V Somanna: ವಲಸೆ ಬಂದು ಕಲ್ಪತರು ನಾಡಿನಲ್ಲಿ ಗೂಡು ಕಟ್ಟಿಕೊಂಡ ವಿ. ಸೋಮಣ್ಣ

ತುಮಕೂರು, ಜೂನ್. 04: ಕಲ್ಪತರು ನಾಡು ತುಮಕೂರಿನಲ್ಲಿ ಬಿಜೆಪಿ ಅಭ್ಯರ್ಥಿ ಮಾಜಿ ಸಚಿವ ವಿ ಸೋಮಣ್ಣ ಭರ್ಜರಿ ಗೆಲುವು ಕಂಡಿದ್ದಾರೆ. ಬೆಂಗಳೂರಿನಿಂದ ವಲಸೆ ಬಂದು ತುಮಕೂರಿನಲ್ಲಿ ಬರೋಬ್ಬರಿ 1,75,594 ಮತಗಳ ಅಂತರದಿಂದ ಗೆಲುವು ಕಂಡಿದ್ದಾರೆ. ಮಾಜಿ ಸಂಸದ ಅಲ್ಲಿನವರೆ ಆದ ಮುದ್ದಹನುಮೇಗೌಡ ಸೋಲು ಕಂಡಿದ್ದಾರೆ.

ಮತ ಎಣಿಕೆಯಲ್ಲಿ ಬಿಜೆಪಿಯ ವಿ. ಸೋಮಣ್ಣ ಮೊದಲಿನಿಂದಲೂ ಮುನ್ನಡೆ ಕಾಯ್ದುಕೊಂಡಿದ್ದರು. ಬಿಜೆಪಿ ಅಭ್ಯರ್ಥಿ ವಿ ಸೋಮಣ್ಣ 7,20,946 ಮತಗಳನ್ನು ಪಡೆದರೇ, ಕಾಂಗ್ರೆಸ್ ಅಭ್ಯರ್ಥಿ ಎಸ್ ಪಿ ಮುದ್ದಹನುಮೇಗೌಡ 5,45,352 ಸಾವಿರ ಮತಗಳನ್ನು ಪಡೆದಿದ್ದಾರೆ. ಇಬ್ಬರ ನಡುವೆ 1,75,594 ಮತಗಳ ಅಂತರವಿದೆ. ಕ್ಷೇತ್ರದಲ್ಲಿ ನೋಟಾಗೆ 6460 ಮತಗಳು ಬಿದ್ದಿವೆ. ತುಮಕೂರು ಲೋಕಸಭಾ ಕ್ಷೇತ್ರದಲ್ಲಿ ಎರಡನೇ ಹಂತದ ಚುನಾವಣೆಯಲ್ಲಿ ಏಪ್ರಿಲ್ 26 ರಂದು ಮತದಾನ ನಡೆದಿತ್ತು.

2024ರ ಲೋಕಸಭಾ ಚುನಾವಣೆಯಲ್ಲಿ ತುಮಕೂರು ಲೋಕಸಭಾ ಕ್ಷೇತ್ರದಿಂದ 18 ಅಭ್ಯರ್ಥಿಗಳು ಸ್ಪರ್ಧಿಸಿದ್ದರು. 2019 ರಲ್ಲಿ ಈ ಸ್ಥಾನಕ್ಕೆ ಸ್ಪರ್ಧಿಸಿದವರ ಸಂಖ್ಯೆ 15 ಆಗಿದ್ದರೆ, 2014 ರಲ್ಲಿ 16 ಅಭ್ಯರ್ಥಿಗಳಿದ್ದರು ಮತ್ತು 2009 ರ ಚುನಾವಣೆಯಲ್ಲಿ ಈ ಸಂಖ್ಯೆ 10 ಆಗಿತ್ತು. ಈ ಬಾರಿಯೇ ಅತಿಹೆಚ್ಚು ಮಂದಿ ಸ್ಪರ್ಧಿಸಿದ್ದರು.

2024 ರ ಲೋಕಸಭಾ ಚುನಾವಣೆಯಲ್ಲಿ ಸ್ಪರ್ಧಿಸಿದ್ದ ಅಭ್ಯರ್ಥಿಗಳು

1. ವಿ ಸೋಮಣ್ಣ, ಭಾರತೀಯ ಜನತಾ ಪಕ್ಷ (ಬಿಜೆಪಿ)

2. ಪ್ರದೀಪ್ ಕುಮಾರ್ ದೊಡ್ಡಮುದ್ದೇಗೌಡ, ಕರ್ನಾಟಕ ರಾಷ್ಟ್ರ ಸಮಿತಿ (ಕೆಆರ್‌ಎಸ್)

3. ಬಿ ದೇವರಾಜ್, ಸ್ವತಂತ್ರ

4. ಕಪನಿಗೌಡ, ಸ್ವತಂತ್ರ

5. ಎಸ್ ಎನ್ ಸ್ವಾಮಿ, ಸೋಷಿಯಲಿಸ್ಟ್ ಯೂನಿಟಿ ಸೆಂಟರ್ ಆಫ್ ಇಂಡಿಯಾ (ಕಮ್ಯುನಿಸ್ಟ್) (

6. ಸಿದ್ದರಾಮೇಗೌಡ ಟಿ ಬಿ, ಸ್ವತಂತ್ರ

7. ಆರ್ ನಾರಾಯಣಪ್ಪ, ಸ್ವತಂತ್ರ

8. ಪ್ರಕಾಶ್ ಆರ್ ಎ ಜೈನ್, ಸ್ವತಂತ್ರ

9. ರಾಜಸಿಂಹ ಜೆ ಎನ್, ಬಹುಜನ ಸಮಾಜ ಪಕ್ಷ (ಬಿಎಸ್ಪಿ)

10. ಬಸವರಾಜು ಎಚ್ ಆರ್, ರಾಷ್ಟ್ರೀಯ ಮಹಾ ಸಭಾ ಪಕ್ಷ (ಎನ್ಎಂಎಸ್ಪಿ)

11. ರಂಗನಾಥ ಆರ್ ಎಸ್, ಸ್ವತಂತ್ರ

12. ಎಸ್ ಪಿ ಮುದ್ದಹನುಮೇಗೌಡ, ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್

13. ಆರ್ ಪುಷ್ಪಾ, ಸ್ವತಂತ್ರ

14. ಮಲ್ಲಿಕಾರ್ಜುನಯ್ಯ, ಸ್ವತಂತ್ರ

15. ಜೆ ಕೆ ಸಾಮಿ, ಸ್ವತಂತ್ರ

16. ಎಚ್ ಎಲ್ ಮೋಹನ್ ಕುಮಾರ್, ಸ್ವತಂತ್ರ

17. ಡಾ ಎಚ್ ಬಿ ಎಂ ಹಿರೇಮಠ, ಕನ್ನಡ ಪಕ್ಷ (ಕೆಎನ್‌ಪಿ)

18. ನೀಲಕಂಠೇಶ ಎಚ್ ಎಸ್, ಸ್ವತಂತ್ರ

2019 ರ ಚುನಾವಣೆಯಲ್ಲಿ, ಬಿಜೆಪಿ ಅಭ್ಯರ್ಥಿ ಜಿಎಸ್ ಬಸವರಾಜ್ 596,127 ಮತಗಳನ್ನು ಗಳಿಸಿ ಜಯಶೀಲರಾಗಿದ್ದರು. 582,788 ಮತಗಳನ್ನು ಗಳಿಸಿದ ಮಾಜಿ ಪ್ರಧಾನಿ ಎಚ್‌ಡಿ ದೇವೇಗೌಡ ಸೋಲು ಕಂಡಿದ್ದರು. 2014ರ ಚುನಾವಣೆಯಲ್ಲಿ ತುಮಕೂರು ಕ್ಷೇತ್ರದಲ್ಲಿ ಕಾಂಗ್ರೆಸ್ ಗೆಲುವು ಸಾಧಿಸಿತ್ತು. ಕಾಂಗ್ರೆಸ್ ಅಭ್ಯರ್ಥಿ ಎಸ್.ಪಿ.ಮುದ್ದಹನುಮೇಗೌಡ 4,29,868 ಮತಗಳನ್ನು ಪಡೆದಿದ್ದರು.

English summary

Tumkur Lok Sabha Election Results: BJP's V. Somanna wins in Tumkur Lok Sabha election battle race with congress candidate S P Muddahanumegowda. Know more details.