• search

ಅಟಲ್ ಬಿಹಾರಿ ವಾಜಪೇಯಿ ಏಕೆ 'ಬ್ರಹ್ಮಚಾರಿ'ಯಾಗಿಯೇ ಉಳಿದರು?

By Prasad
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
        Atal Bihari Vajpayee : ಮದುವೆ ಬಗ್ಗೆ ಅಟಲ್ ಹೇಳುತ್ತಿದ್ದದ್ದು ಹೀಗೆ..! | Oneindia Kannada

        ಭಾರತದ ಮಾಜಿ ಪ್ರಧಾನಿ, ಉತ್ಕೃಷ್ಟ ವಾಗ್ಮಿ ಅಟಲ್ ಬಿಹಾರಿ ವಾಜಪೇಯಿಯವರು ಮದುವೆಯಾಗಿದ್ದರೆ ಇನ್ನಷ್ಟು ಚೆಂದದ ಬದುಕು ಬದುಕುತ್ತಿದ್ದರಾ ಅಥವಾ ಮದುವೆಯನ್ನೇ ಆಗದಿದ್ದದ್ದಕ್ಕೆ ಅಷ್ಟು ಚೆಂದವಾಗಿ ಬದುಕಿದರಾ?

        ಇವೆರಡರ ನಡುವಿನ ಅರ್ಥವ್ಯತ್ಯಾಸ ಅರಿತುಕೊಳ್ಳುವುದು ಬಲುಕಷ್ಟ. ಉತ್ತಮ ಕವಿಯೂ ಆಗಿದ್ದ ಅವರ ಬಾಳಲ್ಲಿ ಸುಂದರಿಯೋರ್ವಳು ಪ್ರೇಮಕವನ ಬರೆದುಹೋಗಿದ್ದು ಬಿಟ್ಟರೆ, ಮತ್ತಾವ ಹೆಂಗಸೂ ಅವರ ಬಾಳಲ್ಲಿ ಪ್ರೇಯಸಿಯಾಗಿ, ಹೆಂಡತಿಯಾಗಿ ಪ್ರವೇಶ ಮಾಡಲೇ ಇಲ್ಲ.

        ವಾಜಪೇಯಿ ಅವರು ಏಕೆ ವಿವಾಹವಾಗಿರಲಿಲ್ಲ?

        ಮದುವೆಯಾಗದೆಯೇ 93 ವರ್ಷಗಳ ಪಯಣವನ್ನು ಅವರು ಮುಗಿಸಿದರು. ತಾವೇಕೆ ಮದುವೆಯಾಗಲಿಲ್ಲ ಎಂಬ ಪ್ರಶ್ನೆಗೆ ಅವರೇ ಹಲವಾರು ಬಾರಿ ಸ್ವಾರಸ್ಯಕರವಾಗಿ ಉತ್ತರ ನೀಡಿದ್ದಾರೆ. ಮತ್ತು ಆ ರೀತಿ ಅಂಥ ಪ್ರಶ್ನೆಗಳಿಗೆ ಉತ್ತರ ನೀಡುವುದು ಅವರಿಂದ ಮಾತ್ರ ಸಾಧ್ಯ.

        Why Atal Bihari Vajpayee did not get married

        ವಾಜಪೇಯಿ ಅವರು ತಮ್ಮಿಡೀ ಜೀವನವನ್ನು ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಪ್ರಚಾರಕನಾಗಿ ದುಡಿಯಲು ಮೀಸಲಿಟ್ಟಿದ್ದರು. ಆರೆಸ್ಸೆಸ್ ಗಾಗಿಯೇ ಸಮರ್ಪಿಸಿಕೊಂಡ ಅನೇಕರು ಈ ಕಾರಣದಿಂದಾಗಿಯೇ ಬ್ರಹ್ಮಚಾರಿಗಳಾಗಿ ಉಳಿದಿದ್ದಾರೆ. ಅಟಲ್ ಬಿಹಾರಿ ವಾಜಪೇಯಿ ಅವರು ಕೂಡ ಇದಕ್ಕೆ ಹೊರತಾಗಿರಲಿಲ್ಲ.

        ಅಟಲ್ ಬಿಹಾರಿ ವಾಜಪೇಯಿ ಅವರ 'ಇಷ್ಟದ' ಸಂಗತಿಗಳು...

        ಯಾವುದೋ ಸಂದರ್ಭದಲ್ಲಿ ಮದುವೆ ಏಕಾಗಲಿಲ್ಲ ಎಂದು ಯಾರೋ ಒಬ್ಬರು ಕೇಳಿದಾಗ, "ಯಾವುದೇ ಮಹಿಳೆ ನನ್ನನ್ನು ಸೂಕ್ತ ವರ ಎಂದು ಪರಿಗಣಿಸಲಿಲ್ಲ" ಎಂದು ತಮ್ಮ ಎಂದಿನ ಅಸ್ಖಲಿತ ನಗುವಿನೊಂದಿಗೆ ತುಂಟ ಉತ್ತರ ನೀಡಿದ್ದರು ಅಟಲ್ ಬಿಹಾರಿ ವಾಜಪೇಯಿ. ಅದು ಕೇವಲ ತಮಾಷೆಗಾಗಿ ಮಾತ್ರ ನೀಡಿದ ಉತ್ತರವಾಗಿತ್ತು.

        ವಾಜಪೇಯಿ ಅವರು ಮನಸ್ಸು ಮಾಡಿದ್ದರೆ ಮದುವೆಯಾಗಿ ಸುಖಸಂಸಾರ ಹೂಡಬಹುದಾಗಿತ್ತು. ಅವರ ಬಾಳಲ್ಲಿ ಓರ್ವ ಸುಂದರಿಯ ಪ್ರವೇಶವೂ ಆಗಿತ್ತು. ಆದರೆ, ಕಾರಣಾಂತರಗಳಿಂದ ಆ ಮದುವೆ ನಡೆಯಲೂ ಇಲ್ಲ. ಅವರ ಪ್ರಣಯ ಪ್ರಸಂಗದ ಕಥೆಯೂ ಸ್ವಾರಸ್ಯಕರವಾಗಿಯೇ ಇದೆ. ಮತ್ತೊಂದು ಸಂದರ್ಭದಲ್ಲಿ 'ನಾನು ಮದುವೆಯಾಗಲಿಲ್ಲವೇನೋ ನಿಜ, ಆದರೆ ನಾನು ಬ್ರಹ್ಮಚಾರಿಯಲ್ಲ' ಎಂದು ಮತ್ತೊಂದು ನಗೆಚಟಾಕಿ ಅವರು ಹಾರಿಸಿದ್ದರು.

        ಕನ್ಯಾಕುಬ್ಜ ಬ್ರಾಹ್ಮಣ ಎಂದು ಹೆಮ್ಮೆಯಿಂದ ಹೇಳಿಕೊಳ್ಳುತ್ತಿದ್ದರು ವಾಜಪೇಯಿ

        ನನಗೆ ಮದುವೆಯಾಗಲು ಸಮಯವೇ ಸಿಗಲಿಲ್ಲ ಎಂದು ಅವರು ಮತ್ತೊಂದು ಬಾರಿ ಹಾಸ್ಯದ ಚಟಾಕಿ ಹಾರಿಸಿದ್ದರು. ಅಂತಿಮ ಸತ್ಯವೇನೆಂದರೆ, ಅವರು ಮದುವೆಯಾಗಲಿಲ್ಲ ಅಷ್ಟೇ. ಮದುವೆಯಾಗದಿದ್ದರೇನಂತೆ, ನಮಿತಾ ಭಟ್ಟಾಚಾರ್ಯ ಎಂಬುವವರನ್ನು ದತ್ತಾಗಿ ಸ್ವೀಕರಿಸಿ, ಅವರಿಗೆ ತಂದೆಯ ಸ್ಥಾನ ತುಂಬಿದ್ದರು. ನಮಿತಾ ಭಟ್ಟಾಚಾರ್ಯ ಮತ್ತಾರೂ ಅಲ್ಲ, ತಾವು ಅಪಾರವಾಗಿ ಪ್ರೇಮಿಸಿದ್ದ, ಆದರೆ ಮದುವೆಯಾಗಲು ಸಾಧ್ಯವಾಗದ ರಾಜಕುಮಾರಿ ಕೌರ್ ಅವರ ಮಗಳು.

        ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

        English summary
        Why Atal Bihari Vajpayee did not get married? He dedicated his entire life as RSS pracharak and had said he did not get time to get married, jokingly.

        Oneindia ಬ್ರೇಕಿಂಗ್ ನ್ಯೂಸ್,
        ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

        X
        We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more