ಕಾಳಧನಕ್ಕೆ ಕಡಿವಾಣ: ವೆಬ್‌ಸೈಟ್‌ಗೆ ಯುಪಿಎ ಸರಕಾರ ಮೊರೆ

ನವದೆಹಲಿ, ಜೂನ್ 16: ಕಾಳಧನ ವಿರುದ್ಧದ ಹೋರಾಟದಿಂದ ವಿಚಲಿತವಾಗಿರುವಂತೆ ಕಂಡುಬಂದಿರುವ ಯುಪಿಎ ಸರಕಾರ, ಅದರ ನಿಗ್ರಹಕ್ಕೆ ಕ್ರಮ ಕೈಗೊಳ್ಳಲು ನಿರ್ಧರಿಸಿದೆ. ಅದರಂತೆ ಅಂತರ್ಜಾಲದಲ್ಲಿ ಕಾಳಧನ ಹಿಡಿಯಲು ಮುಂದಾಗಿದೆ. ತೆರಿಗೆ ಚೋರರಿಗೆ ಕಡಿವಾಣ ಹಾಕುವುದೂ ಇದರ ಮುಖ್ಯ ಉದ್ದೇಶವಾಗಿದೆ.

ಕಪ್ಪುಹಣದ ಹರಿವಿಗೆ ಕಡಿವಾಣ ಹಾಕುವ ನಿಟ್ಟಿನಲ್ಲಿ ಸಾರ್ವಜನಿಕರ ಸಲಹೆ, ಸೂಚನೆಗಳನ್ನು ಕ್ರೋಡೀಕರಿಸುವ ಸಲುವಾಗಿ ಕೇಂದ್ರ ಹಣಕಾಸು ಸಚಿವಾಲಯ ಸದ್ಯಕ್ಕೆ ಇ-ಮೇಲ್ ಐ.ಡಿ ತೆರೆದಿದೆ. ನಾಗರಿಕರು ಕಪ್ಪುಹಣಕ್ಕೆ ಸಂಬಂಧ ಪಟ್ಟಂತೆ ತಮ್ಮ ಪ್ರತಿಕ್ರಿಯೆ, ಸಲಹೆಗಳನ್ನು ಇಲ್ಲಿ ದಾಖಲಿಸಬಹುದು.

ನ್ಯಾಷನಲ್ ಇನ್‌ಫರ್ಮ್ಯಾಟಿಕ್ಸ್ ಕೇಂದ್ರದ ಸರ್ವರ್ ನಲ್ಲಿ [email protected] ಇ-ಮೇಲ್ ತೆರೆಯಲಾಗಿದೆ. ತತ್ಸಂಬಂಧ ಪೋರ್ಟಲ್ ಇನ್ನೂ ರಚನೆಯಾಗಬೇಕಿದ್ದು, ಈ ಮಧ್ಯೆ, ಇ-ಮೇಲ್ ಕಾರ್ಯಾನಿರ್ವಹಿಸಲಿದೆ.

English summary

The finance ministry has decided to launch a dedicated portal inviting suggestions on the issue from the public and all other stakeholders through email. A formal announcement about the email ID, blackmoney@nic.in, would be made after the National Informatics Centre (NIC) prepares the web page to handle a public opinion survey.