ಲೋಕಸಭಾ ಚುನಾವಣೆ ಟಿಕೆಟ್ ಮಿಸ್: ಇದೇ ಮೊದಲ ಬಾರಿಗೆ ಪ್ರಚಾರದಲ್ಲಿ ಭಾಗವಹಿಸಿದ ಮಾಜಿ ಸಂಸದ ವರುಣ್ ಗಾಂಧಿ
ಬಿಜೆಪಿ ಮುಖಂಡ ವರುಣ್ ಗಾಂಧಿ ಅವರು ಸುಲ್ತಾನ್ಪುರ ಲೋಕಸಭಾ ಕ್ಷೇತ್ರದಲ್ಲಿ ತಮ್ಮ ತಾಯಿ ಮೇನಕಾ ಗಾಂಧಿ ಪರ ಪ್ರಚಾರ ನಡೆಸಿ ಅವರ ಅಧಿಕಾರಾವಧಿಯಲ್ಲಿ ಮಾಡಿದ ಕೆಲಸಗಳನ್ನು ಪ್ರಸ್ತಾಪಿಸಿ ಸಾರ್ವಜನಿಕರಿಂದ ಮತ ಕೇಳಿದರು.
ಪಿಲಿಭಿತ್ನ ನಿರ್ಗಮಿತ ಸಂಸದ ವರುಣ್ ಗಾಂಧಿ ಅವರು ತಮ್ಮ ತಾಯಿ ಸುಲ್ತಾನ್ಪುರದ ಪಕ್ಷದ ಅಭ್ಯರ್ಥಿ ಮೇನಕಾ ಗಾಂಧಿ ಪರವಾಗಿ ಪ್ರಚಾರ ಮಾಡಿದರು. ಸುಲ್ತಾನ್ಪುರ ಕ್ಷೇತ್ರದ ಪ್ರಚಾರದ ಕೊನೆಯ ದಿನದಂದು ಚುನಾವಣಾ ಸಭೆಯನ್ನು ಉದ್ದೇಶಿಸಿ ವರುಣ್ ಗಾಂಧಿ ಮಾತನಾಡಿದರು. ಇದೇ ವೇಳೆ ವರುಣ್ ಗಾಂಧಿ ತಮ್ಮ ಹಾಗೂ ತಾಯಿಯ ನಡುವಿನ ಸಂಬಂಧದ ಬಗ್ಗೆ ಪ್ರಸ್ಥಾಪಿಸಿದರು.
ಸಂಸದರನ್ನು ಮಾತಾಜಿ ಎಂದು ಕರೆಯುವ ಏಕೈಕ ಕ್ಷೇತ್ರ ಸುಲ್ತಾನಪುರ ಎಂದರು. ನನ್ನ ತಾಯಿಗೆ ಮಾತ್ರವಲ್ಲದೆ ಇಡೀ ಸುಲ್ತಾನಪುರದ ತಾಯಿಗೆ ಇಲ್ಲಿ ಬೆಂಬಲ ನೀಡುವಂತೆ ಮನವಿ ಮಾಡುತ್ತೇನೆ. ನಾವು 10 ವರ್ಷಗಳ ಹಿಂದೆ ಇಲ್ಲಿಂದ ಚುನಾವಣೆಗೆ ಸ್ಪರ್ಧಿಸಲು ಬಂದಾಗ ಜನರು ಅಮೇಥಿ ಮತ್ತು ರಾಯ್ಬರೇಲಿಯಲ್ಲಿ ಇರುವಂತಹ ವೈಭವವನ್ನು ಸುಲ್ತಾನ್ಪುರದಲ್ಲಿ ಬಯಸುತ್ತೇವೆ ಎಂದು ಜನರು ಹೇಳುತ್ತಾರೆ. ಇಂದು ಸುಲ್ತಾನಪುರದ ಹೆಸರು ದೇಶದ ಮೊದಲ ಸಾಲಿನ ಜಿಲ್ಲೆಗಳಲ್ಲಿ ಸ್ಥಾನ ಪಡೆದಿರುವುದು ನನಗೆ ಖುಷಿ ತಂದಿದೆ ಎಂದು ತಿಳಿಸಿದರು.
ಹಾಲಿ ಸಂಸದೆಯಾಗಿರುವ ವರುಣ್ನ ತಾಯಿ ಮೇನಕಾ ಚುನಾವಣಾ ಅಖಾಡದಲ್ಲಿದ್ದಾರೆ. ಇದೇ ವೇಳೆ ವರುಣ್ ಅವರು 15-20 ಸಭೆ ನಡೆಸಲಿದ್ದಾರೆ. ಅವರ ಪ್ರಚಾರದಿಂದ ನಮಗೆ ಖಂಡಿತ ಲಾಭವಾಗುತ್ತದೆ. ತಮ್ಮ ವೈಯಕ್ತಿಕ ಹಿತಾಸಕ್ತಿಗಳನ್ನು ಗಮನದಲ್ಲಿಟ್ಟುಕೊಂಡು ಮತ ಚಲಾಯಿಸುವಂತೆ ಮೇನಕಾ ಮತದಾರರಿಗೆ ಮನವಿ ಮಾಡಿದರು. ಮತ ಹಾಕುವ ಮುನ್ನ ಯಾವ ಸಂಸದರು ತಮ್ಮ ಕೆಲಸ ಮಾಡಬಲ್ಲರು ಎಂದು ಯೋಚಿಸಬೇಕು ಎಂದರು.
ವರುಣ್ 2019 ರಲ್ಲಿ ಪಿಲಿಭಿತ್ ನಿಂದ ಸಂಸದರಾಗಿ ಆಯ್ಕೆಯಾದರು ಆದರೆ ಈ ಬಾರಿ ಬಿಜೆಪಿ ಅವರ ಟಿಕೆಟ್ ಅನ್ನು ರದ್ದುಗೊಳಿಸಿತು. ಈ ಬಾರಿ ಪಕ್ಷವು ಪಿಲಿಭಿತ್ನಿಂದ ಜಿತಿನ್ ಪ್ರಸಾದ್ ಅವರನ್ನು ಅಭ್ಯರ್ಥಿಯನ್ನಾಗಿ ಮಾಡಿದೆ. ವರುಣ್ 2014ರ ಲೋಕಸಭೆ ಚುನಾವಣೆಯಲ್ಲಿ ಸುಲ್ತಾನ್ಪುರದಿಂದ ಸಂಸದರಾಗಿ ಆಯ್ಕೆಯಾಗಿದ್ದರು. ದೇಶದಲ್ಲಿ ಈಗಾಗಲೇ ಐದು ಹಂತದ ಚುನಾವಣೆಗಳು ಮುಗಿದಿದ್ದು, ಇನ್ನು ಎರಡು ಹಂತದ ಚುನಾವಣೆಗಳು ಬಾಕಿ ಇವೆ. ಸುಲ್ತಾನ್ಪುರದಲ್ಲಿ ಮೇ 25 ರಂದು ನಡೆಯಲಿದೆ. ಆರನೇ ಹಂತದಲ್ಲಿ ಸುಲ್ತಾನ್ಪುರದಲ್ಲಿ ಮತದಾನ ನಡೆಯಲಿದ್ದು, ಮೇನಕಾ ಅವರು ಎಸ್ಪಿಯ ರಾಮ್ ಬಹದ್ದೂರ್ ನಿಶಾದ್ ಮತ್ತು ಬಿಎಸ್ಪಿಯ ಉದಯ್ ರಾಜ್ ವರ್ಮಾ ವಿರುದ್ಧ ಸ್ಪರ್ಧಿಸುತ್ತಿದ್ದಾರೆ.
Click it and Unblock the Notifications
Sign in with Google