• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಏಪ್ರಿಲ್ 15ರಿಂದ 21ರ ವರೆಗೆ ದ್ವಾದಶ ರಾಶಿಗಳ ವಾರ ಭವಿಷ್ಯ

By ಪಂಡಿತ್ ಶಂಕರ್ ಭಟ್
|

ಏಪ್ರಿಲ್ 15ರಿಂದ 21ರ ವರೆಗಿನ ಜನ್ಮರಾಶಿಯನ್ನು ಆಧರಿಸಿದ ವಾರಭವಿಷ್ಯ ನೀಡಲಾಗಿದೆ. ಗೋಚಾರ ಫಲಕ್ಕೆ ಅನುಗುಣವಾಗಿ ಫಲಾನುಫಲ ತಿಳಿದುಕೊಳ್ಳಬಹುದು.

ಅಕ್ಟೋಬರ್ 11ಕ್ಕೆ ವೃಶ್ಚಿಕಕ್ಕೆ ಗುರು ಗ್ರಹ ಪ್ರವೇಶ: ದ್ವಾದಶ ರಾಶಿ ಫಲ ವಿಶೇಷ

ಆಸ್ತಿಕರು ತಮ್ಮ ಜನ್ಮರಾಶಿಗೆ ದಿನ ಹೇಗಿದೆ ಎಂದು ತಿಳಿದು ದಿನಚರಿ ಆರಂಭಿಸುವ ವಾಡಿಕೆ ರೂಢಿಸಿಕೊಂಡಿರುತ್ತಾರೆ. ಏಕೆಂದರೆ, ನಿತ್ಯಭವಿಷ್ಯ ಮುಂದಿನ ಘಟನೆಗಳ ಮುನ್ಸೂಚನೆ ನೀಡುತ್ತವೆ. ಪ್ರತಿಯೊಬ್ಬರೂ ನಿತ್ಯ ಒಂದೊಂದು ತರಹ ದಿನ ಕಳೆಯಬೇಕಾಗುತ್ತದೆ. ಇಡೀ ವಾರ ಹೇಗಿರುತ್ತದೆ ಎಂದು ಸೂಚಿಸುವುದೇ ವಾರಭವಿಷ್ಯ.

ಜನ್ಮನಕ್ಷತ್ರದಿಂದ ತಿಳಿಯಿರಿ ನಿಖರವಾದ ಭವಿಷ್ಯ

ಚಂದ್ರನ ಚಲನೆ ಆಧಾರದಲ್ಲಿ ಹೇಗೆ ನಿತ್ಯಭವಿಷ್ಯವನ್ನು ಕಂಡುಹಿಡಿಯಬಹುದು. ಅದೇ ರೀತಿ ಇತರ ಗ್ರಹ ಹಾಗೂ ಆಯಾ ವಾರದ ಗ್ರಹ ಬದಲಾವಣೆ ಗಮನಿಸಿ, ಜಾತಕ ರೂಪಿಸಿ ರಾಶಿಬಲ ತಿಳಿಯಬಹುದು. ಆದರೆ ಈ ರೀತಿ ಹೇಳುವ ರಾಶಿಬಲಕ್ಕೆ ಗೋಚಾರ, ದಶಾಭುಕ್ತಿಯ ಫಲ ಅನ್ವಯಿಸುವುದಿಲ್ಲ.

ರಾಹುಕಾಲ, ಗುಳಿಕಕಾಲ, ಯಮಗಂಡಕಾಲ

ರಾಶಿ ಒಂದೇ ಆಗಿದ್ದರೂ ಕೂಡ ಪ್ರತಿಯೊಬ್ಬರ ಜನ್ಮಜಾತಕದಲ್ಲಿ ದಶಾಭುಕ್ತಿ, ಗ್ರಹಗಳು ಇರುವ ಮನೆಗಳನ್ನು ಆಧರಿಸಿ ರಾಶಿಬಲವನ್ನು ಹೋಲಿಸಿಕೊಳ್ಳಬೇಕು.

ಮೇಷ: ಹೆಚ್ಚುವರಿ ಆದಾಯ ಮೂಲದಿಂದ ಹಣಕಾಸಿನ ಹರಿವು ಹೆಚ್ಚಳ

ಮೇಷ: ಹೆಚ್ಚುವರಿ ಆದಾಯ ಮೂಲದಿಂದ ಹಣಕಾಸಿನ ಹರಿವು ಹೆಚ್ಚಳ

ಕುಟುಂಬದ ಸದಸ್ಯರ ಜತೆಗೆ ಅತ್ಯುತ್ತಮವಾದ ಕಾಲವನ್ನು ಕಳೆಯುತ್ತೀರಿ. ಸಾಮಾಜಿಕ ಜೀವನದಲ್ಲಿ ಸಕ್ರಿಯರಾಗಿ ಪಾಲ್ಗೊಳ್ಳುವವರು ಜನರ ಜತೆಗೆ ಮಹತ್ತರವಾದ ಒಪ್ಪಂದವನ್ನು ಮಾಡಿಕೊಳ್ಳುವ ಸಾಧ್ಯತೆ ಇದೆ. ವಾರದ ಆರಂಭದಿಂದಲೇ ವಾಣಿಜ್ಯ ಮತ್ತು ಸೇವಾ ವಲಯದಲ್ಲಿ ಬೆಳವಣಿಗೆಯನ್ನು ಕಾಣುತ್ತೀರಿ. ಸೇವಾ ವಲಯದಲ್ಲಿ ಕಾರ್ಯ ನಿರ್ವಹಿಸುತ್ತಿರುವವರಿಗೆ ಬಡ್ತಿ ಸಿಗುವ ಸಾಧ್ಯತೆ ಇದೆ. ಆರೋಗ್ಯ ಹಾಗೂ ದೈಹಿಕ ಕ್ಷಮತೆ ಉತ್ತಮವಾಗಿರುತ್ತದೆ. ವಾರದ ಮಧ್ಯ ಭಾಗದಲ್ಲಿ ನಿಮ್ಮ ಆರ್ಥಿಕ ಸ್ಥಿತಿ ಉತ್ತಮವಾಗುವ ಸಾಧ್ಯತೆ ಇದೆ. ಹೆಚ್ಚುವರಿ ಆದಾಯ ಮೂಲದಿಂದ ಹರಿದು ಬರುವ ಹಣಕಾಸಿನಿಂದ ಪ್ರಗತಿ ಕಾಣಲಿದ್ದೀರಿ.

ವೈಯಕ್ತಿಕ ಸಂಬಂಧಗಳು ವಾರದ ಮಧ್ಯ ಭಾಗದಲ್ಲಿ ಅನುಕೂಲಕರವಾಗಿ ಇರುತ್ತದೆ. ಶೈಕ್ಷಣಿಕ ವಲಯದಲ್ಲಿ ಕಾರ್ಯ ನಿರ್ವಹಿಸುತ್ತಿರುವವರು ಉತ್ತಮ ಸ್ಥಾನವನ್ನು ಪಡೆಯುವ ಸಾಧ್ಯತೆಗಳಿವೆ. ಜತೆಗೆ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಹಾಗೂ ಶೈಕ್ಷಣಿಕ ಪರೀಕ್ಷೆಗಳಿಗೆ ಕೂರುವವರಿಗೆ ಅನುಕೂಲಗಳು ಒದಗಿಬರಲಿದೆ. ವಾರಾಂತ್ಯದ ಹೊತ್ತಿಗೆ ಖರ್ಚು ಹೆಚ್ಚಾಗಲಿದೆ. ಇದರ ಜತೆಗೆ ಆರೋಗ್ಯ ವಿಚಾರವಾಗಿಯೂ ಕೆಲವು ಸಮಸ್ಯೆಗಳು ಎದುರಿಸಬೇಕಾಗುತ್ತದೆ. ಆದ್ದರಿಂದ ಎಚ್ಚರಿಕೆ ವಹಿಸುವುದು ಅವಶ್ಯ.

ವೃಷಭ: ಸಮಾಜದಲ್ಲಿ ಉತ್ತಮ ಸ್ಥಾನಮಾನ

ವೃಷಭ: ಸಮಾಜದಲ್ಲಿ ಉತ್ತಮ ಸ್ಥಾನಮಾನ

ಬಹಳ ಯಶಸ್ವಿಯಾದ ವಾರ ಇದು. ಸಮಾಜದಲ್ಲಿ ಉತ್ತಮ ಸ್ಥಾನ ಮಾನ ಪಡೆಯುವ ಸಾಧ್ಯತೆಗಳಿವೆ. ಜತೆಗೆ ಸಮಾಜ ಸೇವಾ ಕಾರ್ಯಗಳಲ್ಲಿ ಪಾಲ್ಗೊಳ್ಳುವ ಅವಕಾಶಗಳಿವೆ. ವಾರದ ಆರಂಭದಿಂದಲೇ ನಿಮ್ಮ ಪಾಲಿನ ಅದೃಷ್ಟ ಬಲವಾಗಿರುತ್ತದೆ. ದೇವತಾ ಕಾರ್ಯಗಳಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳುತ್ತೀರಿ. ಸೋದರ- ಸೋದರಿಯರ ಜತೆ ಈ ಹಿಂದೆ ಜಗಳ, ಮನಸ್ತಾಪಗಳು ಆಗಿದ್ದಲ್ಲಿ ಈಗ ಅದಕ್ಕೆ ಪರಿಹಾರ ಕಂಡುಕೊಳ್ಳುತ್ತೀರಿ. ವಾರದ ಮಧ್ಯ ಭಾಗದಲ್ಲಿ ಸೇವಾ ವಲಯ ಹಾಗೂ ವ್ಯಾಪಾರ, ವ್ಯವಹಾರಗಳನ್ನು ಮಾಡುವವರಿಗೆ ಸಕಾರಾತ್ಮಕ ಬೆಳವಣಿಗೆಗಳು ಆಗಲಿವೆ. ಸೇವೆಗೆ ಸಂಬಂಧಿಸಿದ ಇತರ ವಿಚಾರಗಳಲ್ಲೂ ಅಭಿವೃದ್ಧಿ ಇದೆ.

ಸರಕಾರಿ ಅಥವಾ ಖಾಸಗಿ ರಂಗದಲ್ಲಿ ಇಂಟರ್ ವ್ಯೂಗಳಲ್ಲಿ ಭಾಗವಹಿಸಿದ್ದರೆ ಅದರಲ್ಲಿ ಯಶಸ್ಸು ಪಡೆದು, ಕೆಲಸ ದೊರೆಯುವ ಸಾಧ್ಯತೆ ಹೆಚ್ಚಿದೆ. ವಾಹನ ಅಥವಾ ಮನೆಯ ವ್ಯವಹಾರಗಳಲ್ಲೂ ನಿಮಗೆ ಲಾಭ ಆಗಲಿದೆ. ಆದರೆ ಅದಕ್ಕೆ ವಾರದ ಮಧ್ಯ ಭಾಗದ ತನಕ ಕಾಯಬೇಕು. ವಾರದ ಅಂತ್ಯಕ್ಕೆ ಆದಾಯ ಉತ್ತಮವಾಗಿ ಇರುತ್ತದೆ. ವೈಯಕ್ತಿಕ ಸಂಬಂಧಗಳಲ್ಲಿ ನೀವು ನಿರೀಕ್ಷೆ ಮಾಡಿದ ಫಲಿತಾಂಶ ದೊರೆಯುತ್ತದೆ.

ಮಿಥುನ: ಪುಣ್ಯ ಕ್ಷೇತ್ರಗಳ ದರ್ಶನ ಯೋಗ

ಮಿಥುನ: ಪುಣ್ಯ ಕ್ಷೇತ್ರಗಳ ದರ್ಶನ ಯೋಗ

ವಾರದ ಆರಂಭದಲ್ಲಿ ಆರ್ಥಿಕ ಹೂಡಿಕೆ ಹಾಗೂ ವಿದೇಶಿ ವ್ಯವಹಾರಗಳಲ್ಲಿ ಉತ್ತಮ ಹೆಸರು ಗಳಿಸಲು ಅವಕಾಶ ದೊರೆಯುತ್ತದೆ. ವಿರೋಧಿಗಳಿಗೆ ತಕ್ಕ ಎದುರೇಟು ನೀಡುವ ನಿಮ್ಮ ಸಾಮರ್ಥ್ಯ ಹೆಚ್ಚಳವಾಗುತ್ತದೆ. ವಾರದ ಮೊದಲ ಭಾಗದಲ್ಲಿ ಅರೋಗ್ಯದಲ್ಲಿ ಏರಿಳಿತವನ್ನು ಕಾಣಲಿದ್ದೀರಿ. ಗುಪ್ತಾಂಗ ಸಮಸ್ಯೆಗಳು ಕಾಡಬಹುದು. ವಾರದ ಮಧ್ಯ ಭಾಗದಲ್ಲಿ ಅದೃಷ್ಟ ನಿಮ್ಮ ಪರವಾಗಿರುತ್ತದೆ. ಸರಕಾರಿ ಅಥವಾ ಖಾಸಗಿ ವಲಯದಲ್ಲಿ ಇರುವವರಿಗೆ ಉತ್ತಮ ಕೆಲಸ-ಕಾರ್ಯಗಳು ಕೈ ಹತ್ತುತ್ತವೆ. ಪುಣ್ಯ ಕ್ಷೇತ್ರಗಳ ದರ್ಶನ ಮಾಡುವ ಯೋಗ ಅಥವಾ ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವ ಸಾಧ್ಯತೆಗಳಿವೆ.

ಈ ಅವಧಿಯಲ್ಲಿ ನಿಮ್ಮ ಆತ್ಮೀಯರ ಜತೆಗಿನ ಬಾಂಧವ್ಯ ಇನ್ನಷ್ಟು ಗಾಢವಾಗುತ್ತದೆ. ವಾರಾಂತ್ಯದಲ್ಲಿ ವೃತ್ತಿರಂಗದಲ್ಲಿ ನಿಮ್ಮ ಕೈ ಮೇಲಾಗುವ ಸಾಧ್ಯತೆಯಿದೆ. ಆರೋಗ್ಯ ಉತ್ತಮವಾಗಿ ಇರುತ್ತದೆ. ಇನ್ನಷ್ಟು ಆರ್ಥಿಕ ಸೌಕರ್ಯ, ಸವಲತ್ತುಗಳು ನಿಮ್ಮ ಪಾಲಿಗೆ ಒದಗಿ ಬರಲಿವೆ. ವೈಯಕ್ತಿಕ ಜೀವನದಲ್ಲಿ ಭಿನ್ನಾಭಿಪ್ರಾಯ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ. ಆದ್ದರಿಂದ ಚುಚ್ಚುವಂತೆ ಮಾತನಾಡಬೇಡಿ. ನಾಲಗೆ ಮೇಲೆ ಹಿಡಿತ ಇರಲಿ.

ಕರ್ಕಾಟಕ: ವಿದೇಶಿ ವ್ಯವಹಾರ, ಆರ್ಥಿಕ ಹೂಡಿಕೆಯಲ್ಲಿ ತೃಪ್ತಿದಾಯಕ ಪ್ರಗತಿ

ಕರ್ಕಾಟಕ: ವಿದೇಶಿ ವ್ಯವಹಾರ, ಆರ್ಥಿಕ ಹೂಡಿಕೆಯಲ್ಲಿ ತೃಪ್ತಿದಾಯಕ ಪ್ರಗತಿ

ವೈವಾಹಿಕ ಜೀವನದ ಸುಖ- ಸಂತೋಷದ ಬಗ್ಗೆ ನಿಮ್ಮ ಗಮನ ಹೆಚ್ಚಾಗಿರುತ್ತದೆ. ಸಂಗಾತಿ ಜತೆಗೆ ಸುಮಧುರವಾದ ಕ್ಷಣಗಳನ್ನು ಕಳೆಯಲಿದ್ದೀರಿ. ಈ ಹಿಂದಿನ ಭಿನ್ನಾಭಿಪ್ರಾಯಗಳನ್ನು ವಾರದ ಮೊದಲ ಭಾಗದಲ್ಲಿ ಪರಿಹರಿಸಿಕೊಳ್ಳಲು ಅತ್ಯುತ್ತಮ ಅವಕಾಶಗಳಿವೆ. ವೃತ್ತಿಪರ ಗುರಿಗಳನ್ನು ಈ ವಾರ ಸಾಧಿಸುತ್ತೀರಿ. ನಿಮ್ಮ ಸ್ಪರ್ಧಿಗಳ ವಿರುದ್ಧ ಕೈ ಮೇಲಾಗುತ್ತದೆ. ಅರೋಗ್ಯ್ ಸ್ಥಿರವಾಗಿರುತ್ತದೆ ಹಾಗೂ ದೈಹಿಕ ಕ್ಷಮತೆ ಉತ್ತಮವಾಗಿರುತ್ತದೆ. ಆದರೆ ವಾರದ ಮಧ್ಯ ಭಾಗದಲ್ಲಿ ಅರೋಗ್ಯ ಕೈ ಕೊಡುತ್ತದೆ. ಆದರೆ ವಿದೇಶಿ ವ್ಯವಹಾರ ಮತ್ತು ಆರ್ಥಿಕ ಹೂಡಿಕೆಯಲ್ಲಿ ತೃಪ್ತಿದಾಯಕವಾದ ಪ್ರಗತಿಯನ್ನು ಕಾಣುತ್ತೀರಿ.

ಕಾನೂನು-ಕಟ್ಲೆಗಳಲ್ಲಿ ಈ ವಾರ ನಿಮ್ಮ ಕೈ ಮೇಲಾಗಲಿದೆ. ವಾರದ ಕೊನೆ ಭಾಗದಲ್ಲಿ ಉತ್ತಮವಾದ ಅದೃಷ್ಟ ಬೆಂಬಲವಿದೆ. ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳಲಿದ್ದೀರಿ. ಸಮಾಜದಲ್ಲಿ ಪ್ರಬಲವಾದ ಸ್ಥಾನಮಾನ ಗಳಿಸುವ ನಿಟ್ಟಿನಲ್ಲಿ ಶ್ರಮ ಪಡಲಿದ್ದೀರಿ. ಸಾಮಾಜಿಕ ವ್ಯವಹಾರಗಳಲ್ಲಿ ಅದ್ಭುತವಾದ ಯಶಸ್ಸು ನಿಮ್ಮ ಪಾಲಿಗೆ ಒದಗಿ ಬರಲಿದೆ.

ಸಿಂಹ: ಸೋದರ ಸಂಬಂಧಿಗಳ ಜತೆ ಬಾಂಧವ್ಯ ಗಟ್ಟಿ

ಸಿಂಹ: ಸೋದರ ಸಂಬಂಧಿಗಳ ಜತೆ ಬಾಂಧವ್ಯ ಗಟ್ಟಿ

ಆರ್ಥಿಕ ಹೂಡಿಕೆ ಹಾಗೂ ವಿದೇಶ ವ್ಯವಹಾರಗಳಲ್ಲಿ ವಾರದ ಆರಂಭದಿಂದಲೇ ಉತ್ತಮ ಪ್ರಗತಿ ಇದೆ. ತಾಯಿ ಕಡೆಯ ಸಂಬಂಧಿಕರಿಂದ ಅಕ್ಕರೆ- ಪ್ರೀತಿಯನ್ನು ಕಾಣಲಿದ್ದೀರಿ. ಒಂದು ವೇಳೆ ಉದ್ಯೋಗ ಅಥವಾ ವ್ಯಾಪಾರದ ವಿಸ್ತರಣೆಗೆ ಆಲೋಚನೆ ಮಾಡುತ್ತಿದ್ದರೆ ಈ ವಾರ ನಿಮಗೆ ಬಹಳ ಸೂಕ್ತವಾದುದು. ನೀವು ಅಂದುಕೊಂಡ ಫಲಿತಾಂಶ ದೊರೆಯಲಿದೆ. ಸೋದರ ಸಂಬಂಧಿಗಳ ಜತೆಗೆ ಬಾಂಧವ್ಯ ಗಟ್ಟಿ ಆಗಲಿದೆ. ಈ ವಾರ ವೈವಾಹಿಕ ಜೀವನದಲ್ಲಿ ಹಲವು ಸುಮಧುರ ಕ್ಷಣಗಳನ್ನು ನೀವು ಅನುಭವಿಸಲಿದ್ದೀರಿ. ಕೌಟುಂಬಿಕ ಜೀವನ ವಿಸ್ತರಣೆಗಾಗಿ ನೀವು ನೀಡುವ ಹಲವು ಸಲಹೆಗಳನ್ನು ಬಾಳ ಸಂಗಾತಿ ಸ್ವೀಕರಿಸುತ್ತಾರೆ.

ನಿಮ್ಮ ಆರೋಗ್ಯ ಉತ್ತಮವಾಗಿರುತ್ತದೆ ಮತ್ತು ಹಲವು ಬಗೆಯಲ್ಲಿ ಸಕಾರಾತ್ಮಕವಾಗಿ ಇರುವುದು ಗಮನಕ್ಕೆ ಬರುತ್ತದೆ. ಆದರೆ ವಾರಾಂತ್ಯಕ್ಕೆ ಕೆಲ ಅಹಿತಕರ ಹಾಗೂ ಅನಿರೀಕ್ಷಿತ ಫಲಿತಾಂಶಗಳನ್ನು ಕಾಣುತ್ತೀರಿ. ಹಣಕಾಸು ಹೂಡಿಕೆ ಹಾಗೂ ವಿದೇಶ ವ್ಯವಹಾರದಲ್ಲಿ ಹಲವು ಬಗೆಯಲ್ಲಿ ಸಕಾರಾತ್ಮಕ ಫಲಿತಾಂಶವನ್ನು ಪಡೆಯಲಿದ್ದೀರಿ. ಒಟ್ಟಾರೆಯಾಗಿ ಹೇಳಬೇಕು ಅಂದರೆ, ಈ ವಾರ ಮಿಶ್ರ ಫಲ ಪಡೆಯಲಿದ್ದೀರಿ.

ಕನ್ಯಾ: ಹಣಕಾಸು ವಿಚಾರದ ಮನಸ್ತಾಪಗಳು ನಿವಾರಣೆ

ಕನ್ಯಾ: ಹಣಕಾಸು ವಿಚಾರದ ಮನಸ್ತಾಪಗಳು ನಿವಾರಣೆ

ವಾರದ ಆರಂಭದಲ್ಲಿ ನಿಮ್ಮ ಆರ್ಥಿಕ ಸ್ಥಿತಿಗತಿಯನ್ನು ಎತ್ತರಕ್ಕೆ ಒಯ್ಯಲು ಸಾಧ್ಯವಾಗುತ್ತದೆ. ಆರ್ಥಿಕ ಯೋಜನೆ ಮಾಡುವ ಹಾಗೂ ಶ್ರೀಮಂತಿಕೆ ಪಡೆಯುವ ನಿಮ್ಮ ಪ್ರಯತ್ನ ಯಶಸ್ಸು ಕಾಣುತ್ತದೆ. ಈ ಹಿಂದೆ ಹಣಕಾಸು ವಿಚಾರವಾಗಿ ನಡೆದಿರುವ ಮನಸ್ತಾಪಗಳು ನಿವಾರಣೆ ಆಗುತ್ತವೆ. ಸ್ಪರ್ಧಾತ್ಮಕ ಹಾಗೂ ಕ್ರೀಡಾ ಕ್ಷೇತ್ರದಲ್ಲಿ ನಿಮ್ಮ ಕೈ ಮೇಲಾಗುವ ಎಲ್ಲ ಅವಕಾಶಗಳಿವೆ. ಶಿಕ್ಷಣದ ವಿಚಾರಕ್ಕೆ ಸಂಬಂಧಿಸಿದಂತೆ ನೀವಂದುಕೊಂಡ ಸ್ಥಾನ ತಲುಪಬೇಕು ಅಂದರೆ ಕಡ್ಡಾಯವಾಗಿ ನಿಮ್ಮ ಶ್ರಮ ಹೆಚ್ಚಿಸಬೇಕು. ಇನ್ನಷ್ಟು ವೇಗವಾಗಿ ಕೆಲಸ-ಕಾರ್ಯಗಳನ್ನು ಮಾಡಬೇಕು. ಇನ್ನು ವೈಯಕ್ತಿಕ ಸಂಬಂಧದ ವಿಚಾರದಲ್ಲೂ ಇದು ಅನುಕೂಲಕರವಾದ ಸಮಯ.

ನಿಮ್ಮ ಸಂಗಾತಿಯ ಮನಸಿಗೆ ಇಷ್ಟವಾಗುವ ರೀತಿ ನಡೆದುಕೊಳ್ಳುತ್ತೀರಿ. ಇದರಿಂದ ನಿಮ್ಮ ಸಂಬಂಧದಲ್ಲಿ ಇನ್ನಷ್ಟು ಸಕಾರಾತ್ಮಕ ವಿಷಯಗಳು ಸೇರ್ಪಡೆ ಆಗುತ್ತವೆ. ವಾರದ ಮಧ್ಯ ಭಾಗದಲ್ಲಿ ಹೂಡಿಕೆ ಮತ್ತು ವಿದೇಶ ವ್ಯವಹಾರದಲ್ಲಿ ಸ್ಥಿರವಾದ ಪ್ರಗತಿಯನ್ನು ಕಾಣಲಿದ್ದೀರಿ. ಸೋದರ ಸಂಬಂಧಿಗಳ ಜತೆಗೆ ಉತ್ತಮವಾದ ಸಮಯವನ್ನು ಕಳೆಯಲಿದ್ದೀರಿ. ವಾರದ ಮಧ್ಯ ಭಾಗದಲ್ಲಿ ನಿಮ್ಮ ಆರೋಗ್ಯ ಉತ್ತಮವಾಗಿರುತ್ತದೆ. ವಾರಾಂತ್ಯಕ್ಕೆ ವೈವಾಹಿಕ ಜೀವನದಲ್ಲಿ ಸಂತಸದ ಕ್ಷಣಗಳನ್ನು ನಿರೀಕ್ಷೆ ಮಾಡಬಹುದು.

ತುಲಾ: ಜೀವನಶೈಲಿ, ಜೀವನಮಟ್ಟ ಎರಡರಲ್ಲೂ ಪ್ರಗತಿ

ತುಲಾ: ಜೀವನಶೈಲಿ, ಜೀವನಮಟ್ಟ ಎರಡರಲ್ಲೂ ಪ್ರಗತಿ

ಸೇವಾ ವಲಯ ಹಾಗೂ ವ್ಯಾಪಾರ ಕ್ಷೇತ್ರದಲ್ಲಿ ಇರುವವರಿಗೆ ಈ ವಾರ ಅನುಕೂಲಕರವಾಗಿದೆ. ಈ ವಾರ ಮನೆಗೆ ಅಗತ್ಯ ಇರುವ ವಸ್ತುಗಳನ್ನು ಖರೀದಿ ಮಾಡುವ ಸಾಧ್ಯತೆಗಳಿವೆ. ಆರೋಗ್ಯವು ಉತ್ತಮವಾಗಿದ್ದು, ಉತ್ಸಾಹಭರಿತರಾಗಿ ಕಾಣಿಸಿಕೊಳ್ಳುತ್ತೀರಿ. ಈ ಹಿಂದಿನ ಆರೋಗ್ಯ ಸಮಸ್ಯೆಗಳು ನಿವಾರಣೆ ಆಗುತ್ತವೆ. ನಿರ್ದಿಷ್ಟ ಸಮಯದೊಳಗೆ ವೃತ್ತಿಪರವಾದ ಗುರಿಯನ್ನು ತಲುಪಬೇಕಾದ ಕೆಲಸವೊಂದು ನಿಮಗೆ ವಹಿಸಲಾಗುತ್ತದೆ. ವಾರದ ಮಧ್ಯ ಭಾಗದಲ್ಲಿ ನಿಮ್ಮ ಆರ್ಥಿಕ ಸ್ಥಿತಿ ಉತ್ತಮವಾಗಿರುತ್ತದೆ. ಈ ವಾರ ಹೆಚ್ಚುವರಿ ಆದಾಯ ಮೂಲದಿಂದ ಲಾಭವನ್ನು ಪಡೆಯುತ್ತೀರಿ. ನಿಮ್ಮ ಜೀವನಶೈಲಿ ಹಾಗೂ ಜೀವನಮಟ್ಟ್ ಎರಡರಲ್ಲೂ ಪ್ರಗತಿಯನ್ನು ಕಾಣಲಿದ್ದೀರಿ.

ಶೈಕ್ಷಣಿಕ ರಂಗದಲ್ಲಿ ಇರುವವರು ವಾರದ ಮಧ್ಯ ಭಾಗದಲ್ಲಿ ಕೀರ್ತಿ ಪಡೆಯುತ್ತೀರಿ. ನೀವೇನಾದರೂ ಕ್ರೀಡೆ ಹಾಗೂ ಸ್ಪರ್ಧಾತ್ಮಕ ಕ್ಷೇತ್ರದಲ್ಲಿ ಮುಂದುವರಿಯಲು ಬಯಸಿದಲ್ಲಿ ಅದಕ್ಕೆ ಬೇಕಾದ ಶ್ರಮವನ್ನು ಶೀಘ್ರವಾಗಿ ಹಾಕಬೇಕು. ವಾರಾಂತ್ಯದಲ್ಲಿ ಅನುಕೂಲಕರ ಅಲ್ಲದ ಫಲಿತಾಂಶವನ್ನು ಪಡೆಯುವ ಸಾಧ್ಯತೆ ಇದೆ. ಆದರೆ ವೈಯಕ್ತಿಕ ಸಂಬಂಧದಲ್ಲಿ ಒಗ್ಗಟ್ಟು ಹಾಗೂ ಬಾಂಧವ್ಯ ಹೆಚ್ಚಾಗಿರುತ್ತದೆ.

ವೃಶ್ಚಿಕ: ಹಲವು ಬಗೆಯಲ್ಲಿ ಅದೃಷ್ಟ ನಿಮ್ಮ ಗಮನಕ್ಕೆ ಬರುತ್ತದೆ

ವೃಶ್ಚಿಕ: ಹಲವು ಬಗೆಯಲ್ಲಿ ಅದೃಷ್ಟ ನಿಮ್ಮ ಗಮನಕ್ಕೆ ಬರುತ್ತದೆ

ಸಮಾಜದ ಒಳಿತಿಗಾಗಿ ನೀವು ಜಾರಿಗೆ ತರಬೇಕು ಅಂದುಕೊಂಡಿರುವ ಯೋಜನೆಯನ್ನು ಸ್ಥಿರವಾಗಿ ಜಾರಿಗೆ ತರಲು ಇದು ಸೂಕ್ತ ಕಾಲ. ನೀವು ಅಂದುಕೊಂಡ ರೀತಿಯಲ್ಲೇ ಅದನ್ನು ಕಾರ್ಯ ರೂಪಕ್ಕೆ ತರುವಲ್ಲಿ ಯಶಸ್ಸು ಕೂಡ ಸಾಧಿಸುತ್ತೀರಿ. ವಾರದ ಆರಂಭದಲ್ಲಿ ಹತ್ತಿರದ ಸ್ಥಳಗಳಿಗೆ ಅಥವಾ ತೀರ್ಥ ಕ್ಷೇತ್ರ ಪ್ರಯಾಣಕ್ಕೆ ತೆರಳುವ ಸಾಧ್ಯತೆ ಇದೆ. ಈ ವಾರ ಹಲವು ಬಗೆಯಲ್ಲಿ ಅದೃಷ್ಟ ನಿಮ್ಮ ಗಮನಕ್ಕೆ ಬರುತ್ತದೆ. ಸೋದರ- ಸೋದರಿಯರ ಜತೆಗೆ ಗಟ್ಟಿಯಾದ ಬಾಂಧವ್ಯ ಏರ್ಪಡುತ್ತದೆ. ವಾರದ ಆರಂಭದಲ್ಲಿ ಆರೋಗ್ಯ ವಿಚಾರದಲ್ಲಿ ಮಿಶ್ರ ಫಲವನ್ನು ಕಾಣಲಿದ್ದೀರಿ. ಆ ನಂತರ ಸುಧಾರಣೆ ಕಂಡು, ಆರೋಗ್ಯದಲ್ಲಿ ಸ್ಥಿರತೆ ಸಾಧ್ಯವಾಗುತ್ತದೆ.

ನಿತ್ಯದ ಕೆಲಸ-ಕಾರ್ಯಗಳಲ್ಲಿ ಸ್ಥಿರತೆ ಕಾಯ್ದುಕೊಳ್ಳುವ ಪ್ರಯತ್ನ ಮಾಡುತ್ತೀರಿ. ಸೇವಾ ವಲಯದಲ್ಲಿ ಕಾರ್ಯ ನಿರ್ವಹಿಸುವವರಿಗೆ ವಾರದ ಮಧ್ಯ ಭಾಗದಲ್ಲಿ ಬಡ್ತಿ ಸಿಗಬಹುದು. ನಿಮ್ಮ ಬೌದ್ಧಿಕ ಸಾಮರ್ಥ್ಯವನ್ನು ದೊಡ್ಡದೊಂದು ವೇದಿಕೆಯಲ್ಲಿ ವಾರಾಂತ್ಯಕ್ಕೆ ಹೊಗಳುತ್ತಾರೆ. ಸ್ಪರ್ಧಾತ್ಮಕ ಹಾಗೂ ಕ್ರೀಡಾ ಕ್ಷೇತ್ರದಲ್ಲಿ ದೊಡ್ಡ ಯಶಸ್ಸು ಸಾಧಿಸುತ್ತೀರಿ. ವಾರಾಂತ್ಯದಲ್ಲಿ ವೈಯಕ್ತಿಕ ಸಂಬಂಧದಲ್ಲಿ ಸುಮಧುರ ಕ್ಷಣಗಳನ್ನು ಕಳೆಯಲಿದ್ದೀರಿ.

ಧನುಸ್ಸು: ಅನಿರೀಕ್ಷಿತವಾದ ಲಾಭ ದೊರೆಯಲಿದೆ

ಧನುಸ್ಸು: ಅನಿರೀಕ್ಷಿತವಾದ ಲಾಭ ದೊರೆಯಲಿದೆ

ವಾರದ ಆರಂಭದಿಂದಲೇ ಶ್ರೀಮಂತಿಕೆ ಹಾಗೂ ಅನಿರೀಕ್ಷಿತವಾದ ಲಾಭ ನಿಮ್ಮನ್ನು ಹುಡುಕಿಕೊಂಡು ಬರಲಿದೆ. ಅದರಲ್ಲೂ ಪಿತ್ರಾರ್ಜಿತ ಆಸ್ತಿಯಿಂದ ಲಾಭವಾಗುವ ಸಾಧ್ಯತೆಗಳಿವೆ. ವಾರದ ಮೊದಲ ಹಾಗೂ ಮಧ್ಯ ಭಾಗದಲ್ಲಿ ನಿಮ್ಮ ಸಾಮಾಜಿಕ ಹಾಗೂ ಕೌಟುಂಬಿಕ ಬದುಕಿನ ವಿಸ್ತರಣೆಗೆ ಅನುಕೂಲಕರವಾಗಿದೆ. ಈ ವಾರ ನಿಮ್ಮ ಪಾಲಿಗೆ ಅದೃಷ್ಟದ ಬೆಂಬಲ ಇರುತ್ತದೆ. ಪುಣ್ಯ ಕ್ಷೇತ್ರಗಳಿಗೆ ತೆರಳುವ ಸಂಬಂಧವಾಗಿ ಯೋಜನೆಯನ್ನು ಅಂತಿಮಗೊಳಿಸಲಿದ್ದೀರಿ. ಅನಿರೀಕ್ಷಿತವಾಗಿ ಮೂಲಗಳಿಂದ ಸಣ್ಣ ಪ್ರಮಾಣದಲ್ಲಾದರೂ ನಿಮಗೆ ಸಂಪತ್ತು ದೊರೆಯುವ ಸಾಧ್ಯತೆಗಳಿವೆ. ಆರೋಗ್ಯದ ವಿಚಾರದಲ್ಲಿ ವಾರದ ಮೊದಲ ಹಾಗೂ ಮಧ್ಯ ಭಾಗ ಅನುಕೂಲಕರವಾಗಿಲ್ಲ.

ಅನಾರೋಗ್ಯಕರವಾದ ಆಹಾರ ಪದ್ಧತಿ ಹಾಗೂ ಸೇವನೆ ಮಾಡಬಾರದು. ವಾರಾಂತ್ಯದ ಹೊತ್ತಿಗೆ ಆರೋಗ್ಯ ಸುಧಾರಿಸುತ್ತದೆ. ಈ ಹಿಂದಿನ ಆರೋಗ್ಯ ಸಮಸ್ಯೆಗಳು ಇದ್ದರೂ ಅವು ನಿವಾರಣೆ ಆಗುತ್ತವೆ. ವೃತ್ತಿಪರವಾಗಿ ಅತಿ ಹೆಚ್ಚು ಲಾಭವನ್ನು ಕಾಣಲಿದ್ದೀರಿ. ಸರಕಾರಿ ಅಥವಾ ಖಾಸಗಿ ವಲಯದಲ್ಲಿ ನೀಡಿದ ಸಂದರ್ಶನಗಳಲ್ಲಿ ಯಶಸ್ಸು ಕಾಣುತ್ತೀರಿ. ವೃತ್ತಿ ಬದುಕಿನಲ್ಲಿ ಸಕಾರಾತ್ಮಕ ಬೆಳವಣಿಗೆಗಳು ವಾರಾಂತ್ಯದಲ್ಲಿ ಕಂಡುಬರಲಿವೆ.

ಮಕರ: ಹೆಸರಾಂತ ಸಂಸ್ಥೆಯಲ್ಲಿ ಹೆಸರು, ಕೀರ್ತಿ ಗಳಿಸುವ ಅವಕಾಶ

ಮಕರ: ಹೆಸರಾಂತ ಸಂಸ್ಥೆಯಲ್ಲಿ ಹೆಸರು, ಕೀರ್ತಿ ಗಳಿಸುವ ಅವಕಾಶ

ನಿಮ್ಮ ಆರೋಗ್ಯ ಹಾಗೂ ಆರ್ಥಿಕ ಸ್ಥಿತಿ ಉತ್ತಮವಾಗಿರುತ್ತದೆ. ವಾರದ ಮೊದಲ ಭಾಗದಲ್ಲಿ ಈ ಹಿಂದಿನ ಆರೋಗ್ಯ ಸಮಸ್ಯೆಗಳು ನಿವಾರಣೆ ಆಗುತ್ತವೆ. ಒಂದು ನಿರ್ದಿಷ್ಟವಾದ ಜೀವನ ಪದ್ಧತಿ ಅಳವಡಿಸಿಕೊಳ್ಳುವಲ್ಲಿ ಆಸಕ್ತಿ ವಹಿಸುತ್ತೀರಿ. ವಾರದ ಆರಂಭದಿಂದಲೇ ನಿಮ್ಮ ವೈವಾಹಿಕ ಜೀವನದಲ್ಲಿ ಸಕಾರಾತ್ಮಕ ಸಂಗತಿಗಳು ಒಳಗೊಂಡಿರುತ್ತವೆ. ಕೌಟುಂಬಿಕ ಸಮಸ್ಯೆಗಳು ಇದ್ದಲ್ಲಿ ಸಂಗಾತಿ ಜತೆಗೆ ಮಾತನಾಡಿ, ಅವುಗಳನ್ನು ನಿವಾರಿಸಿಕೊಳ್ಳಲು ಸಫಲರಾಗುತ್ತೀರಿ. ಸೇವಾ ವಲಯದಲ್ಲಿ ಕಾರ್ಯ ನಿರ್ವಹಿಸುವವರಿಗೆ ಹಾಗೂ ವೃತ್ತಿಪರರಿಗೆ ತೃಪ್ತಿದಾಯಕವಾದ ಬೆಳವಣಿಗೆ ಇರುತ್ತದೆ. ವಾರದ ಮಧ್ಯ ಭಾಗದಲ್ಲಿ ಪಿತ್ರಾರ್ಜಿತವಾದ ಆಸ್ತಿಯಿಂದ ಲಾಭ ದೊರೆಯಲಿದೆ.

ನೀವೇನಾದರೂ ಸಾಲ ನೀಡಿದ್ದರೆ ಅದನ್ನು ವಸೂಲಿ ಮಾಡುವಲ್ಲಿ ಯಶಸ್ವಿ ಆಗುತ್ತೀರಿ. ಹೂಡಿಕೆ ಹಾಗೂ ವಿದೇಶ ವ್ಯವಹಾರಗಳಿಗೆ ವಾರದ ಮಧ್ಯ ಭಾಗ ಅನುಕೂಲಕರವಾಗಿದೆ. ಇದೇ ವಿಚಾರಕ್ಕೆ ಸಂಬಂಧಿಸಿದಂತೆ ಕಾನೂನು ಕಟ್ಲೆ ವ್ಯವಹಾರಗಳು ಇದ್ದಲ್ಲಿ ಅದರಲ್ಲಿನ ಬೆಳವಣಿಗೆಗಳ ಬಗ್ಗೆ ಸರಿಯಾದ ಕಣ್ಣಿಡಿ. ಇಲ್ಲದಿದ್ದರೆ ನಷ್ಟ ಅನುಭವಿಸಬೇಕಾಗುತ್ತದೆ. ವಾರಾಂತ್ಯದಲ್ಲಿ ಅದೃಷ್ಟ ನಿಮ್ಮ ಕೈ ಹಿಡಿಯಲಿದೆ. ಹೆಸರಾಂತ ಸಂಸ್ಥೆಯಲ್ಲಿ ಹೆಸರು ಹಾಗೂ ಕೀರ್ತಿ ಗಳಿಸುವ ಅವಕಾಶ ನಿಮ್ಮ ಪಾಲಿಗಿದೆ.

ಕುಂಭ: ದೀರ್ಘ ಪ್ರಯಾಣ ಮಾಡುವ ಯೋಗವಿದೆ

ಕುಂಭ: ದೀರ್ಘ ಪ್ರಯಾಣ ಮಾಡುವ ಯೋಗವಿದೆ

ಈ ವಾರ ದೀರ್ಘ ಪ್ರಯಾಣ ಮಾಡುವ ಯೋಗ ಕಂಡು ಬರುತ್ತಿದೆ. ಹೂಡಿಕೆ, ವಿದೇಶ ವ್ಯವಹಾರ, ವ್ಯಾಪಾರ ಹಾಗೂ ಸೇವಾ ವಲಯದಲ್ಲಿ ಕಾರ್ಯ ನಿರ್ವಹಿಸುವವರಿಗೆ ಉತ್ತಮ ಪ್ರಗತಿ ಇದೆ. ಈ ವಾರ ಆರೋಗ್ಯದಲ್ಲಿ ಏರುಪೇರು ಕಂಡುಬರಬಹುದು. ವಾರದ ಮಧ್ಯ ಭಾಗದಲ್ಲಿ ಆರೋಗ್ಯದಲ್ಲಿ ಸಕಾರಾತ್ಮಕ ಬದಲಾವಣೆ ಆಗಲಿದೆ. ಮತ್ತೆ ನಿಮ್ಮ ಆರೋಗ್ಯ ಸ್ಥಿತಿ ಉತ್ತಮವಾಗುತ್ತದೆ. ನೀವು ಹೆಚ್ಚು ಉತ್ಸಾಹ ಹಾಗೂ ಸಕಾರಾತ್ಮಕವಾಗಿ ಕಾಣಿಸಿಕೊಳ್ಳಲಿದ್ದೀರಿ. ವೈವಾಹಿಕ ಜೀವನ ಕೂಡ ಅತ್ಯುತ್ತಮವಾಗಿ ಇರುತ್ತದೆ. ವಾರದ ಮಧ್ಯ ಭಾಗದಲ್ಲಿ ನಿಮ್ಮ ಸಂಗಾತಿಯನ್ನು ಸಂತುಷ್ಟಗೊಳಿಸಲಿದ್ದೀರಿ.

ನಿಮಗೆ ಅಚ್ಚುಮೆಚ್ಚಿನ ಸ್ಥಳವೊಂದಕ್ಕೆ ತೆರಳುವ ಸಾಧ್ಯತೆಗಳಿವೆ. ವಾರಾಂತ್ಯಕ್ಕೆ ಪಿತ್ರಾರ್ಜಿತವಾದ ಆಸ್ತಿ ವ್ಯಾಜ್ಯವೊಂದನ್ನು ಬಗೆಹರಿಸಲು ಸಫಲರಾಗುತ್ತೀರಿ. ದುಬಾರಿ ವಸ್ತುವೊಂದನ್ನು ಪಡೆಯುವ ಅವಕಾಶ ಇದೆ. ನಿಮ್ಮ ಎದುರಾಳಿಗಳಿಗೆ ತಕ್ಕ ಪ್ರತ್ಯುತ್ತರ ನೀಡುವಲ್ಲಿ ಸಫಲರಾಗುತ್ತೀರಿ. ವಿದೇಶ ವ್ಯವಹಾರ ಹಾಗೂ ಹೂಡಿಕೆಯಲ್ಲಿ ಸಕಾರಾತ್ಮಕ ಫಲಿತಾಂಶವನ್ನು ಕಾಣಲಿದ್ದೀರಿ.

ಮೀನ: ಹಣಕಾಸಿನ ವಿಚಾರದಲ್ಲಿ ಹಿಡಿತ ಸಾಧಿಸುತ್ತೀರಿ

ಮೀನ: ಹಣಕಾಸಿನ ವಿಚಾರದಲ್ಲಿ ಹಿಡಿತ ಸಾಧಿಸುತ್ತೀರಿ

ಬೌದ್ಧಿಕ ಹಾಗೂ ಶೈಕ್ಷಣಿಕವಾಗಿ ನಿಮ್ಮಲ್ಲಿ ಮಹತ್ತರವಾದ ಬದಲಾವಣೆ ಆಗಲಿದೆ. ಈ ಇಲಾಖೆಗಳಲ್ಲಿ ಇರುವವರು ಹೆಸರು ಹಾಗೂ ಕೀರ್ತಿಯನ್ನು ಸಂಪಾದಿಸುತ್ತೀರಿ. ಕ್ರೀಡೆ, ಸ್ಪರ್ಧಾತ್ಮಕ ಕ್ಷೇತ್ರಗಳಲ್ಲೂ ಅನುಕೂಲಕರವಾದ ಸನ್ನಿವೇಶ ಇದೆ. ಅನಿರೀಕ್ಷಿತವಾದ ಮೂಲಗಳಿಂದ ಹಣ ಹಾಗೂ ಕೀರ್ತಿ ಸಂಪಾದಿಸುತ್ತೀರಿ. ವಾರದ ಆರಂಭದಿಂದಲೇ ಹಣಕಾಸು ವಿಚಾರದಲ್ಲಿ ಹಿಡಿತವನ್ನು ಸಾಧಿಸುತ್ತೀರಿ. ಹೆಚ್ಚುವರಿ ಆದಾಯ ಮೂಲದಿಂದ ಸಮಾಧಾನಕರವಾದ ಪ್ರತಿಫಲ ದೊರೆಯಲಿದೆ. ವೈಯಕ್ತಿಕ ಸಂಬಂಧದಲ್ಲಿ ಸುಮಧುರವಾದ ಕ್ಷಣಗಳನ್ನು ಅನುಭವಿಸಲಿದ್ದೀರಿ. ಪ್ರೀತಿ-ಪ್ರೇಮ ವಿಚಾರದಲ್ಲಿ ಭಿನ್ನಾಭಿಪ್ರಾಯಗಳು ಇದ್ದಲ್ಲಿ ಅವುಗಳನ್ನು ಬಗೆಹರಿಸಿಕೊಳ್ಳಲು ಸೂಕ್ತವಾದ ಕಾಲ ಇದು.

ಆರ್ಥಿಕ ಹೂಡಿಕೆ ಹಾಗೂ ವಿದೇಶ ವ್ಯವಹಾರಗಳಿಗೆ ವಾರದ ಮಧ್ಯ ಭಾಗದಲ್ಲಿ ಹೆಚ್ಚು ಅನುಕೂಲಕರವಾದ ಸಮಯ ಇದೆ. ನಿಮ್ಮ ಶತ್ರುಗಳನ್ನು ಮಣಿಸುವ ಅವಕಾಶ ಹೆಚ್ಚಿದೆ. ಆರೋಗ್ಯ ವಿಚಾರದಲ್ಲಿ ಏರಿಳಿತ ಇರುತ್ತದೆ. ವಾರದ ಕೊನೆಯ ಭಾಗದಲ್ಲಿ ಸಕಾರಾತ್ಮಕವಾದ ಫಲಿತಾಂಶವನ್ನು ನಿರೀಕ್ಷೆ ಮಾಡಬಹುದು.

lok-sabha-home

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Read your Weekly forecast on the horoscope provided by Oneindia Kannada. We provide online free weekly prediction including your personal, professional and love life.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more