀಡಿ ಜಮೀನು ಖರೀದಿ ಮಾಡುತ್ತಿವೆ. ಈಗ ಟಾಟಾ ರಿಯಾಲ್ಟಿ ಕೂಡ ಬೆಂಗಳೂರಿನಲ್ಲಿ 25 ಎಕರೆ ಜಮೀನು ಖರೀದಿ ಮಾಡಿದ್ದು ಬೆಲೆ ಕೇಳಿದರೆ ಗಾಬರಿಯಾಗುತ್ತದೆ.
ಟಾಟಾ ಗ್ರೂಪ್ನ ರಿಯಲ್ ಎಸ್ಟೇಟ್ ಡೆವಲಪ್ಮೆಂಟ್ನ ಸಂಸ್ಥೆಯಾಗಿರು ಆಗಿರುವ ಟಾಟಾ ರಿಯಾಲ್ಟಿ ಮತ್ತು ಇನ್ಫ್ರಾಸ್ಟ್ರಕ್ಚರ್ ಲಿಮಿಟೆಡ್ (TRIL) ಬೆಂಗಳೂರಿನಲ್ಲಿ 25.3 ಎಕರೆ ಭೂಮಿಯನ್ನು 986 ಕೋಟಿ ರೂಪಾಯಿಗೆ ಖರೀದಿಸಿದೆ ಎಂದು ಆಗಸ್ಟ್ 8 ರ ನಿಯಂತ್ರಕ ಫೈಲಿಂಗ್ನಲ್ಲಿ ತಿಳಿಸಲಾಗಿದೆ ಎಂದು ಮನಿ ಕಂಟ್ರೋಲ್ ವರದಿ ಮಾಡಿದೆ.
ಈಶಾನ್ಯ ಬೆಂಗಳೂರಿನ ಕೆಆರ್ ಪುರಂ ಹೋಬಳಿ ಪಕ್ಕದ ದೊಡ್ಡನೆಕುಂದಿ ಗ್ರಾಮದಲ್ಲಿ ಈ ಜಮೀನು ಇದ್ದು, ಇದಕ್ಕಾಗಿ ಸುಮಾರು ಒಂದು ಸಾವಿರ ಕೋಟಿ ರೂಪಾಯಿ ಸುರಿದಿದೆ. ಮಾರಾಟ ಪತ್ರ ಮತ್ತು ಇತರ ದಾಖಲೆಗಳ ಮರಣದಂಡನೆ ಮತ್ತು ನೋಂದಣಿ ಇನ್ನೂ ಕಾಯುತ್ತಿದೆ ಎಂದು ನಿಯಂತ್ರಕ ಫೈಲಿಂಗ್ ಹೇಳಿದೆ.
ಗ್ರಾಫೈಟ್ ಇಂಡಿಯಾ ಲಿಮಿಟೆಡ್ ಇದನ್ನು ಮಾರಾಟ ಮಾಡಿದ್ದಾರೆ ಎಂದು ಹೇಳಲಾಗಿದೆ. ಇದರ ಸಂಪೂರ್ಣ ವಹಿವಾಟು ಟಾಟಾ ರಿಯಾಲ್ಟಿ ಮತ್ತು ಇನ್ಫ್ರಾಸ್ಟ್ರಕ್ಚರ್ ಲಿಮಿಟೆಡ್ ಬೆಂಗಳೂರು ರಿಯಲ್ ಎಸ್ಟೇಟ್ ಫೈವ್ ಲಿಮಿಟೆಡ್ ಮತ್ತು ಟಾಟಾ ರಿಯಾಲ್ಟಿ ಮತ್ತು ಇನ್ಫ್ರಾಸ್ಟ್ರಕ್ಚರ್ ಲಿಮಿಟೆಡ್, ಬೆಂಗಳೂರು ರಿಯಲ್ ಎಸ್ಟೇಟ್ ಸಿಕ್ಸ್ ಲಿಮಿಟೆಡ್ ಮೂಲಕ ನಡೆಯಿತು ಎಂದು ವರದಿಯಾಗಿದೆ.
ವೈಟ್ಫೀಲ್ಡ್ನ ಐಟಿ ಕಾರಿಡಾರ್ಗೆ ಸಮೀಪವಿರುವ ಈಶಾನ್ಯ ಬೆಂಗಳೂರಿನ ಪ್ರಮುಖ ಪ್ರದೇಶಗಳಲ್ಲಿ ದೊಡ್ಡಾನೆಕುಂದಿ ಗ್ರಾಮವು ಒಂದು ಎಂದು ರಿಯಲ್ ಎಸ್ಟೇಟ್ ತಜ್ಞರು ಹೇಳಿದ್ದಾರೆ. ಈ ಪ್ರದೇಶದಲ್ಲಿ ಭೂಮಿಯ ಬೆಲೆ ಎಕರೆಗೆ ಸುಮಾರು 25-30 ಕೋಟಿ ರೂಪಾಯಿ ಇದೆ ಎಂದು ವರದಿಯಾಗಿದೆ.
4 ಸಾವಿರ ಕೋಟಿ ರೂಪಾಯಿ ಹೂಡಿಕೆ
ಟಾಟಾ ರಿಯಾಲ್ಟಿ ಬೆಂಗಳೂರಿನಲ್ಲಿ ಎರಡು ಐಟಿ ಪಾರ್ಕ್ಗಳನ್ನು ಒಳಗೊಂಡಂತೆ 5 ಮಿಲಿಯನ್ ಚದರ ಅಡಿ ಕಚೇರಿ ಸ್ಥಳವನ್ನು ನಿರ್ಮಾಣ ಮಾಡಲು ಯೋಜಿಸಿದೆ, ಇದಕ್ಕಾಗಿ 2023ರ ಅಂತ್ಯದ ವೇಳೆಗೆ 4,000 ಕೋಟಿ ರೂಪಾಯಿಗಳ ಹೂಡಿಕೆ ಮಾಡಲು ಉದ್ದೇಶಿಸಿದೆ.
ಬೆಂಗಳೂರಿನಲ್ಲಿ, ಕಂಪನಿಯು ಕಚೇರಿ ವಿಭಾಗದಲ್ಲಿ ಕನಿಷ್ಠ ಎರಡು ಐಟಿ ಪಾರ್ಕ್ಗಳನ್ನು ಪ್ರಾರಂಭಿಸಲು ಯೋಜಿಸಿದೆ. ಹೆಬ್ಬಾಳ ಮತ್ತು ವೈಟ್ಫೀಲ್ಡ್ನ ಪೂರ್ವ ಐಟಿ ಕಾರಿಡಾರ್ನಂತಹ ನಗರದ ಉತ್ತರ ಭಾಗದಲ್ಲಿ 30 ಎಕರೆಗಳಷ್ಟು ಪ್ರದೇಶದಲ್ಲಿ ಇದು ನಿರ್ಮಾಣವಾಗಲಿದೆ.
Click it and Unblock the Notifications
Sign in with Google