Ugadi 2025 Temples: ಯುಗಾದಿ ಹಬ್ಬದಂದು ಹೆಚ್ಚು ಭಕ್ತರು ಭೇಟಿ ನೀಡುವ ಬೆಂಗಳೂರಿನ ಪ್ರಸಿದ್ಧ ವಿಷ್ಣು ದೇವಸ್ಥಾನಗಳಿವು...

ಯುಗಾದಿ ಹಬ್ಬವನ್ನು ಮಾರ್ಚ್ 30ರಂದು ಆಚರಿಸಲಾಗುತ್ತದೆ. ಈ ದಿನದಂದು ಬ್ರಹ್ಮದೇವ ಸೃಷ್ಟಿಯನ್ನು ಸೃಷ್ಟಿಸಿದನೆಂದು ಹೇಳಲಾಗುತ್ತದೆ. ಹೀಗಾಗಿ ಈ ದಿನ ಅನಂತ ರೂಪಗಳಲ್ಲಿ (ಮತ್ಸ್ಯ, ಕೂರ್ಮಾವತಾರ, ವರಾಹ, ನರಸಿಂಹ, ವಾಮನ, ಪರಶುರಾಮ, ರಾಮ, ಕೃಷ್ಣ, ಬುದ್ಧ ಹಾಗೂ ಕಲ್ಕಿ) ಅವತರಿಸಿದ ಶ್ರೀ ವಿಷ್ಣು ದೇವನನ್ನು ಭಕ್ತಿಯಿಂದ ಭಕ್ತರು ಪೂಜಿಸುತ್ತಾರೆ.

ಯುಗಾದಿ ಹಬ್ಬದಂದು ವಿಷ್ಣುವಿನ ದೇವಸ್ಥಾನಗಳನ್ನು ಆಕರ್ಷಕವಾಗಿ ಅಲಂಕರಿಸಲಾಗುತ್ತದೆ. ಬೆಳಗ್ಗೆಯಿಂದ ವಿವಿಧ ಪೂಜೆ ನೈವೇದ್ಯಗಳನ್ನು ವಿಷ್ಣು ದೇವನಿಗೆ ಅರ್ಪಿಸಲಾಗುವುದು. ಅಲ್ಲದೆ ನೂರಾರು ಸಂಖ್ಯೆಯಲ್ಲಿ ಜನ ವಿಷ್ಣು ದೇವಸ್ಥಾನಗಳಿಗೆ ತೆರಳಿ ಪೂಜೆ ಸಲ್ಲಿಸುತ್ತಾರೆ. ಹಾಗಾದರೆ ಬೆಂಗಳೂರಿನ ಯಾವ ದೇವಸ್ಥಾನಗಳಲ್ಲಿ ಯುಗಾದಿ ಹಬ್ಬದಂದು ವಿಜೃಂಭಣೆಯಿಂದ ಆಚರಿಸಲಾಗುತ್ತದೆ? ಆ ದೇವಸ್ಥಾನಗಳು ಎಲ್ಲಿದೆ? ಎಲ್ಲವನ್ನೂ ಈಗ ತಿಳಿಯೊಣ.

ಯುಗಾದಿ ಭಾರತೀಯರ ಹೊಸ ವರ್ಷ. ಹೀಗಾಗಿ ಈ ದಿನವನ್ನು ಮನೆಯನ್ನು ಅಲಂಕರಿಸಿ, ಸಿಹಿ ತಿನಿಸುಗಳನ್ನ ತಯಾರಿಸಿ, ಹೊಸ ಬಟ್ಟೆ ಧರಿಸಿ, ವಿಶೇಷ ಪೂಜೆಗಳನ್ನು ಮಾಡಿ, ದೇವಸ್ಥಾನಗಳಲ್ಲಿ ವಿಶೇಷ ಪೂಜೆ ಸಲ್ಲಿಸುವ ಮೂಲಕ ಬರ ಮಾಡಿಕೊಳ್ಳಲಾಗುತ್ತದೆ. ಈ ದಿನ ದೇವಸ್ಥಾನಗಳಲ್ಲಿ ವಿಶೇಷ ಪೂಜೆಗಳು ನಡೆಯುತ್ತವೆ. ವಿಶೇಷವಾಗಿ ವಿಷ್ಣು ದೇವನ ದೇವಸ್ಥಾನಗಳಲ್ಲಿ ವಿಶೇಷ ಪೂಜೆಗಳು ನಡೆಯುತ್ತದೆ. ಹಾಗಾದರೆ ಯುಗಾದಿ ಹಬ್ಬದಂದು ಹೆಚ್ಚಾಗಿ ಜನ ಭೇಟಿ ನೀಡುವ ಬೆಂಗಳೂರಿನ ದೇವಸ್ಥಾನಗಳು ಯಾವುವು?

1. ಚೊಕ್ಕನಾಥಸ್ವಾಮಿ ದೇವಾಲಯ (Chokkanathaswamy Temple)

ಚೊಕ್ಕನಾಥಸ್ವಾಮಿ ದೇವಾಲಯ ಬೆಂಗಳೂರಿನ ದೊಮ್ಮಲೂರಿನಲ್ಲಿರುವ ಅತ್ಯಂತ ಹಳೆಯ ಧಾರ್ಮಿಕ ದೇವಸ್ಥಾನಗಳಲ್ಲಿ ಒಂದಾಗಿದೆ. 10ನೇ ಶತಮಾನದಲ್ಲಿ ಚೊಳರು ನಿರ್ಮಿಸಿದ ಈ ದೇವಾಲಯ ವಿಷ್ಣುವಿಗೆ ಸಮರ್ಪಿತವಾಗಿದೆ. ಬೆಂಗಳೂರಿನ ಅತ್ಯಂತ ಪ್ರಸಿದ್ಧ ದೇವಾಲಯಗಳಲ್ಲಿ ಒಂದಾದ ಈ ದೇವಾಲಯವು ಚೋಳ ಶೈಲಿಯ ವಾಸ್ತುಶಿಲ್ಪದಲ್ಲಿ ನಿರ್ಮಿಸಲ್ಪಟ್ಟಿದೆ ಮತ್ತು ಕಂಬಗಳ ಮೇಲೆ ತಮಿಳು ಶಾಸನಗಳಿವೆ. ದೇವಾಲಯದಲ್ಲಿ ದೊಡ್ಡ ಕಂಬಗಳು ಮತ್ತು ಸುಂದರವಾಗಿ ಕೆತ್ತಿದ ಪ್ರತಿಮೆಗಳು ಇವೆ. ದೇವಾಲಯದ ಒಂದು ಕಂಬದ ಮೇಲೆ ವಿಷ್ಣುವಿನ ದಶಾವತಾರಗಳು (10 ರೂಪಗಳು) ಕೆತ್ತಲಾಗಿದೆ.

ಸ್ಥಳ: ದೊಮ್ಮಲೂರು ಲೇಔಟ್, 71, ದೊಮ್ಮಲೂರು, 5ನೇ ಅಡ್ಡ ರಸ್ತೆ

ಭೇಟಿ ನೀಡುವ ಸಮಯ: ಬೆಳಿಗ್ಗೆ 6 ರಿಂದ 11 ರವರೆಗೆ ಮತ್ತು ಸಂಜೆ 5 ರಿಂದ ರಾತ್ರಿ 8 ರವರೆಗೆ.

2. ಇಸ್ಕಾನ್ ದೇವಾಲಯ (ISKCON Temple)

ರಾಧಾ ಕೃಷ್ಣ ದೇವಾಲಯ ಎಂದೂ ಕರೆಯಲ್ಪಡುವ ಬೆಂಗಳೂರಿನ ರಾಜಾಜಿನಗರದಲ್ಲಿರುವ ಇಸ್ಕಾನ್ ಪ್ರಸಿದ್ಧ ದೇವಸ್ಥಾನವಾಗಿದೆ. ಇದು ವಿಶ್ವದ ಅತಿದೊಡ್ಡ ಇಸ್ಕಾನ್ ದೇವಾಲಯಗಳಲ್ಲಿ ಒಂದೆಂದು ಪರಿಗಣಿಸಲ್ಪಟ್ಟಿದೆ. ಇದರ ಜೊತೆಗೆ ಬೆಂಗಳೂರಿನ ಪ್ರಸಿದ್ಧ ಕೃಷ್ಣ ದೇವಾಲಯವೂ ಆಗಿದೆ. ವಿಷ್ಣುವಿನ ದಶ ಅವತಾರಗಳಲ್ಲಿ ಶ್ರೀಕೃಷ್ಣ ದೇವ ಒಬ್ಬರು. ಹೀಗಾಗಿ ಯುಗಾದಿ ಹಬ್ಬದಂದು ಕೃಷ್ಣನ ದೇವಸ್ಥಾನಕ್ಕೆ ತೆರಳುವ ಭಕ್ತರ ಸಂಖ್ಯೆ ಹೆಚ್ಚಾಗಿರುತ್ತದೆ.

ಸ್ಥಳ: ಹರೇ ಕೃಷ್ಣ ಬೆಟ್ಟ, ಚೋರ್ಡ್ ರಸ್ತೆ, ರಾಜಾಜಿನಗರ, ಬೆಂಗಳೂರು

ಸಮಯ: ಬೆಳಿಗ್ಗೆ 7:15 - ಮಧ್ಯಾಹ್ನ 1, ಸಂಜೆ 4 - ರಾತ್ರಿ 8:20

3. ಕೋಟೆ ವೆಂಕಟರಮಣ ದೇವಸ್ಥಾನ (Kote Venkataramana Temple)

ಬೆಂಗಳೂರಿನ ಕೃಷ್ಣರಾಜೇಂದ್ರ ರಸ್ತೆಯಲ್ಲಿರುವ ಈ ದೇವಾಲಯ ಹಿಂದೂ ದೇವರು ವೆಂಕಟೇಶ್ವರನಿಗೆ ಸಮರ್ಪಿತವಾಗಿದೆ. ಈ ದೇವಾಲಯವನ್ನು 17ನೇ ಶತಮಾನದ ಉತ್ತರಾರ್ಧದಲ್ಲಿ ಮೈಸೂರಿನ ಅರಸರು ದ್ರಾವಡ ಮತ್ತು ವಿಜಯನಗರ ಶೈಲಿಯಲ್ಲಿ ನಿರ್ಮಿಸಿದರು. ಇಲ್ಲಿ ಆಚರಿಸಲಾಗುವ ಪ್ರಮುಖ ಹಬ್ಬವೆಂದರೆ ವೈಕುಂಠ ಏಕಾದಶಿ, ಯುಗಾದಿ. ಈ ದಿನ ಸಾವಿರಾರು ಭಕ್ತರು ದೇವಾಲಯಕ್ಕೆ ಆಗಮಿಸುತ್ತಾರೆ.

ಸ್ಥಳ: 39, ಕೃಷ್ಣ ರಾಜೇಂದ್ರ ರಸ್ತೆ, ಕಲಾಸಿಪಾಳ್ಯ, ಬೆಂಗಳೂರು

ಸಮಯ: ಬೆಳಿಗ್ಗೆ 8 ರಿಂದ ಮಧ್ಯಾಹ್ನ 12 ರಿಂದ ಸಂಜೆ 6 ರಿಂದ ರಾತ್ರಿ 8.30 ರವರೆಗೆ

4. ಜಗನ್ನಾಥ ದೇವಾಲಯ (Jagannath Temple)

ಬೆಂಗಳೂರಿನ ಅದ್ಭುತ ದೇವಾಲಯಗಳ ಪಟ್ಟಿಯಲ್ಲಿ ಮತ್ತೊಂದು ದೇವಸ್ಥಾನ ಬೆಂಗಳೂರಿನ ಅಗರದ ಸರ್ಜಾಪುರ ರಸ್ತೆಯಲ್ಲಿರುವ ಜಗನ್ನಾಥ ದೇವಾಲಯ. ಇದು ಹಿಂದೂ ದೇವರು ಜಗನ್ನಾಥ, ಅವನ ಸಹೋದರ ಬಲಭದ್ರ ಮತ್ತು ಅವನ ಸಹೋದರಿ ಸುಭದ್ರಾ ಅವರಿಗೆ ಸಮರ್ಪಿತವಾಗಿದೆ. ಈ ದೇವಾಲಯದ ಸೌಂದರ್ಯವನ್ನು ಪ್ರತಿ ವರ್ಷ ಯುಗಾದಿಯಂದು ಹದಿನೈದು ಸಾವಿರಕ್ಕೂ ಹೆಚ್ಚು ಭಕ್ತರು ಅನುಭವಿಸುತ್ತಾರೆ.

ಸ್ಥಳ: ಅಗರ ಗ್ರಾಮ, 1 ನೇ ವಲಯ, HSR ಲೇಔಟ್, ಬೆಂಗಳೂರು, ಕರ್ನಾಟಕ 560102

ಸಮಯ: ಬೆಳಿಗ್ಗೆ 6 ರಿಂದ ರಾತ್ರಿ 9 ರವರೆಗೆ

5. ಶ್ರೀ ತಿರುಮಲ ಗಿರಿ ಲಕ್ಷ್ಮಿ ವೆಂಕಟೇಶ್ವರ ಸ್ವಾಮಿ ದೇವಸ್ಥಾನ (Lakshmi Venkateswara Swami Temple)

ಶ್ರೀ ತಿರುಮಲಗಿರಿ ಲಕ್ಷ್ಮಿ ವೆಂಕಟೇಶ್ವರ ದೇವಸ್ಥಾನ ಬೆಂಗಳೂರಿನ ಜೆಪಿ ನಗರದ 2ನೇ ಹಂತದಲ್ಲಿ ಒಂದು ಸುಂದರವಾದ ಸ್ಥಳದಲ್ಲಿದೆ. ತಿರುಮಲಗಿರಿ ದೇವಸ್ಥಾನ ವೆಂಕಟೇಶ್ವರ (ವಿಷ್ಣು) ಗೆ ಸಮರ್ಪಿತವಾಗಿದೆ. ತಿರುಮಲಗಿರಿ ದೇವಸ್ಥಾನದ ಪ್ರಮುಖ ಆಕರ್ಷಣೆ ವೆಂಕಟೇಶ್ವರನ ಪ್ರತಿರೂಪವಾಗಿದೆ. ಜೆಪಿ ನಗರದ ತಿರುಮಲಗಿರಿ ದೇವಸ್ಥಾನದಲ್ಲಿರುವ ವೆಂಕಟೇಶ್ವರನ ಪ್ರತಿರೂಪ ತಿರುಮಲ (ಆಂಧ್ರಪ್ರದೇಶ) ದಲ್ಲಿರುವ ವಿಗ್ರಹದ ಪ್ರತಿರೂಪದಂತೆ ಕಾಣುತ್ತದೆ.

ಪ್ರಧಾನ ದೇವರಾದ ವೆಂಕಟೇಶ್ವರನ ಬಲಭಾಗದಲ್ಲಿ ನರಸಿಂಹ ಸ್ವಾಮಿ ಮತ್ತು ಎಡಭಾಗದಲ್ಲಿ ಲಕ್ಷ್ಮಿ ದೇವತೆ ಇದ್ದಾರೆ. ಗೋವಿಂದರಾಜ ಸ್ವಾಮಿ, ಆಂಜನೇಯ (ಹನುಮಾನ್), ಗಣಪತಿ ಮತ್ತು ಮಹಾ ಶೇಷ ದೇವರಿಗೆ ಪ್ರತ್ಯೇಕ ದೇವಾಲಯಗಳಿವೆ.

ಸ್ಥಳ: ತಿರುಮಲಗಿರಿ ಲಕ್ಷ್ಮಿ ವೆಂಕಟೇಶ್ವರ ದೇವಸ್ಥಾನ, ದುರ್ಗಾ ಪರಮೇಶ್ವರಿ ಮೈದಾನದ ಹತ್ತಿರ, 9ನೇ ಕ್ರಾಸ್, 80 ಅಡಿ ರಸ್ತೆ, ಜೆ.ಪಿ. ನಗರ, 2ನೇ ಹಂತ, ಬೆಂಗಳೂರು - 560 078, ಕರ್ನಾಟಕ

ಸಮಯ: ಬೆಳಿಗ್ಗೆ 7:30 - ಮಧ್ಯಾಹ್ನ 12:30; ಸಂಜೆ 5:30 - ರಾತ್ರಿ 9:00 (ಶನಿವಾರ ಹೊರತುಪಡಿಸಿ ಎಲ್ಲಾ ದಿನಗಳು)

ಬೆಳಿಗ್ಗೆ 7:30 - ಮಧ್ಯಾಹ್ನ 01:00; ಸಂಜೆ 5:30 - ರಾತ್ರಿ 9:30 (ಶನಿವಾರ ಮಾತ್ರ)

6. ದೇವಗಿರಿ ಶ್ರೀ ವೆಂಕಟೇಶ್ವರ ದೇವಸ್ಥಾನ (Sri Venkateshwara Temple)

ಶ್ರೀ ವೆಂಕಟೇಶ್ವರ ದೇವಗಿರಿ ದೇವಸ್ಥಾನ ಬೆಂಗಳೂರಿನ ಬನಶಂಕರಿಯಲ್ಲಿರುವ ದೇವಗಿರಿ ಎಂಬ ಸುಂದರವಾದ ಬೆಟ್ಟದ ಮೇಲೆ ಇದೆ. ದೇವಗಿರಿ ದೇವಸ್ಥಾನ ವೆಂಕಟೇಶ್ವರನಿಗೆ (ವಿಷ್ಣು) ಅರ್ಪಿತವಾಗಿದೆ. ದೇವಗಿರಿ ದೇವಸ್ಥಾನದಲ್ಲಿರುವ ವೆಂಕಟೇಶ್ವರನ ವಿಗ್ರಹ ತಿರುಮಲದಲ್ಲಿರುವ ವಿಗ್ರಹದ ಪ್ರತಿರೂಪವಾಗಿ ಕಂಡುಬರುತ್ತದೆ. ಪ್ರಧಾನ ದೇವತೆಯಾದ ವೆಂಕಟೇಶ್ವರ ದೇವರ ಬಲಕ್ಕೆ ಗಣೇಶ ಮತ್ತು ಎಡಕ್ಕೆ ಪದ್ಮಾವತಿ ದೇವಿಯ ವಿಗ್ರಹವಿದೆ.

ದೇವಾಲಯದ ಸಂಕೀರ್ಣದಲ್ಲಿ ನವಗ್ರಹಗಳು ಮತ್ತು ಭಗವಾನ್ ಹನುಮಂತನಿಗೆ ಪ್ರತ್ಯೇಕ ದೇವಾಲಯಗಳಿವೆ. ಜೊತೆಗೆ ಕಲ್ಯಾಣ ಮಂಟಪ, ಮುಖ ಮಂಟಪ, ಅನ್ನಪೂರ್ಣೇಶ್ವರಿ ಸಭಾಂಗಣವಿದೆ. ದೇವಗಿರಿ ದೇವಸ್ಥಾನದ ಇನ್ನೊಂದು ಆಕರ್ಷಣೆ ಎಂದರೆ 108 ಅಡಿ ಎತ್ತರದ ರಾಜಗೋಪುರ.

ಸ್ಥಳ: ಶ್ರೀ ವರಪಾದ ವೆಂಕಟೇಶ್ವರ ದೇವಗಿರಿ ದೇವಸ್ಥಾನ, 15ನೇ ಮುಖ್ಯರಸ್ತೆ, 22ನೇ ಕ್ರಾಸ್, ಬಿ.ಡಿ.ಎ. ಕಾಂಪ್ಲೆಕ್ಸ್ ಹತ್ತಿರ, ಬನಶಂಕರಿ 2ನೇ ಹಂತ, ಬೆಂಗಳೂರು - 560 070

ದೇವಾಲಯದ ಸಮಯ: ಬೆಳಿಗ್ಗೆ 7:30 ರಿಂದ ಮಧ್ಯಾಹ್ನ 12:30 ರವರೆಗೆ ಮತ್ತು ಸಂಜೆ 6:00 ರಿಂದ ರಾತ್ರಿ 9:00 ರವರೆಗೆ

7. ಶ್ರೀ ಶ್ರೀನಿವಾಸ ದೇವಾಲಯ (Sri Srinivasa Temple)

ಮಾರಿ ತಿರುಪತಿ ಶ್ರೀ ಶ್ರೀನಿವಾಸ ಗುಡಿಯನ್ನು 12 ನೇ ಶತಮಾನದಲ್ಲಿ ನಿರ್ಮಿಸಲಾಯಿತು. ಇದನ್ನು ಯಲಹಂಕ ನಾಡ ಪ್ರಭುಗಳು ನವೀಕರಿಸಿದರು. ಸೋಮೇಶ್ವರ ದೇವರು ಕೆಂಪೇಗೌಡರ ಕನಸಿನಲ್ಲಿ ಬಂದ ನಂತರ ಕೆಂಪೇಗೌಡರು ಆ ಸ್ಥಳದಲ್ಲೇ ನಿಧಿಯನ್ನು ಕಂಡುಕೊಂಡು ಈ ದೇವಾಲಯವನ್ನು ನಿರ್ಮಿಸಿದರು ಎಂದು ದಂತಕಥೆ ಹೇಳುತ್ತದೆ. ಇದು ಬೆಂಗಳೂರಿನ ಅತ್ಯಂತ ಹಳೆಯ ದೇವಾಲಯಗಳಲ್ಲಿ ಒಂದಾಗಿದೆ. ಈ ದೇವಾಲಯ ದಿವ್ಯ ದರ್ಶನ ಗೋಪುರಕ್ಕೆ ಹೆಸರುವಾಸಿಯಾಗಿದೆ. ಇದರಲ್ಲಿ ಆರು ಮಹಡಿಗಳಿವೆ. ಪ್ರತಿ ಮಹಡಿಯು ವಿಷ್ಣು, ಶಿವ, ಮಹಾಲಕ್ಷ್ಮಿ, ಶ್ರೀ ಕೃಷ್ಣ, ಇತ್ಯಾದಿಗಳ ಕಥೆಯನ್ನು ಹೇಳುತ್ತವೆ.

ಸ್ಥಳ: ಮೆಜೆಸ್ಟಿಕ್ ನಿಂದ 10-12 ಕಿ.ಮೀ ದೂರದಲ್ಲಿದೆ. ವೆಚಿಕಲ್ ನಿಂದ 45-1 ಗಂಟೆ ಪ್ರಯಾಣ ಸಾಕು.. ಮೆಜೆಸ್ಟಿಕ್ ಮಹಾಲಕ್ಷ್ಮಿ ಲೇಔಟ್...

ಸಮಯ: ಬೆಳಿಗ್ಗೆ 07.00 ರಿಂದ ಮಧ್ಯಾಹ್ನ 12.00 ರವರೆಗೆ ತೆರೆದಿರುತ್ತದೆ

ಮಧ್ಯಾಹ್ನ 5.30 ರಿಂದ ರಾತ್ರಿ 8.30 ರವರೆಗೆ

8. ವೆಂಕಟೇಶ್ವರ ಸ್ವಾಮಿ ದೇವಸ್ಥಾನ (Venkateswara Swamy Temple)

ದೇವಸ್ಥಾನದ ಮುಖ್ಯ ದೇವರು ಶ್ರೀನಿವಾಸ ವೆಂಕಟೇಶ್ವರ ಸ್ವಾಮಿ. ಶ್ರೀನಿವಾಸ ದೇವರ ಮುಖ್ಯ ವಿಗ್ರಹದ ಮುಂದೆ ಗರ್ದುವಾ ವಿಗ್ರಹವಿದೆ. ಗರುಡನ ಎರಡೂ ಬದಿಗಳಲ್ಲಿ ಸುಂದರವಾಗಿ ಕೆತ್ತಿದ ಆನೆಗಳನ್ನು ಸಹ ನೀವು ನೋಡಬಹುದು. ಹನುಮಾನ್ ದೇವಸ್ಥಾನದ ಮತ್ತೊಂದು ದೇವಸ್ಥಾನ. ದೇವಸ್ಥಾನವನ್ನು ಕಲ್ಲಿನಿಂದ ನಿರ್ಮಿಸಲಾಗಿದೆ ಮತ್ತು ಪ್ರತಿ ಇಂಚಿನಲ್ಲೂ ಸುಂದರವಾದ ಕೆತ್ತನೆಗಳನ್ನು ಹೊಂದಿದೆ. ಮುಖ್ಯ ದ್ವಾರವು ಎರಡೂ ಬದಿಗಳಲ್ಲಿ ದಶಾವತಾರವನ್ನು ಕೆತ್ತಲಾಗಿದೆ. ದೇವಸ್ಥಾನದ ಬಳಿ ಸಾಕಷ್ಟು ಪಾರ್ಕಿಂಗ್ ಸ್ಥಳ ಲಭ್ಯವಿದೆ ಮತ್ತು ಆವರಣವನ್ನು ಅಚ್ಚುಕಟ್ಟಾಗಿ ನಿರ್ವಹಿಸಲಾಗಿದೆ.

ದೇವಸ್ಥಾನದ ಕಂಬಗಳನ್ನು ಕೆತ್ತಲು ತಮಿಳುನಾಡಿನ ರಾಮೇಶ್ವರಂ ಬಳಿಯಿಂದ ಸುಮಾರು 100 ಶಿಲ್ಪಿಗಳನ್ನು ಕರೆತರಲಾಗಿದೆ. ಪ್ರವೇಶದ್ವಾರದಲ್ಲಿ 80 ಅಡಿ ಎತ್ತರದ ಭವ್ಯ ಗೋಪುರವಿದೆ. ದೇವಾಲಯದ ಮುಂಭಾಗದಲ್ಲಿ ಹವನ ಮಂಟಪವನ್ನು ಸ್ಥಾಪಿಸಲಾಗಿದೆ.

ಸ್ಥಳ: ವೆಂಕಟೇಶ್ವರ ಸ್ವಾಮಿ ದೇವಸ್ಥಾನ ಮಾರತ್ತಹಳ್ಳಿ ಬಳಿಯ ಬೆಳ್ಳಂದೂರು ಗ್ರಾಮದಲ್ಲಿದೆ. ಈ ದೇವಸ್ಥಾನ ಬೆಳ್ಳಂದೂರು ಸರೋವರದ ದಡದಲ್ಲಿ ನಿರ್ಮಿಸಲ್ಪಟ್ಟಿದೆ. ಇದನ್ನು ಮಧುರೈ ಶೈಲಿಯ ವಾಸ್ತುಶಿಲ್ಪದಲ್ಲಿ ಗ್ರಾನೈಟ್ ಕಲ್ಲಿನಿಂದ ಮಾಡಲಾಗಿದೆ. ಬೆಳ್ಳಂದೂರು ಸೇತುವೆಯ ಬಳಿ HAL ರಸ್ತೆಯ ಕಡೆಗೆ ಬಲಕ್ಕೆ ತಿರುಗಬೇಕು. ಒಂದು ಕಿಲೋಮೀಟರ್ ನಂತರ ರಸ್ತೆ ಬೇರೆಡೆಗೆ ತಿರುಗುತ್ತದೆ. ಸುಮಾರು 100 ಮೀ ಎಡಕ್ಕೆ ಇರಿ. ಇದು ನಿಮ್ಮನ್ನು ಬೆಳ್ಳಂದೂರು ಗ್ರಾಮಕ್ಕೆ ಕರೆದೊಯ್ಯುತ್ತದೆ.

ಶ್ರೀ ವೆಂಕಟೇಶ್ವರ ಸ್ವಾಮಿ ದೇವಸ್ಥಾನ, ಸರ್ಕಾರಿ ಪ್ರೌಢಶಾಲೆಯ ಹತ್ತಿರ, ಬೆಳ್ಳಂದೂರು, ಬೆಂಗಳೂರು 560103.

ದೇವಾಲಯದ ಸಮಯ: ಬೆಳಿಗ್ಗೆ 6:00 ರಿಂದ ಮಧ್ಯಾಹ್ನ 12:30 ರವರೆಗೆ ಮತ್ತು ಸಂಜೆ 5:00 ರಿಂದ ರಾತ್ರಿ 8:30 ರವರೆಗೆ

English summary

Which temples in Bengaluru are visited by the most devotees on the occasion of ugadi?