ಕ್ಯಾಲಿಫ್ ನಲ್ಲಿ ಬೆಂಗ್ಳೂರು ಕುಟುಂಬ ಗುಂಡಿಗೆ ಬಲಿ

ಬೆಂಗಳೂರು, ಏ. 1 : ಬೆಂಗಳೂರು ಮೂಲದ ಎಚ್ ಪಿ ಕಂಪನಿಯ ಸಾಫ್ಟ್ ವೇರ್ ಇಂಜಿನಿಯರೊಬ್ಬ ಪತ್ನಿ, ಮಗಳು ಹಾಗೂ ತನ್ನದೇ ಕುಟುಂಬದ ಐದು ಮಂದಿ ಸದಸ್ಯರನ್ನು ದಾರುಣ ಕೊಲೆ ಮಾಡಿ ಕೊನೆಗೆ ತಾನೂ ಆತ್ಮಹತ್ಯೆಗೆ ಶರಣಾಗಿರುವ ಘಟನೆ ಅಮೆರಿಕದ ಕ್ಯಾಲಿಪೋರ್ನಿಯಾದಲ್ಲಿ ಮಾರ್ಚ್ 28 ರಂದು ನಡೆದಿದೆ.

ಅಶೋಕನ್ ಕೊಲೆ ಮಾಡಿ ಆತ್ಮಹತ್ಯೆ ಮಾಡಿಕೊಂಡಿರುವ ವ್ಯಕ್ತಿ. ಪ್ರೋಜೆಕ್ಟ್ ಸಲುವಾಗಿ ಅಮೆರಿಕಕ್ಕಾಕ್ಕೆ ತೆರಳಿದ್ದ ಅಶೋಕನ್ ಪತ್ನಿ ಸುಚಿತ್ರಾ, 11 ವರ್ಷದ ಮಗಳು ಅಹನಾ ಹಾಗೂ ಆತನ ಇಬ್ಬರು ಕುಟುಂಬ ಸಂಬಂಧಿಗಳನ್ನು ಹತ್ಯೆಗೈದು ಕೊನೆಗೆ ತಾನೂ ಸಾವಿಗೆ ಶರಣಾಗಿದ್ದಾನೆ. ಅಳಿಯನ ಕೃತ್ಯಕ್ಕೆ ತೀವ್ರ ಆಘಾತ ವ್ಯಕ್ತಪಡಿಸಿರುವ ಅಶೋಕನ್ ಅವರ ಮಾವ ಶಿವರಾಮನ್ (65), ಇದು ನನಗೆ ಹಾಗೂ ನನ್ನ ಪತ್ನಿಗೆ ಭರಿಸಲಾರದ ದುಃಖ ಎಂದು ಕಣ್ಣೀರಿಡುತ್ತಿದ್ದಾರೆ.

ಮಗಳು ಸುಚಿತ್ರಾ ಅಪಾರ ಬುದ್ಧಿವಂತೆ, ಕಳೆದ ಕೆಲ ವರ್ಷಗಳಿಂದ ಪಟ್ನಿ ಕಂಪ್ಯೂಟರ್ಸ್ ನಲ್ಲಿ ಸಾಪ್ಟವೇರ್ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದಳು. ಅಳಿಯ ಅಶೋಕನ್ ಎಚ್ ಪಿ ಕಂಪನಿಯಲ್ಲಿ ಬೆಂಗಳೂರಿನಲ್ಲಿ ಕೆಲಸ ಮಾಡುತ್ತಿದ್ದ. ಆದರೆ, ಇತ್ತೀಚೆಗೆ ಕಂಪನಿಯ ಪ್ರೋಜೆಕ್ಚ್ ಸಲುವಾಗಿ ಅಮೆರಿಕದ ಕ್ಯಾಲಿಪೋರ್ನಿಯಾಕ್ಕೆ ತೆರಳಿದ್ದ, ಮೊದಲು ತಾನೊಬ್ಬನೇ ತೆರಳಿದ್ದ ಅಶೋಕನ್, ಪ್ರೋಜೆಕ್ಟ್ ಕೆಲಸ ಇನ್ನೂ ಕೆಲ ವರ್ಯ. ಆಗಲಿದೆ ಎನ್ನುವ ಕಾರಣಕ್ಕೆ ಪತ್ನಿ ಹಾಗೂ ಮಗಳು ಮತ್ತು ತನ್ನ ಕುಟುಂಬದ ಇಬ್ಬರನ್ನು ಕರೆದುಕೊಂಡು ಹೋಗಿದ್ದ. ಆದರೆ, ಅಳಿಯ ಮತ್ತು ಮಗಳು ಅನ್ಯೋನ್ಯವಾಗಿಯೇ ಇದ್ದರು. ಇಷ್ಟಾಗಿಯೂ ಅಳಿಯ ಅಶೋಕನ್ ಈ ಕೃತ್ಯ ಎಸಗಿದ್ದಾನೆ ಎಂದರೆ ನಂಬಲು ಅಸಾಧ್ಯವಾಗಿದೆ ಎಂದು ಶಿವರಾಮನ್ ಸಂಟಕಪಡುತ್ತಿದ್ದಾರೆ.

ಅಮೆರಕದಲ್ಲಿ ಅನೇಕ ವರ್ಷಗಳ ಕಾಲ ಜೀವನ ಸಾಗಿಸಿರುವ ಶಿವರಾಮನ್, ಅಲ್ಲಿನ ಜನರಲ್ ಮೋಟಾರ್ಸ್ ಕಂಪನಿಯಲ್ಲಿ ಕೆಲವ ನಿರ್ವಹಿಸಿದ್ದಾರೆ. ಸದ್ಯ ಬೆಂಗಳೂರಿನ ಬಿಟಿಎಂ ಲೇಔಟ್ ನ ನಿವಾಸಿಯಾಗಿರುವ ಶಿವರಾಮನ್, ಮೂಲತಃ ಕೇರಳದವರು ಎನ್ನಲಾಗಿದೆ. ಇವರ ಪುತ್ರ ಲಂಡನ್ ನಲ್ಲಿ ವೈದ್ಯಕೀಯ ವೃತ್ತಿಯಲ್ಲಿದ್ದಾರೆ.

(ದಟ್ಸ್ ಕನ್ನಡ ವಾರ್ತೆ)