‘ಗರುಡಮಾಲ್‌’ ಮುಟ್ಟುಗೋಲಿಗೆ ಬಿಜೆಪಿ ಒತ್ತಾಯ

‘ಗರುಡಮಾಲ್‌’ ಮುಟ್ಟುಗೋಲಿಗೆ ಬಿಜೆಪಿ ಒತ್ತಾಯ
ಅಕ್ರಮ ಕಟ್ಟಡಗಳ ತೆರವಿಗೆ ಪಾಲಿಕೆ ಮುಂದಾಗಲಿ -ಎ.ಎಚ್‌.ಬಸವರಾಜು

ಮಹಾತ್ಮ ಗಾಂಧಿ ರಸ್ತೆಯಲ್ಲಿರುವ ಗರುಡಮಾಲ್‌, ಮಹಾನಗರ ಪಾಲಿಕೆಯ ಆಸ್ತಿಯನ್ನು ಕಬಳಿಸಿದೆ. ಕೂಡಲೇ ಅದನ್ನು ಮುಟ್ಟುಗೋಲು ಹಾಕಿಕೊಳ್ಳಬೇಕೆಂದು ಪಾಲಿಕೆಯ ಬಿಜೆಪಿ ಸದಸ್ಯ ಎ.ಎಚ್‌.ಬಸವರಾಜ್‌ ಒತ್ತಾಯಿಸಿದ್ದಾರೆ.

ಸುದ್ದಿಗಾರರೊಂದಿಗೆ ಮಾತನಾಡುತ್ತಿದ್ದ ಅವರು, ಮುಂಬೈ ಮೂಲದ ಮೆವರಿಕ್‌ ಕಂಪನಿ ಮೂಲಕ ಅಕ್ರಮ ನಡೆದಿದೆ. ಶೇ.80ರಷ್ಟು ನಿಯಮಗಳನ್ನು ಉಲ್ಲಂಘಿಸಿ ಗರುಡಮಾಲ್‌ ನಿರ್ಮಾಣ ಮಾಡಲಾಗಿದೆ. ಇದು ನಗರದ ಹೃದಯ ಭಾಗದಲ್ಲಿನ ಪಾಲಿಕೆ ಆಸ್ತಿ ನುಂಗುವ ಹುನ್ನಾರ. ಈ ಬಗ್ಗೆ ನ್ಯಾಯಾಂಗ ತನಿಖೆ ಅತ್ಯಗತ್ಯ ಎಂದರು.

ನಗರದಲ್ಲಿ ಪಾಲಿಕೆ ಆಸ್ತಿಗಳನ್ನು ಗುರ್ತಿಸುವ ನಾಮಫಲಕಗಳಿಲ್ಲ. ಹೀಗಾಗಿ ಅಕ್ರಮ ಒತ್ತುವರಿ ಸುಲಭವಾಗುತ್ತಿದೆ. ಪಾಲಿಕೆಯ ಲೆಕ್ಕಪತ್ರ ವ್ಯವಸ್ಥೆಯೂ ಸರಿಯಾಗಿಲ್ಲ ಎಂದು ಬಸವರಾಜ್‌ ದೂರಿದ್ದಾರೆ.

(ದಟ್ಸ್‌ ಕನ್ನಡ ವಾರ್ತೆ)

ಮುಖಪುಟ / ಬೆಂಗಳೂರು ಡೈರಿ