Amazon layoffs: ಮತ್ತೆ ನೂರಾರು ಉದ್ಯೋಗಿಗಳನ್ನು ಕಡಿತಗೊಳಿಸಿದ ಅಮೆಜಾನ್

ಕಳೆದ ಕೆಲವು ತಿಂಗಳುಗಳಲ್ಲಿ, ಅಮೆಜಾನ್ ತನ್ನ ವಿವಿಧ ಇಲಾಖೆಗಳಿಂದ ಜನರನ್ನು ತೆಗೆದು ಹಾಕಿಯೇ ಸುದ್ದಿ ಮಾಡುತ್ತಿದೆ. ಕೆಲವೇ ದಿನಗಳ ಹಿಂದೆ, ಟೆಕ್ ದೈತ್ಯ ಈ ವರ್ಷ ಅನೇಕ ಹಿರಿಯ ಉದ್ಯೋಗಿಗಳ ಮೂಲ ವೇತನವನ್ನು ಹೆಚ್ಚಿಸುವುದಿಲ್ಲ ಎಂದು ಹೇಳಿತ್ತು. ಅಲ್ಲದೆ ಇ-ಕಾಮರ್ಸ್ ದೈತ್ಯ ಕಂಪನಿ ಅಮೆಜಾನ್ ಈ ವರ್ಷದ ಆರಂಭದಲ್ಲಿ ತನ್ನ ವಿವಿಧ ಇಲಾಖೆಗಳ ಉದ್ಯೋಗಿಗಳನ್ನು ತೆಗೆದು ಹಾಕಿತ್ತು. ಈಗ ಮತ್ತೊಮ್ಮೆ ಅಮೆಜಾನ್‌ ತನ್ನ ಉದ್ಯೋಗಿಗಳನ್ನು ಕಡಿತ ಮಾಡಲು ತೀರ್ಮಾನಿಸಿದೆ.

ಕಂಪನಿಯು ತನ್ನ ಕ್ಲೌಡ್ ಕಂಪ್ಯೂಟಿಂಗ್ ಆರ್ಮ್ ಅಮೆಜಾನ್ ವೆಬ್ ಸೇವೆಗಳಿಂದ (AWS) ನೂರಾರು ಉದ್ಯೋಗಿಗಳನ್ನು ವಜಾಗೊಳಿಸುವುದಾಗಿ ಘೋಷಿಸಿದೆ. ಅಮೆಜಾನ್ ತನ್ನ ಪುನರ್ರಚನಾ ಯೋಜನೆಯಲ್ಲಿ ಕೆಲಸ ಮಾಡುತ್ತಿದ್ದು, ಉದ್ಯೋಗಿಗಳ ಸಂಖ್ಯೆಯನ್ನು ಕಡಿತಗೊಳಿಸುತ್ತಿದೆ. ಈ ಹಿಂಬಡ್ತಿಯಿಂದ ತೊಂದರೆಗೊಳಗಾದ ಎಲ್ಲಾ ಉದ್ಯೋಗಿಗಳಿಗೆ ಕಂಪನಿಯು ಪರಿಹಾರ ಪ್ಯಾಕೇಜ್ ಅನ್ನು ನೀಡುತ್ತದೆ.

ತೆಗೆದು ಹಾಕುತ್ತಿರುವುದು ಏಕೆ?

ವರದಿಗಳ ಪ್ರಕಾರ, ಎಡಬ್ಲ್ಯೂಎಸ್ ಮರುನಿರ್ಮಾಣಕ್ಕೆ ಒತ್ತು ನೀಡುತ್ತಿದ. ಇದರಿಂದ ಅಮೆಜಾನ್ ತಂತ್ರಜ್ಞಾನ, ಮಾರಾಟ ಮತ್ತು ಮಾರುಕಟ್ಟೆ ವಿಭಾಗಗಳಲ್ಲಿ ನೂರಾರು ಉದ್ಯೋಗಿಗಳನ್ನು ತೆಗೆದು ಹಾಕಲಾಗುತ್ತಿದೆ ಎಂದು ಕಾರಣ ನೀಡಿದೆ.
ಕಂಪನಿಯು ಸಾವಿರಾರು ಹುದ್ದೆಗಳು ಉದ್ಯೋಗಿಗಳನ್ನು ಕೆಲಸದಿಂದ ತೆಗೆದಿದ್ದರಿಂದ ಆಂತರಿಕ ಅವಕಾಶಗಳನ್ನು ಹುಡುಕಲು ಪ್ರಯತ್ನಿಸುತ್ತಿದೆ ಎಂದು ಎಡಬ್ಲ್ಯೂಎಸ್ ಹೇಳಿದೆ.

ಕಳೆದ ವರ್ಷವೂ ಕಡಿತ

ಕಳೆದ ವರ್ಷ, ಅಮೆಜಾನ್ ವೆಚ್ಚವನ್ನು ಕಡಿತಗೊಳಿಸಲು ಜಾಗತಿಕವಾಗಿ 27,000 ಉದ್ಯೋಗಿಗಳನ್ನು ಕೆಲಸದಿಂದ ತೆಗೆದುಹಾಕಿತ್ತು. ಈ ವರ್ಷವೂ ಕಂಪನಿಯು ಉದ್ಯೋಗಿಗಳನ್ನು ತೆಗೆದುಹಾಕುವ ಕಾರ್ಯವನ್ನು ಮುಂದುವರೆಸಿದೆ. ಕಂಪನಿಯು ಪ್ರೈಮ್ ವಿಡಿಯೋ ವಿಭಾಗ, MGM ಸ್ಟುಡಿಯೋಸ್ ಮತ್ತು ಬೈ ವಿತ್ ಪ್ರೈಮ್ ವಿಭಾಗದಿಂದ ಸುಮಾರು 1,000 ಉದ್ಯೋಗಿಗಳನ್ನು ತೆಗೆದುಹಾಕಿದೆ.
ಇದಲ್ಲದೆ, ಅಮೆಜಾನ್ ಒಡೆತನದ ಗೇಮಿಂಗ್ ಕಂಪನಿ ಟ್ವಿಚ್ ಕೂಡ 500 ಕ್ಕೂ ಹೆಚ್ಚು ಉದ್ಯೋಗಿಗಳನ್ನು ವಜಾಗೊಳಿಸಿದೆ.

ಈ ಉದ್ಯೋಗ ಕಡಿತಗಳು ಅಮೇಜಾನ್‌ನಲ್ಲಿ ನಡೆಯುತ್ತಿರುವ ಪುನರ್‌ರಚನೆಯ ಪ್ರಯತ್ನಗಳಲ್ಲಿ ಒಂದು ಎಂದು ಗುರುತಿಸಲಾಗುತ್ತಿದೆ. 2022ರಲ್ಲಿ ಭಾರೀ ಪ್ರಮಾಣದಲ್ಲಿ ಉದ್ಯೋಗಿಗಳನ್ನು ತೆಗೆದುಹಾಕಲಾಗಿತ್ತು. ಇದರಿಂದ ಅಮೇಜಾನ್‌ ಕಂಪನಿಯ ಇತರ ಕಂಪನಿಗಳ ಮೇಲೂ ಪ್ರಭಾವ ಬೀರಿದೆ. ಕಳೆದ ತಿಂಗಳು ಕಂಪನಿ ನೂರಕ್ಕು ಹೆಚ್ಚು ಉದ್ಯೋಗಿಗಳನ್ನು ತೆಗೆದುಹಾಕಲಾಗಿತ್ತು. ಫಾರ್ಮಸಿ ಮತ್ತು ವೈದ್ಯಕೀಯ ವಿಭಾಗ, ನೀಲ್ ಲಿಂಡ್ಸೆ, ಅಮೆಜಾನ್ ಹೆಲ್ತ್ ಸರ್ವಿಸಸ್ ಉದ್ಯೋಗಿಗಳು ಸೇರಿದ್ದರು.

English summary

"Amazon's Cloud Computing Unit Sees Ongoing Layoffs, Hundreds Lose Jobs;