ಬೈಕ್‌ನಿಂದ ಬಿದ್ದು ಇನ್ಫೋಸಿಸ್ ಉದ್ಯೋಗಿ ಸಾವು

ಬೆಂಗಳೂರು, ಮೇ. 3 : ಎಲೆಕ್ಟ್ರಾನಿಕ್ ಸಿಟಿಯಿಂದ ದ್ವಿಚಕ್ರ ವಾಹನದಲ್ಲಿ ಬರುವಾಗ ಮೂರ್ಛೆ ಬಂದು ಬಿದ್ದು ಇನ್ಫೋಸಿಸ್‌ನ ಉದ್ಯೋಗಿಯೊಬ್ಬರು ಮೃತವಾದ ದುರಂತ ಘಟನೆ ಹೊಸೂರು ರಸ್ತೆಯಲ್ಲಿರುವ ಸಿಂಗಸಂದ್ರದ ಬಳಿ ಗುರುವಾರ ನಡೆದಿದೆ.

ಮೃತನನ್ನು ಶರಣಬಸಪ್ಪ ಪಾಟೀಲ್ (25) ಎಂದು ಗುರುತಿಸಲಾಗಿದೆ. ಬೈಕ್ ಓಡಿಸುತ್ತಿದ್ದಾಗಲೇ ಮೂರ್ಛೆರೋಗ ಬಂದು ಶರಣಬಸಪ್ಪ ಬಿದ್ದಿದ್ದಾರೆ. ಅವರನ್ನು ಕೂಡಲೆ ಹತ್ತಿರದ ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ ಅವರು ಬದುಕುಳಿಯಲಿಲ್ಲ.

ಗಾಡಿ ಓಡಿಸುವಾಗಲೇ ಹೃದಯಾಘಾತವೂ ಆಗಿರಬಹುದೆಂದು ಪೊಲೀಸರು ಶಂಕಿಸಿದ್ದಾರೆ. ಪೋಸ್ಟ್ ಮಾರ್ಟಂಗಾಗಿ ಅವರ ದೇಹವನ್ನು ಕಳುಹಿಸಲಾಗಿದ್ದು, ವರದಿ ಬಂದ ನಂತರ ನಿಖರವಾದ ಕಾರಣ ತಿಳಿದುಬರಲಿದೆ. ಮಡಿವಾಳ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

English summary

Infosys employee falls from the bike and dies near Singasandra on Hosur Road. Sharanabasappa Patil was returning from Infosys campus in electronic city when he fell from bike due to epilepsy. As per police, Patil might have died due to massive heart attack.