900 ಅಕ್ರಮ ಗರ್ಭಪಾತ ಮಾಡಿದ ವೈದ್ಯನ ಬಂಧನ

ಬೆಂಗಳೂರು, ನವೆಂಬರ್‌ 27: ಕಳೆದ ಮೂರು ವರ್ಷಗಳಲ್ಲಿ ಸುಮಾರು 900 ಅಕ್ರಮ ಗರ್ಭಪಾತಗಳನ್ನು ನಡೆಸಿದ ವೈದ್ಯ ಮತ್ತು ಅವರ ಲ್ಯಾಬ್ ತಂತ್ರಜ್ಞನನ್ನು ಬೆಂಗಳೂರು ಪೊಲೀಸರು ಬಂಧಿಸಿದ್ದಾರೆ ಎಂದು ಅಧಿಕಾರಿಗಳು ಸೋಮವಾರ ತಿಳಿಸಿದ್ದಾರೆ.

ಡಾ. ಚಂದನ್ ಬಲ್ಲಾಳ್ ಮತ್ತು ಅವರ ಲ್ಯಾಬ್ ಟೆಕ್ನಿಷಿಯನ್ ನಿಸಾರ್ ಎಂಬುವವರು ಮೈಸೂರು ನಗರದ ಆಸ್ಪತ್ರೆಯಲ್ಲಿ ನಡೆಸಿದ ಪ್ರತಿ ಗರ್ಭಪಾತಕ್ಕೆ ಸುಮಾರು 30,000 ರೂಪಾಯಿ ಶುಲ್ಕ ವಿಧಿಸಿದ್ದಾರೆ. ಕಳೆದ ವಾರ ಇಬ್ಬರನ್ನೂ ವಶಕ್ಕೆ ತೆಗೆದುಕೊಳ್ಳಲಾಗಿದೆ. ಇದರೊಂದಿಗೆ ಆಸ್ಪತ್ರೆಯ ಮ್ಯಾನೇಜರ್ ಮೀನಾ ಮತ್ತು ಸ್ವಾಗತಕಾರ ರಿಜ್ಮಾ ಖಾನ್ ಅವರನ್ನು ಈ ತಿಂಗಳ ಆರಂಭದಲ್ಲಿ ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಕಳೆದ ತಿಂಗಳು ಮೈಸೂರು ಸಮೀಪದ ಮಂಡ್ಯದ ಜಿಲ್ಲಾ ಕೇಂದ್ರ ಪಟ್ಟಣದಲ್ಲಿ ಇಬ್ಬರು ಆರೋಪಿಗಳಾದ ಶಿವಲಿಂಗೇಗೌಡ ಮತ್ತು ನಯನಕುಮಾರ್ ಅವರನ್ನು ಗರ್ಭಿಣಿ ಮಹಿಳೆಯನ್ನು ಕಾರಿನಲ್ಲಿ ಗರ್ಭಪಾತಕ್ಕೆ ಕರೆದೊಯ್ಯುತ್ತಿದ್ದಾಗ ಬಂಧಿಸುವ ಮೂಲಕ ಪೊಲೀಸರು ಲಿಂಗ ನಿರ್ಣಯ ಮತ್ತು ಹೆಣ್ಣು ಭ್ರೂಣಹತ್ಯೆ ದಂಧೆಯನ್ನು ಭೇದಿಸಿದ್ದರು.

ವಿಚಾರಣೆ ವೇಳೆ, ಆರೋಪಿಗಳು ಮಂಡ್ಯದಲ್ಲಿ ಅಲ್ಟ್ರಾಸೌಂಡ್ ಸ್ಕ್ಯಾನ್ ಸೆಂಟರ್ ಆಗಿ ಬಳಸುತ್ತಿದ್ದ ಬೆಲ್ಲದ ಘಟಕವನ್ನು ಪತ್ತೆಹಚ್ಚಿದ್ದರು. ನಂತರ ಪೊಲೀಸ್ ತಂಡವು ಸ್ಕ್ಯಾನ್ ಯಂತ್ರವನ್ನು ವಶಪಡಿಸಿಕೊಂಡಿತು. ಅದಕ್ಕೆ ಪರವಾನಗಿ ಅಥವಾ ಇತರ ಅಧಿಕೃತ ದಾಖಲೆಗಳನ್ನು ಹೊಂದಿಲ್ಲ ಎಂದು ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಕಳೆದ ಮೂರು ವರ್ಷಗಳಲ್ಲಿ ಆರೋಪಿ ವೈದ್ಯ ತನ್ನ ಸಹಚರರೊಂದಿಗೆ ಸೇರಿ ಮೈಸೂರು ಆಸ್ಪತ್ರೆಯಲ್ಲಿ ಸುಮಾರು 900 ಅಕ್ರಮ ಗರ್ಭಪಾತ ಮಾಡಿಸಿದ್ದು, ಪ್ರತಿ ಗರ್ಭಪಾತಕ್ಕೆ ಸುಮಾರು ₹30 ಸಾವಿರ ವಸೂಲಿ ಮಾಡಿರುವುದು ಪ್ರಾಥಮಿಕ ತನಿಖೆಯಿಂದ ತಿಳಿದುಬಂದಿದೆ. ದಂಧೆಯಲ್ಲಿ ಭಾಗಿಯಾಗಿರುವ ಇತರ ಶಂಕಿತರನ್ನು ಬಂಧಿಸಲು ಹೆಚ್ಚಿನ ತನಿಖೆ ನಡೆಸಲಾಗುತ್ತಿದೆ ಎಂದು ಅವರು ಹೇಳಿದರು.

English summary

Bengaluru police have arrested a doctor and his lab technician for performing nearly 900 illegal abortions in the last three years.