ಸನ್ ಫೀಸ್ಟ್ ವರ್ಲ್ಡ್ -10ಕೆ ವಿಜೇತೆ ಕವಿತಾ

ಬೆಂಗಳೂರು, ಜೂ.1 : 'ಸನ್ ಫೀಸ್ಟ್ ವರ್ಲ್ಡ್ -10ಕೆ' ಭಾನುವಾರ ಮೇ 31ರಂದು ಜರುಗಿತು. 'ಬೆಂಗಳೂರಿಗಾಗಿ ಓಟ' ಎಂಬ ಘೋಷಣೆಯ ಈ ಕಾರ್ಯಕ್ರಮದಲ್ಲಿ ರೇಡಿಯೊ ಮಿರ್ಚಿ 98.3 ಎಫ್.ಎಂ. ವಿಶೇಷ ಪ್ರಯೋಜಕತ್ವ ವಹಿಸಿಕೊಂಡಿತ್ತು. ಮಹಾರಾಷ್ಟ್ರದ ಕವಿತಾ ರಾವುತ್ ಅವರು 10 ಕಿ.ಮೀ ದೂರವನ್ನು 34ನಿಮಿಷ 32 ಸೆಕೆಂಡುಗಳಲ್ಲಿ ಕ್ರಮಿಸಿ ಮಹಿಳೆಯರ ವಿಭಾಗದ ಪ್ರಶಸ್ತಿ ಪಡೆದರು.

ಒಲಿಂಪಿಯನ್ ಪ್ರೀಜಾ ಶ್ರೀಧರನ್(34.40 ಸೆ), ಪ್ರೀತಿ ರಾವ್ ( 35.21ಸೆ) ಎರಡನೇ ಹಾಗೂ ಮೂರನೇ ಸ್ಥಾನ ಗಳಿಸಿದರು. ಭಾರತೀಯ ಪುರುಷರ ವಿಭಾಗದಲ್ಲಿ ಉತ್ತರಪ್ರದೇಶದ ಸಂದೀಪ್ ಕುಮಾರ್ ಪ್ರಶಸ್ತಿ ಗಳಿಸಿದರು. ಕಾಶಿನಾಥ್ ಅಸ್ವಾಲೆ ಎರಡನೇ ಸ್ಥಾನ ಪಡೆದರು.

ವಿಶ್ವ ಮ್ಯಾರೆಥಾನ್ ವಿಭಾಗದಲ್ಲಿ ಇಥಿಯೋಪಿಯಾದ ಡೆರಿಬಾ ಮಾರ್ಗಾ ಪುರುಷರ ವಿಭಾಗದಲ್ಲಿ ಪ್ರಥಮ ಸ್ಥಾನಪಡೆದರು.ಮಹಿಳೆಯರ ವಿಭಾಗದಲ್ಲಿ ಇಥಿಯೋಪಿಯಾದ ಮರ್ಗಿಯಾ ಅಸ್ಲೆಫೆಚ್ 32 ನಿಮಿಷ 8 ಸೆಕೆಂಡುಗಳಲ್ಲಿ ಗುರಿ ಮುಟ್ಟಿ ಚಾಂಪಿಯನ್ ಎನಿಸಿದರು.ವನಿತೆಯರ ವಿಭಾಗದಲ್ಲಿ ಕೀನ್ಯಾದ ಮೇರಿ ಕೆತಾನಿ ಅವರು 32ನಿ 9 ಸೆ. ಗಳಲ್ಲಿ ಗುರಿ ತಲುಪಿ ಎರಡನೇ ಸ್ಥಾನ ಗಳಿಸಿದರು.

(ಏಜೆನ್ಸೀಸ್)