ದೇಶಿ ವಿಮಾನಯಾನ ದರ ಶೇ.25 ಇಳಿಕೆ

ನವದೆಹಲಿ, ಡಿ.6: ದೇಶೀಯ ವಿಮಾನಯಾನ ಸಂಸ್ಥೆಗಳು ವಿವಿಧ ವಲಯಗಳಲ್ಲಿ ಒಟ್ಟಾರೆ ವಿಮಾನ ಪ್ರಯಾಣ ದರವನ್ನು ಕಡಿತಗೊಳಿಸಿದ್ದಾರೆ. ಒಟ್ಟಾರೆ ಡಿಜಿಸಿಎ ಒತ್ತಡಕ್ಕೆ ಮಣಿದು 20-25ರಷ್ಟು ಇಳಿಕೆ ಕಂಡಿದೆ. ಇದರಿಂದ ವಿಮಾನ ಪ್ರಯಾಣ ದರ ರು. 5ಸಾವಿರದಿಂದ ರು.20 ಸಾವಿರದಷ್ಟು ಇಳಿಕೆಯಾಗಿದೆ.

ಕಳೆದ ಎರಡು ವಾರಗಳ ಅವಧಿಯಲ್ಲಿ ಡಿಜಿಸಿಎ ಮುಖ್ಯಸ್ಥ ಇ.ಕೆ ಭರತ್ ಭೂಷಣ್ ಹಾಗೂ ಹಿಂದಿನ ಮುಖ್ಯಸ್ಥ, ನಾಗರಿಕ ವಿಮಾನಯಾನ ಸಚಿವಾಲಯದ ಕಾರ್ಯದರ್ಶಿ ಎಸ್‌ಎಸನ್‌ಎ ಜೈದಿ ಅವರು ವಿಮಾನಯಾನ ಸಂಸ್ಥೆಗಳ ಪ್ರತಿನಿಧಿಗಳೊಂದಿಗೆ ಹಲವು ಬಾರಿ ವಿಮಾನ ಪ್ರಯಾಣ ದರ ಕುರಿತಂತೆ ಚರ್ಚೆ ನಡೆಸಿದ್ದರು.

ನಾಗರಿಕ ವಿಮಾನಯಾನ ಸಚಿವಾಲಯ ಹಾಗೂ ನಾಗರಿಕ ವಿಮಾನಯಾನ ಮಹಾನಿರ್ದೇಶನಾಲಯ (ಡಿಜಿಸಿಎ)ಗಳು ವಿಮಾನಯಾನ ಸಂಸ್ಥೆಗಳು ಏರಿಸಿದ್ದ ಮಿತಿಮೀರಿದ ಪ್ರಯಾಣದರದ ವಿರುದ್ಧ ಹಾಕಿದ ಒತ್ತಡ ಯಶಸ್ವಿಯಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ದೆಹಲಿ-ಮುಂಬೈ ವಲಯದ ವಿಮಾನಗಳ ಸಾಮಾನ್ಯ ಶ್ರೇಣಿ ಟಿಕೆಟ್ ದರವು ರೂ 5,000ದಿಂದ ರೂ 20,000 ನಡುವೆ ಇದೆ. ದೆಹಲಿ-ಚೆನ್ನೈ ಮತ್ತು ದೆಹಲಿ-ಕೋಲ್ಕತ್ತ ವಲಯಗಳ ದರ ರೂ 5,000ದಿಂದ 15,000ದವರೆಗೆ ಇದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಹೊಸ ದರ (ಅಂದಾಜಿನಂತೆ)

ಒನ್ ಇಂಡಿಯಾ ಮೂಲಕ ಕಡಿಮೆ ದರದಲ್ಲಿ ಟಿಕೆಟ್ ಖರೀದಿಸಿ!

ಎರಡು ವಾರಗಳ ಹಿಂದೆ ದೆಹಲಿ-ಮುಂಬೈ ನಡುವಿನ ವಿಮಾನದ ಅಂತಿಮ ಕ್ಷಣದ ಟಿಕೆಟ್ ಬೆಲೆ ರೂ 17,000 ಆಗಿತ್ತು. ಕಳೆದ ವರ್ಷ ಇದೇ ಅವಧಿಯಲ್ಲಿ ದೆಹಲಿ- ಮುಂಬೈ ವಿಮಾನಗಳ ಕನಿಷ್ಠ ಟಿಕೆಟ್ ದರ ರೂ 3,000 ಹಾಗೂ ದೆಹಲಿ-ಚೆನ್ನೈ ಮತ್ತು ದೆಹಲಿ-ಕೋಲ್ಕತ್ತ ವಲಯಗಳ ಕನಿಷ್ಠ ಟಿಕೆಟ್ ದರ ರೂ 4,000 ಇತ್ತು.

English summary

The intervention of Directorate General of Civil Aviation (DGCA) has resulted the slashing of air fares on Sunday, Dec 5.According to the sources, major Airline companies have slashed the air fares up to 20-25 percentage.