ಪ್ರಧಾನಿ ಮೋದಿಗೆ ಬಂದ 2,700ಕ್ಕೂ ಹೆಚ್ಚು ಉಡುಗೊರೆ ಸೆ. 14ರಿಂದ ಹರಾಜು
ನವದೆಹಲಿ, ಸೆಪ್ಟೆಂಬರ್ 11: ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರಿಗೆ ಉಡುಗೊರೆಯಾಗಿ ಬಂದಿರುವ 2,700ಕ್ಕೂ ಹೆಚ್ಚು ವಸ್ತುಗಳನ್ನು ಸೆಪ್ಟೆಂಬರ್ 14ನೇ ತಾರೀಕಿನಿಂದ ಆನ್ ಲೈನ್ ಮೂಲಕ ಹರಾಜು ಹಾಕಲಾಗುತ್ತದೆ ಎಂದು ಸಂಸ್ಕೃತಿ ಖಾತೆ ಸಚಿವ್ ಪ್ರಹ್ಲಾದ್ ಪಟೇಲ್ ಅವರು ತಿಳಿಸಿದ್ದಾರೆ.
ಒಟ್ಟು 2,772 ಉಡುಗೊರೆಗಳನ್ನು ಆನ್ ಲೈನ್ ಮೂಲಕ ಹರಾಜು ಹಾಕಲಾಗುವುದು ಎಂದು ಅವರು ತಿಳಿಸಿದ್ದಾರೆ. ಅತ್ಯಂತ ಕನಿಷ್ಠ ಮೊತ್ತದ ಆರಂಭಿಕ ಬಿಡ್ ಅಂದರೆ 200 ರುಪಾಯಿ ಹಾಗೂ ಅತ್ಯಂತ ಗರಿಷ್ಠ ಮೊತ್ತದ ಆರಂಬಿಕ ಬಿಡ್ ಅಂದರೆ 2.5 ಲಕ್ಷ ರುಪಾಯಿ ಎಂದು ಸಚಿವರು ಮಾಹಿತಿ ನೀಡಿದ್ದಾರೆ.
ಈ ವರ್ಷದ ಜನವರಿಯಲ್ಲಿ ಕೂಡ 1,800ಕ್ಕೂ ಹೆಚ್ಚು ಉಡುಗೊರೆಗಳನ್ನು ಹದಿನೈದು ದಿನಗಳ ಕಾಲ ಹರಾಜು ಹಾಕಲಾಗಿತ್ತು. ಆ ಮೂಲಕ ಸಂಗ್ರಹವಾದ ಹಣವನ್ನು ಕೇಂದ್ರ ಸರಕಾರವು ಹಮ್ಮಿಕೊಂಡಿರುವ ಗಂಗಾ ನದಿ ಸ್ವಚ್ಛತಾ ಅಭಿಯಾನದ ಕಾರ್ಯಕ್ರಮ 'ನಮಾಮಿ ಗಂಗೆ'ಗಾಗಿ ಬಳಸಿಕೊಳ್ಳಲಾಗಿತ್ತು.
Click it and Unblock the Notifications
Sign in with Google