• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಮಾರ್ಚ್ 15ರ ಶುಕ್ರವಾರದ ದ್ವಾದಶ ರಾಶಿಗಳ ದಿನ ಭವಿಷ್ಯ

By ಹರೀಶ್ ಶಾಸ್ತ್ರಿ ಗುರೂಜಿ
|
      Daily Astrology 15/03/2019 : 12 ರಾಶಿಚಕ್ರಗಳ ದಿನ ಭವಿಷ್ಯ | Oneindia Kannada

      ನಮ್ಮ ಪಾಲಿಗೆ ದಿನ ಶುರುವಾಗೋದು ಮೊಬೈಲ್ ನಲ್ಲಿ ಬಂದ ವಾಟ್ಸ್ ಆಪ್ ಮೆಸೇಜುಗಳನ್ನು ನೋಡುವುದರ ಮೂಲಕ ಅನ್ನೋರು ಇರುವ ಹಾಗೆಯೇ ದಿನ ಭವಿಷ್ಯ ತಿಳಿದುಕೊಂಡ ಮೇಲೆ ಮುಂದಿನ ಕೆಲಸ ಅಂತ ಹೇಳುವವರೂ ಇದ್ದಾರೆ. ಯಾವತ್ತೂ ಗಾಡಿ ಓಡಿಸ್ತಾ ಬಿದ್ದಿರಲಿಲ್ಲ, ಇವತ್ತು ಬಿದ್ದುಬಿಟ್ಟೆ. ಅದೇನು ಗ್ರಹಚಾರವೋ ಎಂದು ಹಳಿಯುವುದು ಬೇಡ.

      ಅದ್ಯಾವ ಸಮಯದಲ್ಲಿ ಮನೆ ಬಿಟ್ಟೆನೋ ಎಲ್ಲ ಕೆಲಸ ಸಲೀಸಾಗಿ ಆಯಿತು ಎಂದು ಪ್ರತಿ ದಿನವೂ ನೀವು ಖುಷಿ ಪಡುವಂತಾಗಬೇಕು. ಆದ್ದರಿಂದಲೇ ಒನ್ಇಂಡಿಯಾ ಕನ್ನಡದಲ್ಲಿ ಬರುವ ದಿನ ಭವಿಷ್ಯದ ಮೇಲೆ ಒಮ್ಮೆ ಕಣ್ಣಾಡಿಸಿ. ಹ್ಞಾಂ, ಜತೆಗೆ ರಾಹುಕಾಲ, ಗುಳಿಕ ಕಾಲ, ಯಮಕಂಟಕ ಕಾಲ ಯಾವುದು ಅಂತಲೂ ತಿಳಿದುಕೊಳ್ಳಿ..

      ಜ್ಯೋತಿಷ್ಯ: ಗ್ರಹಗಳು ನಿಮ್ಮ ಜೀವನದಲ್ಲಿ ಒಳಿತು-ಕೆಡುಕು ಮಾಡೋದು ಹೇಗೆ?

      ಮನೆ ಬಿಡುವಾಗ ಒಂದೈದು ನಿಮಿಷ ಮುಂಚಿತವಾಗಿ ಹೊರಡಬಹುದು ಅಥವಾ ಅಶುಭ ಕಾಲ ಮುಗಿದ ಒಂದೈದು ನಿಮಿಷದ ನಂತರ ಹೊರಡಲು ಯೋಚಿಸಬಹುದಲ್ಲವೆ? ಇವೆಲ್ಲ ಮೂಢನಂಬಿಕೆ ಕಣ್ರೀ, ಅದೆಲ್ಲ ಹೇಳೋಕೆ ಬರಬೇಡಿ ಅನ್ನುವವರಿಗೆ ನಮ್ಮ ಯಾವುದೇ ಒತ್ತಾಯ ಇಲ್ಲ. ಆದರೆ ಇವನ್ನೆಲ್ಲ ಅನುಸರಿಸಿದರೆ ಒಳಿತಾಗುತ್ತದೆ ಎಂದು ನಂಬುವವರಿಗಂತೂ ಇದರಿಂದ ಸಹಾಯ ಆಗೇ ಆಗುತ್ತದೆ ಎಂಬ ಬಲವಾದ ನಂಬಿಕೆ ನಮ್ಮದು.

      ನಿಮ್ಮ ಅದೃಷ್ಟ ಸಂಖ್ಯೆ ತಿಳಿದುಕೊಳ್ಳುವುದು ಹೇಗೆ?

      ಒಳ್ಳೆಯದು ಎಲ್ಲರಿಗೂ ಆಗಲಿ. ಸರ್ವೇ ಜನಾಃ ಸುಖಿನೋ ಭವಂತು ಎಂಬುದು ಭಾರತೀಯ ಪರಂಪರೆಯಲ್ಲಿನ ಆಶಯ. ಈ ದಿನದ ಪಂಚಾಂಗದ ಮುಖ್ಯ ವಿವರ, ನಿಮ್ಮ ಹಾಗೂ ನಿಮಗೆ ಬೇಕಾದವರ ದಿನದ ಭವಿಷ್ಯವನ್ನು ಓದಿಕೊಳ್ಳಿ.

      ಶ್ರೀ ವಿಳಂಬಿನಾಮ ಸಂವತ್ಸರ

      ಉತ್ತರಾಯಣ

      ಶಿಶಿರ ಋತು

      ಫಾಲ್ಗುಣ ಮಾಸ

      ಶುಕ್ಲ ಪಕ್ಷ

      ನವಮಿ

      ಆರಿದ್ರಾ ನಕ್ಷತ್ರ

      ಶುಕ್ರವಾರ

      ರಾಹುಕಾಲ: ಬೆಳಗ್ಗೆ 10.56ರಿಂದ ಮಧ್ಯಾಹ್ನ 12.27

      ಯಮಗಂಡ ಕಾಲ: ಮಧ್ಯಾಹ್ನ 3.27ರಿಂದ ಸಂಜೆ 4.57

      ಮೇಷ: ಯಾವುದೇ ಕೆಲಸಕ್ಕೆ ಕೈ ಹಾಕಿದರೂ ಜಯ ಪ್ರಾಪ್ತಿ

      ಮೇಷ: ಯಾವುದೇ ಕೆಲಸಕ್ಕೆ ಕೈ ಹಾಕಿದರೂ ಜಯ ಪ್ರಾಪ್ತಿ

      ರೈತರಿಗೆ ಅದ್ಭುತವಾದ ಫಲಗಳನ್ನು ನೀಡುವಂಥ ದಿನ. ಗೃಹಿಣಿಯರಿಗೆ ತೃಪ್ತಿದಾಯಕವಾಗಿರುತ್ತದೆ. ಯಾವುದೇ ಕೆಲಸಕ್ಕೆ ಕೈ ಹಾಕಿದರೂ ಜಯ ಪ್ರಾಪ್ತಿ ಆಗಲಿದೆ. ಸಾಲ ಬಾಧೆಗಳು ನಿವಾರಣೆ ಆಗುವ ಸಾಧ್ಯತೆ ಹೆಚ್ಚು. ಒಟ್ಟಾರೆ ಇಂದು ಶುಭ ದಿನ.

      ವೃಷಭ: ನಂಬಿಕಸ್ಥರಿಂದ ಮೋಸ ಸಾಧ್ಯತೆ

      ವೃಷಭ: ನಂಬಿಕಸ್ಥರಿಂದ ಮೋಸ ಸಾಧ್ಯತೆ

      ದೂರ ಪ್ರಯಾಣ ಸಾಧ್ಯತೆ ಇದೆ. ನಂಬಿಕಸ್ಥರಿಂದ ಮೋಸ ಆಗಬಹುದು. ಇನ್ನು ಪ್ರಯಾಣ ಕೂಡ ಸುಖಕರವಾಗಿ ಇರುವುದಿಲ್ಲ. ಹಾಗಾಗಿ ಮುಂಚಿತವಾಗಿಯೇ ನಿಮ್ಮ ಕೆಲಸಗಳಲ್ಲಿ ಯೋಜನೆ ರೂಪಿಸಿ. ಮೂರನೇ ವ್ಯಕ್ತಿಗಳಿಂದ ಎಚ್ಚರವಾಗಿರಿ. ಯೋಚಿಸಿ ನಿರ್ಧಾರಗಳನ್ನು ಕೈಗೊಳ್ಳಿ. ಶಕ್ತಿ ದೇವತೆ ದೇವಸ್ಥಾನದಲ್ಲಿ ಪ್ರಾರ್ಥನೆ ಸಲ್ಲಿಸಿ, ದೋಷ ನಿವಾರಣೆ ಆಗುತ್ತದೆ.

      ಮಿಥುನ: ಬಂಗಾರ-ಬೆಳ್ಳಿ ಖರೀದಿ ಸಾಧ್ಯತೆ

      ಮಿಥುನ: ಬಂಗಾರ-ಬೆಳ್ಳಿ ಖರೀದಿ ಸಾಧ್ಯತೆ

      ವಿದ್ಯಾರ್ಥಿಗಳಿಗೆ ಅದ್ಬುತವಾದ ಫಲವನ್ನು ಕೊಡುವಂಥ ದಿನ. ಸ್ತ್ರೀಯರಿಗೆ ಬಹಳ ಅನುಕೂಲ ಒದಗಿ ಬರುತ್ತದೆ. ಕೌಟುಂಬಿಕ ಸೌಖ್ಯ ಇದೆ. ನಿಮ್ಮ ಮಾತಿಗೆ ಬೆಲೆ ಇರುತ್ತದೆ. ಬಂಗಾರ-ಬೆಳ್ಳಿಯಂಥ ಲೋಹ ಹಾಗೂ ಗೃಹಾಲಂಕಾರ ವಸ್ತುಗಳನ್ನು ಖರೀದಿ ಮಾಡುವ ಸಾಧ್ಯತೆ ಇದೆ. ಆರೋಗ್ಯದಲ್ಲಿ ವೃದ್ಧಿ ಹಾಗೂ ಉತ್ತಮ ಪ್ರಗತಿ ಇದೆ.

      ಕರ್ಕಾಟಕ: ಬಂಧುಗಳ ಆಗಮನದಿಂದ ಮನಸಿಗೆ ಸಂತೋಷ

      ಕರ್ಕಾಟಕ: ಬಂಧುಗಳ ಆಗಮನದಿಂದ ಮನಸಿಗೆ ಸಂತೋಷ

      ದೇವಾಲಯ ದರ್ಶನ ಇದೆ. ಮಾನಸಿಕ ನೆಮ್ಮದಿ. ಆರೋಗ್ಯದಲ್ಲಿ ವೃದ್ಧಿಯನ್ನು ಕಾಣಲಿದ್ದೀರಿ. ಬಂಧುಗಳ ಆಗಮನದಿಂದ ಮನಸಿಗೆ ಸಂತೋಷ. ವಿದೇಶ ಪ್ರಯಾಣಕ್ಕೆ ಅನುಕೂಲಕರ ಸನ್ನಿವೇಶ ಸೃಷ್ಟಿ ಆಗುತ್ತದೆ. ಒಟ್ಟಾರೆಯಾಗಿ ಇಂದು ಶುಭ ದಿನ.

      ಸಿಂಹ: ಅದೃಷ್ಟದ ಬಲದಿಂದ ಹಣ ಸಂಗ್ರಹ

      ಸಿಂಹ: ಅದೃಷ್ಟದ ಬಲದಿಂದ ಹಣ ಸಂಗ್ರಹ

      ಅದೃಷ್ಟದ ದಿನವಿದು. ಅದೃಷ್ಟದ ಬಲದಿಂದ ಹಣ ಸಂಗ್ರಹ ಆಗಲಿದೆ. ಸಾಲ ಬಾಧೆ ನಿವಾರಣೆ ಆಗಲಿದೆ. ಹಲವಾರು ಉತ್ತಮ ಫಲಗಳನ್ನು ಪಡೆಯುತ್ತೀರಿ. ರಾಜಕೀಯ ವ್ಯಕ್ತಿಗಳಿಗೆ ಉತ್ತಮವಾದ ದಿನ. ಹಿರಿಯರ ಆಶೀರ್ವಾದ ದೊರೆಯಲಿದೆ. ಈ ದಿನದ ಅದೃಷ್ಟವನ್ನು ಸರಿಯಾಗಿ ಬಳಸಿಕೊಂಡರೆ ಯಶಸ್ಸು ನಿಮ್ಮದಾಗುತ್ತದೆ.

      ಕನ್ಯಾ: ಶ್ರೀಮಂತಿಕೆ ಕನಸು ನನಸಾಗಲಿದೆ

      ಕನ್ಯಾ: ಶ್ರೀಮಂತಿಕೆ ಕನಸು ನನಸಾಗಲಿದೆ

      ಒಳ್ಳೆಯ ವಾತಾವರಣ ದೊರೆಯಲಿದೆ. ದಾನ- ಧರ್ಮ ಮಾಡುವಂಥ ಮನಸ್ಸು ನಿಮ್ಮದಾಗುತ್ತದೆ. ಶ್ರೀಮಂತಿಕೆ ಕನಸುಗಳು ನನಸಾಗುವ ಸಾಧ್ಯತೆ ಇದೆ. ಸಮಾಜದಲ್ಲಿ ಉತ್ತಮ ಸ್ಥಾನ-ಮಾನ, ಗೌರವ. ಆರೋಗ್ಯದಲ್ಲಿ ವೃದ್ಧಿ ಇದೆ. ಮಕ್ಕಳಿಂದ ಸಂತೋಷ ಪಡೆಯುತ್ತೀರಿ.

      ತುಲಾ: ಬಂಡವಾಲ ಹೂಡಿಕೆಗೆ ಶುಭ ದಿನ

      ತುಲಾ: ಬಂಡವಾಲ ಹೂಡಿಕೆಗೆ ಶುಭ ದಿನ

      ಬಂಡವಾಳ ಹೂಡಿಕೆಗೆ ಅದ್ಭುತವಾದ ದಿನ. ಬಹಳ ಒಳ್ಳೆ ಫಲವನ್ನು ಅನುಭವಿಸುತ್ತೀರಿ. ಪಾಲುದಾರಿಕೆ ವ್ಯವಹಾರದಲ್ಲಿ ಶುಭ ಫಲ ಇದೆ. ಸಕಾರಾತ್ಮಕವಾಗಿ ಆಲೋಚನೆ ಮಾಡಿ. ಉತ್ತಮವಾದ ಪ್ರಗತಿ ಇದೆ. ಯಾವುದಕ್ಕೂ ಆತಂಕ ಪಡುವ ಅಗತ್ಯ ಇಲ್ಲ.

      ವೃಶ್ಚಿಕ: ನೂತನ ವಾಹನ ಸೌಖ್ಯ

      ವೃಶ್ಚಿಕ: ನೂತನ ವಾಹನ ಸೌಖ್ಯ

      ಷೇರು ವ್ಯವಹಾರಗಳಲ್ಲಿ ಅನುಕೂಲ ಆಗಲಿದೆ. ಧನ ಲಾಭ ಪ್ರಾಪ್ತಿ. ಮಿತ್ರರಿಂದ ಸಹಾಯ ಪಡೆಯುತ್ತೀರಿ. ನೂತನ ವಾಹನ ಸೌಖ್ಯ ಇದೆ. ಆದರೆ ಪ್ರಯತ್ನ ಬಲವಾಗಿರಲಿ. ನಿಮ್ಮ ಪಾಲಿಗೆ ಯಶಸ್ಸು ದೊರೆಯಲಿದೆ. ಮನೆ ದೇವರ ಪ್ರಾರ್ಥನೆ ಮಾಡಿದರೆ ಮತ್ತಷ್ಟು ಯಶಸ್ಸು ದೊರೆಯಲಿದೆ.

      ಧನುಸ್ಸು: ಆರೋಗ್ಯದ ವಿಚಾರದಲ್ಲಿ ಜಾಗೃತಿ ಅಗತ್ಯ

      ಧನುಸ್ಸು: ಆರೋಗ್ಯದ ವಿಚಾರದಲ್ಲಿ ಜಾಗೃತಿ ಅಗತ್ಯ

      ನಕಾರಾತ್ಮಕವಾದ ಪರಿಣಾಮಗಳು ಆಗಬಹುದು. ಕೋರ್ಟ್-ಕಚೇರಿ ವ್ಯವಹಾರಗಳಲ್ಲಿ ಹಿನ್ನಡೆ ಆಗಬಹುದು. ಸೋಲಾಗುವ ಸಾಧ್ಯತೆ ಕೂಡ ಇದೆ. ಸ್ವಲ್ಪ ಎಚ್ಚರಿಕೆ ವಹಿಸುವುದು ಉತ್ತಮ. ಸಣ್ಣ- ಪುಟ್ಟ ಅಪಘಾತಗಳು ಆಗುವ ಸಾಧ್ಯತೆಗಳು ಕೂಡ ಇವೆ. ಶಸ್ತ್ರಚಿಕಿತ್ಸೆ ಆಗಬಹುದು. ಆರೋಗ್ಯದಲ್ಲಿ ತೊಂದರೆ ಆಗಬಹುದು. ಅದ್ದರಿಂದ ಎಚ್ಚರಿಕೆ ವಹಿಸುವುದು ಉತ್ತಮ. ದೋಷ ನಿವಾರಣೆಗೆ ದೇವಿ ಖಡ್ಗಮಾಲಾ ಸ್ತೋತ್ರ ಪಾರಾಯಣ ಮಾಡಿ.

      ಮಕರ: ಪಾಲುದಾರಿಕೆ ವ್ಯವಹಾರ ಮಾಡುವವರಿಗೆ ಸಣ್ಣ-ಪುಟ್ಟ ಗೊಂದಲ

      ಮಕರ: ಪಾಲುದಾರಿಕೆ ವ್ಯವಹಾರ ಮಾಡುವವರಿಗೆ ಸಣ್ಣ-ಪುಟ್ಟ ಗೊಂದಲ

      ಅದ್ಬುತವಾದ ಫಲಗಳು ದೊರೆಯುವ ದಿನ ಇದು. ಆದರೆ ಪಾಲುದಾರಿಕೆ ವ್ಯವಹಾರ ಮಾಡುವವರಿಗೆ ಮಾತ್ರ ಸಣ್ಣ-ಪುಟ್ಟ ಗೊಂದಲ ಏರ್ಪಡಬಹುದು. ವೈಮನಸ್ಯ-ಭಿನ್ನಾಭಿಪ್ರಾಯಗಳು ಇದ್ದಲ್ಲಿ ನಿವಾರಿಸಿಕೊಳ್ಳುವುದಕ್ಕೆ ಇಂದು ಸೂಕ್ತ ದಿನ.

      ಕುಂಭ: ಪ್ರಮೋಷನ್ ದೊರೆಯುವ ಸಾಧ್ಯತೆ

      ಕುಂಭ: ಪ್ರಮೋಷನ್ ದೊರೆಯುವ ಸಾಧ್ಯತೆ

      ಹೊಸ ಕೆಲಸ-ಕಾರ್ಯಗಳಲ್ಲಿ ಜಯ ಪ್ರಾಪ್ತಿ. ಈಗಾಗಲೇ ಆರಂಭಿಸಿದ ಕೆಲಸ-ಕಾರ್ಯಗಳಲ್ಲೂ ಉತ್ತಮವಾದ ಪ್ರಗತಿ ಇದೆ. ಪ್ರಮೋಷನ್ ದೊರೆಯುವ ಸಾಧ್ಯತೆ ಇದೆ. ದ್ರವ ಪದಾರ್ಥಕ್ಕೆ ಸಂಬಂಧಿಸಿದ ವ್ಯವಹಾರ- ವ್ಯಾಪಾರ ಮಾಡುವವರಿಗೆ ಉತ್ತಮ ಫಲ ಇದೆ.

      ಮೀನ: ಗೋ ಸೇವೆ ಮಾಡುವವರಿಗೆ ಉತ್ತಮ ಫಲ

      ಮೀನ: ಗೋ ಸೇವೆ ಮಾಡುವವರಿಗೆ ಉತ್ತಮ ಫಲ

      ಹೋಟೆಲ್ ಮಾಲೀಕರಿಗೆ, ಉದ್ಯಮಿಗಳಿಗೆ ಬಹಳ ಅನುಕೂಲಕರವಾದ ದಿನ. ಐಟಿ-ಬಿಟಿ ಉದ್ಯೋಗ ಮಾಡುತ್ತಿರುವವರಿಗೆ ಬಹಳ ಅನುಕೂಲ ಇದೆ. ಸಣ್ಣ-ಪುಟ್ಟ ವ್ಯಾಪಾರ ಮಾಡುತ್ತಿರುವವರಿಗೆ ಶುಭ ಫಲ. ಅಧಿಕ ಲಾಭ ದೊರೆಯಲಿದೆ. ಹಾಲು ವ್ಯಾಪಾರ ಮಾಡುವವರಿಗೆ ಶುಭ ಫಲ. ಗೋ ಸೇವೆ ಮಾಡುವವರಿಗೆ ಉತ್ತಮ ಫಲವಿದೆ.

      ಗುರೂಜಿ ಹರಿ ಶಾಸ್ತ್ರಿ ಅವರನ್ನು ವೈಯಕ್ತಿಕವಾಗಿ ಭೇಟಿಯಾಗಲು ಸಂಪರ್ಕ ಸಂಖ್ಯೆ 7996729783.

      ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

      ಇನ್ನಷ್ಟು astrology ಸುದ್ದಿಗಳುView All

      English summary
      Daily forecast for your zodiac signs. Get astrological predictions for the day, in Kannada Language by Well known Astrologer Harish Guruji.

      Oneindia ಬ್ರೇಕಿಂಗ್ ನ್ಯೂಸ್,
      ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

      Notification Settings X
      Time Settings
      Done
      Clear Notification X
      Do you want to clear all the notifications from your inbox?
      Settings X
      X
      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more