ಮೂವರು ಖಲಿಸ್ತಾನ್ ಭಯೋತ್ಪಾದಕರ ಬಂಧನ

By: ವಿಕಾಸ್ ನಂಜಪ್ಪ
Subscribe to Oneindia Kannada

ಭೋಪಾಲ್, ಆಗಸ್ಟ್ 10: ಐಎಸ್ಐ ಮತ್ತು ಖಲಿಸ್ತಾನ್ ಲಿಬರೇಷನ್ ಫೋರ್ಸ್ ನ ಮೂವರು ಉಗ್ರರನ್ನು ಮಧ್ಯ ಪ್ರದೇಶ ಎಟಿಎಸ್ ಪೊಲೀಸರು ಬಂಧಿಸಿದ್ದಾರೆ. ಮಧ್ಯಪ್ರದೇಶದಲ್ಲಿ ಕಳೆದ ನಾಲ್ಕು ದಿನಗಳಿಂದ ಮೊಕ್ಕಾಂ ಹೂಡಿದ್ದ ಪಂಜಾಬ್ ಪೊಲೀಸರು ಕೊನೆಗೂ ಮಧ್ಯ ಪ್ರದೇಶ ಪೊಲೀಸರ ಸಹಾಯದೊಂದಿಗೆ ಈ ಉಗ್ರರನ್ನು ಬಂಧಿಸಿದ್ದಾರೆ.

ಬಲ್ವಿಂದರ್ ಗಿಲ್, ಬಲ್ಕರ್ ಸಿಂಗ್ ಮತ್ತು ಸತ್ಯೇಂದ್ರ ರಾವತ್ ಬಂಧಿತ ಉಗ್ರರಾಗಿದ್ದಾರೆ. ಇವರಲ್ಲಿ ಇಬ್ಬರು ಖಲಿಸ್ತಾನ್ ಸಂಘಟನೆಗೆ ಸೇರಿದ್ದರೆ, ಓರ್ವ ಐಎಸ್ಐ ಜತೆ ಸಂಪರ್ಕ ಹೊಂದಿದ್ದ ಎಂದು ಮೂಲಗಳು ಹೇಳಿವೆ.
ಗ್ವಾಲಿಯರ್ ನ ದಬ್ರಾ, ಚಿನೋರ್ ಮತ್ತು ದುಲ್ಪಾರದಲ್ಲಿ ಈ ಉಗ್ರರು ಅಡಗಿಕೊಂಡಿದ್ದರು. ಖಚಿತ ಗುಪ್ತಚರ ಮಾಹಿತಿಯ ಮೇಲೆ ಇವರನ್ನು ಎಟಿಎಸ್ ಪೊಲೀಸರು ಬಂಧಿಸಿದ್ದಾರೆ. ಕಳೆದ ಜೂನ್ ನಲ್ಲಿ ಬಂಧಿತರಾಗಿದ್ದ ಗುರ್ದೀಯಲ್ ದಿಂಗ್, ಜಾಗ್ರೂಪ್ ಸಿಂಗ್ ಮತ್ತು ಸತ್ವೆಂದರ್ ಸಿಂಗ್ ಈ ಉಗ್ರರ ಬಗ್ಗೆ ಸುಳಿವು ನೀಡಿದ್ದರು ಎ ನ್ನಲಾಗಿದೆ.

3 terrorists part of ISI-Khalistan Liberation Force module arrested in MP

ವಿಚಾರಣೆ ವೇಳೆ ಈ ಉಗ್ರರು ಸಿಖ್ಖ್ ವಿರೋಧಿ ಶಕ್ತಿಗಳ ವಿರುದ್ಧ ದಾಳಿ ನಡೆಸಲು ಯೋಜನೆ ರೂಪಿಸಿದ್ದರು ಎಂದು ತಿಳಿದು ಬಂದಿದೆ. ಇದಕ್ಕಾಗಿ 2016ರಲ್ಲಿ ಪಾಕಿಸ್ತಾನದ ಲಾಹೋರ್ ನಲ್ಲಿ ತರಬೇತಿಯನ್ನೂ ಪಡೆದಿದ್ದರು.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
A module of the ISI and the Khalistan Liberation Force has been busted by the Madhya Pradesh ATS. The operation was carried out jointly with the Punjab police who have been camping in MP since the past 4 days.
Please Wait while comments are loading...