ಉಕ್ಕು ಕಾರ್ಖಾನೆಗಳಿಗಾಗಿ ಗಣಿಗಾರಿಕೆ ಅನುಮತಿ

ಬೆಂಗಳೂರು, ಫೆ. 25 : ಅರ್ಸೆಲರ್ ಮಿತ್ತಲ್ ಮತ್ತು ಫೋಸ್ಕೋ ಸೇರಿದಂತೆ 8 ಬೃಹತ್ ಉಕ್ಕು ಕಂಪನಿಗಳ ಸ್ಥಾಪನೆಗೆ ಆಹ್ವಾನ ನೀಡಿರುವುದನ್ನು ರಾಜ್ಯ ಸರಕಾರ ಸಮರ್ಥಿಸಿಕೊಂಡು ಹೈಕೋರ್ಟ್ ಗೆ ಪ್ರಮಾಣಪತ್ರ ಸಲ್ಲಿಸಿದೆ.

ರಾಜ್ಯದಲ್ಲಿ ಪ್ರತಿ ವರ್ಷ ಸುಮಾರು 67 ಸಾವಿರ ಕೋಟಿ ರುಪಾಯಿ ಮೌಲ್ಯದ 40 ಸಾವಿರ ಮಿಲಿಯನ್ ಟನ್ ಅದಿರು ತೆಗೆದು, ಅದರಲ್ಲಿ ಶೇ.75 ಭಾಗವನ್ನು ಹೊರರಾಜ್ಯ ಹಾಗೂಗಾ ದೇಶಗಳಿಗೆ ಮಾರಾಟ ಮಾಡಲಾಗುತ್ತಿದೆ. ಇದರಿಂದ ರಾಜ್ಯಕ್ಕೆ ಸುಮಾರು 8 ಸಾವಿರ ಕೋಟಿ ರುಪಾಯಿ ನಷ್ಟವುಂಟಾಗುತ್ತಿದೆ. ಇದನ್ನು ತಪ್ಪಿಸಲು ರಾಜ್ಯದಲ್ಲಿ ಉಕ್ಕು ಕಾರ್ಖಾನೆಗಳನ್ನು ಸ್ಥಾಪಿಸುವ ಕಂಪನಿಗಳಿಗೆ ಅದಿರು ಗಣಿಗಾರಿಕೆ ಅವಕಾಶ ನೀಡಲಾಗುತ್ತಿದೆ.

ರಾಜ್ಯದಲ್ಲಿ ದೊರೆಯುವ ಕಬ್ಬಿಣದ ಅದಿರನ್ನು ಇಲ್ಲೇ ಸಂಸ್ಕರಿಸಿ ಉಕ್ಕು ತಯಾರಿಸಿದರೆ ರಾಜ್ಯದ ಬೊಕ್ಕಸಕ್ಕೆ ವಾರ್ಷಿಕ 3 ಸಾವಿರ ಕೋಟಿ ಹಾಗೂ ಕೇಂದ್ರಕ್ಕೆ 780 ಕೋಟಿ ರುಪಾಯಿ ಆದಾಯ ಬರುತ್ತದೆ ಎಂದು ಸರಕಾರ ಪ್ರಮಾಣ ಪತ್ರದಲ್ಲಿ ತಿಳಿಸಿದೆ.