ಸಿಲಿಕಾನ್ ಸಿಟಿ ಬೆಂಗಳೂರು ಈಗ 'ಸೈಬರ್ ಕ್ರೈಂ' ರಾಜಧಾನಿ

ಬೆಂಗಳೂರು, ಆಗಸ್ಟ್ 19: ಭಾರತದ ಸಿಲಿಕಾನ್ ವ್ಯಾಲಿ ಬೆಂಗಳೂರು ಈಗ ಬೇಡದ ವಿಷಯಕ್ಕೆ ಪ್ರಸಿದ್ಧಿಯಾಗುತ್ತಿದೆ. ಆತ್ಮಹತ್ಯಾ ನಗರ ಎಂಬ ಟ್ಯಾಗ್ ತಗುಲಿ ಹಾಕಿಕೊಂಡಿದ್ದ ಬೆಂಗಳೂರು ಈಗ ಅತಿ ಹೆಚ್ಚು ಸೈಬರ್ ಕ್ರೈಂ ಕೇಸು ದಾಖಲಿಸಿಕೊಂಡು ಸೈಬರ್ ಕ್ರೈಂ ರಾಜಧಾನಿ ಎನಿಸಿಕೊಂಡಿದೆ.

ಅತಿ ಹೆಚ್ಚು ಕೊಲೆಗಳನ್ನು ದಾಖಲಿಸಿಕೊಂಡ ಕುಖ್ಯಾತಿ ರಾಜಧಾನಿ ದೆಹಲಿ ಪಾಲಾಗಿದ್ದರೆ ನಂತರದ ಸ್ಥಾನದಲ್ಲಿ ಬೆಂಗಳೂರು ಇದೆ.

ಮಾಹಿತಿ ತಂತ್ರಜ್ಞಾನ ಕಾಯಿದೆ 2000 ರ ಉಲ್ಲಂಘನೆ ಮಾಡಿದ ಆರೋಪದ ಮೇಲೆ ದಾಖಲಾಗಿರುವ ಪ್ರಕರಣಗಳ ಅಂಕಿ ಅಂಶವನ್ನು ರಾಷ್ಟ್ರೀಯ ಅಪರಾಧ ದಾಖಲೆಗಳ ಬ್ಯುರೋ ಹೊರಹಾಕಿದೆ.

ಬೆಂಗಳೂರು ಸರಿ ಸುಮಾರು 675 ಕೇಸುಗಳನ್ನು ದಾಖಲಿಸಿಕೊಂಡಿದ್ದಾರೆ. ನಂತರದ ಸ್ಥಾನದಲ್ಲಿ ಹೈದರಾಬಾದ್ 386 ಸಂಖ್ಯೆಯನ್ನು ಹೊಂದಿದೆ. ನಂತರದ ಸ್ಥಾನದಲ್ಲಿ ಜೈಪುರ ಹಾಗೂ ಲಕ್ನೋ ಇದೆ. ಜೈಪುರದಲ್ಲಿ 317 ಕೇಸುಗಳು ಹಾಗೂ ಲಕ್ನೋದಲ್ಲಿ 205 ಕೇಸುಗಳು ದಾಖಲಾಗಿದೆ.

ಕರ್ನಾಟಕದಲ್ಲಿ ಒಟ್ಟಾರೆ 1,012 ಪ್ರಕರಣಗಳು ದಾಖಲಾಗಿವೆ. 2013ಕ್ಕೆ ಹೋಲಿಸಿದರೆ ಬಹುತೇಕ ಈ ಸಂಖ್ಯೆ ದ್ವಿಗುಣವಾಗಿದೆ.

ಕುತೂಹಲದ ಸಂಗತಿ ಎಂದರೆ ಅರ್ಧದಷ್ಟು ಪ್ರಕರಣಗಳು ಮಾಹಿತಿ ಮತ್ತು ತಂತ್ರಜ್ಞಾನ ಕಾಯಿದೆ ಸೆಕ್ಷನ್ 66ಎ ಅನ್ವಯ ದಾಖಲಾಗಿದ್ದು, ಸುಪ್ರೀಂಕೋರ್ಟಿನಿಂದ ಈ ಸೆಕ್ಷನ್ ಗೆ ತಡೆ ಸಿಕ್ಕಿದೆ.

ಜನರಲ್ಲಿ ಹೆಚ್ಚಿನ ಜಾಗೃತಿ ಮೂಡಿಸಲಾಗಿದೆ. ಐಟಿ ಕಾಯ್ದೆ 66ಎ ಅನ್ವಯ 603ಕ್ಕೂ ಅಧಿಕ ಪ್ರಕರಣಗಳು ದಾಖಲಾಗಿವೆ ಎಂದು ಸಿಐಡಿ ಸೈಬರ್ ಕ್ರೈಂ ಡಿಐಜಿ ಹೇಮಂತ್ ನಿಂಬಾಳ್ಕರ್ ಅವರು ದಿ ಹಿಂದೂ ಪತ್ರಿಕೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ.

English summary

Bengaluru city has recorded the highest number of cyber crime cases among 53 mega cities in the country during 2014, according to NCRB. The city has registered 675 cases under the Information Technology Act, 2000. Hyderabad stood second with 386 cases, followed by Jaipur and Lucknow.