Ganesha Chaturthi 2023: ಗಣೇಶ ಹಬ್ಬದ ಮಂಗಳಕರ ಸಮಯ, ಮಹತ್ವ ಮತ್ತು ಇತಿಹಾಸ ತಿಳಿಯಿರಿ

ಗಣಪತಿ ಬಪ್ಪ ತನ್ನ ಭಕ್ತರನ್ನು ಆಶೀರ್ವದಿಸಲು ಮತ್ತು ಅವರ ಎಲ್ಲಾ ಆಸೆಗಳನ್ನು ಪೂರೈಸಲು ಶೀಘ್ರದಲ್ಲೇ ಎಲ್ಲರ ಮನೆಗಳಿಗೆ ಭೇಟಿ ನೀಡಲಿದ್ದಾನೆ. ಗಣಪತಿ ಬಪ್ಪನನ್ನು ಬುದ್ಧಿವಂತಿಕೆ, ಅಡೆತಡೆಗಳನ್ನು ನಿವಾರಿಸುವವನು ಮತ್ತು ಮಂಗಳಕರ ದೇವರು ಎಂದು ಪರಿಗಣಿಸಲಾಗುತ್ತದೆ.

ಆದ್ದರಿಂದ ಬಪ್ಪ ಎಲ್ಲಿ ವಾಸಿಸುತ್ತಾನೋ ಅಲ್ಲಿ ಪ್ರತಿ ಕ್ಷಣವೂ ಸಂತೋಷ ಮತ್ತು ಸಮೃದ್ಧಿ ನೆಲೆಸುತ್ತದೆ ಎಂದು ಹೇಳಲಾಗುತ್ತದೆ. ಹಾಗಾಗಿ ಪ್ರತೀ ವರ್ಷ ಬರುವ ಗಣೇಶ ಚತುರ್ಥಿಯಂದು ಗಣೇಶನ ಹಬ್ಬವನ್ನು ವಿಶೇಷವಾಗಿ ಆಚರಿಸಲಾಗುತ್ತದೆ.

ಈ ವರ್ಷ ಗಣೇಶ ಉತ್ಸವ ಯಾವಾಗ ಆರಂಭವಾಗುತ್ತದೆ?

ಪ್ರತಿ ವರ್ಷದಂತೆ ಈ ವರ್ಷವೂ ಭಾದ್ರಪದ ಮಾಸದ ಶುಕ್ಲ ಪಕ್ಷದ ಚತುರ್ಥಿ ತಿಥಿಯಿಂದ ಗಣೇಶ ಚತುರ್ಥಿ ಆರಂಭವಾಗಲಿದೆ. ಇದು 28ನೇ ಸೆಪ್ಟೆಂಬರ್ 2023 ರಂದು ಅನಂತ ಚತುರ್ಥಿಯ ದಿನದಂದು ಕೊನೆಗೊಳ್ಳುತ್ತದೆ. ಈ ಹಬ್ಬ 10 ದಿನಗಳವರೆಗೆ ಇರುತ್ತದೆ ಮತ್ತು 11 ನೇ ದಿನ ಬಪ್ಪನನ್ನು ಪೂರ್ಣ ವಿಜೃಂಭಣೆಯಿಂದ ಬೀಳ್ಕೊಡಲಾಗುತ್ತದೆ.

ದೃಕ್ ಪಂಚಾಂಗದ ಪ್ರಕಾರ 2023ರಲ್ಲಿ ವಿನಾಯಕ ಚತುರ್ದಶಿಯ 10-ದಿನಗಳ ಹಬ್ಬ ಸೆಪ್ಟೆಂಬರ್ 18ರ ಸೋಮವಾರದಂದು ಮಧ್ಯಾಹ್ನ 12:39 ಕ್ಕೆ ಪ್ರಾರಂಭವಾಗಲಿದೆ. ಮೊದಲ ದಿನದ ಪೂಜೆ ಸೆಪ್ಟೆಂಬರ್ 19, 2023 ರಂದು ಮಂಗಳವಾರ ರಾತ್ರಿ 8:43 ಕ್ಕೆ ಮುಕ್ತಾಯಗೊಳ್ಳಲಿದೆ. ಇದಲ್ಲದೆ, ಮಧ್ಯಾಹ್ನ ಗಣೇಶ ಪೂಜೆ ಮುಹೂರ್ತವು ಬೆಳಿಗ್ಗೆ 11:01 ಕ್ಕೆ ಪ್ರಾರಂಭವಾಗಿ ಮಧ್ಯಾಹ್ನ 1:28 ರವರೆಗೆ ವಿಸ್ತರಿಸಲ್ಪಡುತ್ತದೆ, ಒಟ್ಟು 2 ಗಂಟೆ 27 ನಿಮಿಷಗಳ ಕಾಲ ಇರುತ್ತದೆ.

ಚತುರ್ಥಿ ತಿಥಿ ಆರಂಭ: ಸೆಪ್ಟೆಂಬರ್ 18, 2023 ರಂದು ಮಧ್ಯಾಹ್ನ 12:39

ಚತುರ್ಥಿ ತಿಥಿ ಕೊನೆಗೊಳ್ಳುತ್ತದೆ: ಸೆಪ್ಟೆಂಬರ್ 19, 2023 ರಂದು ಮಧ್ಯಾಹ್ನ 01:43 ಕ್ಕೆ

ಚಂದ್ರನ ದರ್ಶನವನ್ನು ತಪ್ಪಿಸುವ ಸಮಯ - 09:45 ಬೆಳಿಗ್ಗೆ ರಿಂದ 08:44 ರಾತ್ರಿ

ಗಣೇಶ ಚತುರ್ಥಿ ಪೂಜಾ ವಿಧಾನ:-

*ಬೆಳಿಗ್ಗೆ ಸೂರ್ಯಸ್ತಕ್ಕೂ ಮುನ್ನ ಎದ್ದು ಮೊದಲು ಸ್ನಾನ ಮಾಡಿ.

*ಅದರ ನಂತರ ಒದ್ದೆಯಾದ ಮಣ್ಣಿನಿಂದ ಗಣೇಶನ ವಿಗ್ರಹವನ್ನು ಮಾಡಿ.

*ಅದನ್ನು ಒಣಗಲು ಬಿಡಿ.

*ಅದನ್ನು ಶುದ್ಧ ತುಪ್ಪ ಮತ್ತು ಸಿಂಧೂರ, ಅರಿಶಿನ ಮತ್ತು ಶ್ರೀಗಂಧದಿಂದ ಅಲಂಕರಿಸಿ.

*ಅದಕ್ಕೆ ಪವಿತ್ರ ದಾರವನ್ನು ಹಾಕಿ.

*ಮನೆಯ ಈಶಾನ್ಯ ದಿಕ್ಕಿನಲ್ಲಿ ಇದನ್ನು ಸ್ಥಾಪಿಸಿ.

*ಧೂಪ ದೀಪಗಳನ್ನು ಬೆಳಗಿಸಿ.

*ಹಣ್ಣು ಮತ್ತು ಹೂವುಗಳನ್ನು ಅರ್ಪಿಸಿ ಮತ್ತು ಮೋದಕ ಮತ್ತು ಲಡ್ಡುಗಳನ್ನು ಅರ್ಪಿಸಿ.

* ಗಣೇಶನ ಮಂತ್ರ ಜಮಿಸುತ್ತಾ ಪೂಜೆ ಮಾಡಿ

ಗಣೇಶ ಉತ್ಸವದ ಮಹತ್ವ

ಪೌರಾಣಿಕ ನಂಬಿಕೆಗಳ ಪ್ರಕಾರ, ಗಣೇಶ ಹುಟ್ಟಿದ ದಿನ ಭದ್ರಾ ಮಾಸದ ಶುಕ್ಲ ಪಕ್ಷದ ಚತುರ್ಥಿ ಎಂದು ಹೇಳಲಾಗುತ್ತದೆ. ಆದ್ದರಿಂದ ಈ ದಿನವನ್ನು ಗಣೇಶ ಚತುರ್ಥಿ ಮತ್ತು ವಿನಾಯಕ ಚತುರ್ಥಿ ಎಂದು ಆಚರಿಸಲಾಗುತ್ತದೆ. ಈ ದಿನಗಳಲ್ಲಿ ಯಾರು ಗಣಪತಿಯನ್ನು ಮನೆಯಲ್ಲಿಟ್ಟುಕೊಂಡು ಮನಃಪೂರ್ವಕವಾಗಿ ಪೂಜಿಸುತ್ತಾರೋ ಅವರ ಜೀವನದಲ್ಲಿ ಬಪ್ಪನ ಆಶೀರ್ವಾದ ಸದಾ ಉಳಿಯುತ್ತದೆ ಎಂಬ ನಂಬಿಕೆಯೂ ಇದೆ.

ಗಣೇಶ ಚತುರ್ಥಿಯ ಇತಿಹಾಸ

ಹಿಂದೂ ಪುರಾಣಗಳ ಆಧಾರದ ಮೇಲೆ ಗಣೇಶನನ್ನು ಶಿವ ಮತ್ತು ಪಾರ್ವತಿ ದೇವಿಯ ಮಗ ಎಂದು ನಂಬಲಾಗಿದೆ. ದಂತಕಥೆಯ ಪ್ರಕಾರ, ಶಿವನು ಕೋಪಗೊಂಡಾಗ ಅವನು ಗಣೇಶನ ತಲೆಯನ್ನು ಕತ್ತರಿಸಿ ದುಃಖಿಸುತ್ತಿದ್ದ ಪಾರ್ವತಿ ದೇವಿಯನ್ನು ಸಾಂತ್ವನಗೊಳಿಸಲು ಆನೆಯ ತಲೆಯನ್ನು ಅದಕ್ಕೆ ಬದಲಾಯಿಸಿದನು. ಆದ್ದರಿಂದ ಗಣೇಶನನ್ನು ಯಾವಾಗಲೂ ಆನೆಯ ತಲೆಯಿಂದ ಚಿತ್ರಿಸಲಾಗುತ್ತದೆ. ಏಕದಂತ, ಲಂಬೋದರ ಮತ್ತು ವಿವಿಧ ಹೆಸರುಗಳಿಂದ ಕರೆಯಲ್ಪಡುವ ಭಗವಾನ್ ಗಣೇಶನನ್ನು ಜನರ ಅದೃಷ್ಟವನ್ನು ಬದಲಾಯಿಸಲು ಮತ್ತು ಅವರ ಮಾರ್ಗದಿಂದ ವಿಪತ್ತುಗಳು ಮತ್ತು ಅಡೆತಡೆಗಳನ್ನು ತೆಗೆದುಹಾಕಲು ಪೂಜಿಸಲಾಗುತ್ತದೆ.

English summary

Ganesha Chaturthi 2023: Know the Ganesha festival auspicious time, significance and history.