ಹುಬ್ಬಳ್ಳಿ ಚಾಲಕನಿಗೆ ಸ್ವಾಮೀಜಿ ಪೀಠದ ಆಸೆ

ಹುಬ್ಬಳ್ಳಿ, ಅ.2: ಇಲ್ಲಿನ ಶಾಂಡಿಲ್ಯಾಶ್ರಮದ ಸ್ವಾಮೀಜಿಯ ಕಾರು ಚಾಲಕನಾಗಿದ್ದ ಶಿವಾನಂದ ಎಂಬವ ತನ್ನನ್ನೇ ಮಠದ ಉತ್ತರಾಧಿಕಾರಿಯನ್ನಾಗಿ ಮಾಡಬೇಕು ಎಂಬ ಬೇಡಿಕೆ ಕೇಳಿ ವೀರಶೈವ ಜನಾಂಗ ಅಚ್ಚರಿಯಿಂದ ಕಣ್ಣರಳಿಸಿದೆ.

ಸ್ವಾಮೀಜಿಗಳ ಪೀಠಕ್ಕೇರಲು ಅವಕಾಶ ನೀಡಬೇಕು ಇಲ್ಲದಿದ್ದರೆ, ತನಗೆ ತಿರುಗಾಡಲು ಕಾರು ಹಾಗೂ 10 ಲಕ್ಷ ರೂಪಾಯಿ, ಜೀವನಾಂಶ ನೀಡಬೇಕೆಂದು ಪಟ್ಟು ಹಿಡಿದು ಕುಳಿತಿರುವುದು ಆಡಳಿತ ಮಂಡಳಿಗೆ ಅಚ್ಚರಿ ಮೂಡಿಸಿದೆ.

ನಾಗಶೆಟ್ಟಿ ಕೊಪ್ಪದಲ್ಲಿರುವ ಶಾಂಡಿಲ್ಯಾಶ್ರಮದ ಚಂದ್ರಶೇಖರ ಸ್ವಾಮಿ ಲಿಂಗೈಕ್ಯರಾಗಿದ್ದಾರೆ. ಆದರೆ, ಮಠಕ್ಕೆ ಈವರೆಗೂ ಯಾರನ್ನೂ ಉತ್ತರಾಧಿಕಾರಿಯನ್ನಾಗಿ ಆಯ್ಕೆ ಮಾಡಿಲ್ಲ.

ಈ ಮಧ್ಯೆ ಚಂದ್ರಶೇಖರ ಸ್ವಾಮಿ ಕಾರು ಚಾಲಕನಾಗಿದ್ದ ಶಿವಾನಂದ, ನಾನು ಕಳೆದ 40 ವರ್ಷಗಳಿಂದ ಮಠದಲ್ಲಿ ಸೇವೆ ಸಲ್ಲಿಸಿದ್ದಾನೆ. ಈಗ ನನಗೆ ಮಠಾಧೀಶನಾಗೋ ಆಸೆ ಇದೆ ಎಂಬುದಾಗಿ ಹೇಳಿಕೊಂಡು ಆಡಳಿತ ಮಂಡಳಿಯನ್ನು ಬ್ಲಾಕ್‌ಮೇಲ್ ಮಾಡುವ ಮಟ್ಟಕ್ಕೆ ಹೋಗಿದ್ದಾನೆ.

ಚಂದ್ರಶೇಖರ ಸ್ವಾಮಿ ಮರಣಕ್ಕಿಂತ ಮೊದಲೇ ವಿಲ್ ಬರೆದಿಟ್ಟಿದ್ದಾರೆ. ಅದರಲ್ಲಿ 'ಮಠದ ಉತ್ತರಾಧಿಕಾರಿಯ ಆಯ್ಕೆ ಅಧಿಕಾರ ಆಡಳಿತ ಮಂಡಳಿಗೆ ಬಿಟ್ಟಿ ವಿಷಯ ಎಂದು ಸ್ಪಷ್ಟವಾಗಿ ಉಲ್ಲೇಖಿಸಿದ್ದಾರೆ. ಪೀಠಾಧಿಪತಿ ಇಲ್ಲದ ಮಠಕ್ಕೆ ನಾನೇ ದಿಕ್ಕು ಎಂದು ಶಿವಾನಂದ ಹೇಳಿಕೊಂಡು ತಿರುಗುತ್ತಿದ್ದಾನೆ.

English summary

A Driver of pontiff eyes on Mutts highest post. Driver Shivananda wants to become head of Shandilya Ashram in Hubli. Shivananda's made his demand public after mutt failed to find successor to late pontiff Chandrashekar Swamiji.