ಅಮೀರ್ ಖಾನ್ ಲವ್ ಜಿಹಾದ್‌ನ ಬ್ರ್ಯಾಂಡ್‌ ಅಂಬಾಸಿಡರ್‌ ಎಂದ ಬಿಜೆಪಿ-ಶಿವಸೇನೆ ನಾಯಕರು

ಸಿನಿಮಾ ನೋಡುವ ಮುನ್ನ ಯೋಚಿಸಿ

ಇದಕ್ಕೂ ಮುನ್ನ ಶಿರಡಿಯಲ್ಲಿ ಮಾತನಾಡಿದ್ದ ಬಿಜೆಪಿ ನಾಯಕ ಹಾಗೂ ಮಹಾರಾಷ್ಟ್ರ ಸರ್ಕಾರದ ಸಚಿವ ನಿತೇಶ್ ರಾಣೆ, ಅಮೀರ್ ಖಾನ್ ಮದುವೆಯನ್ನು 'ಲವ್ ಜಿಹಾದ್'ನ ಹೊಸ ಆಯಾಮ ಎಂಬಂತೆ ಬಿಂಬಿಸಿದ್ದರು. ಪ್ರಸಿದ್ಧ ವ್ಯಕ್ತಿಗಳು ತಮ್ಮ ವೈಯಕ್ತಿಕ ಜೀವನದಲ್ಲಿ ಇಂತಹ ನಿರ್ಧಾರಗಳನ್ನು ತೆಗೆದುಕೊಂಡಾಗ ಹಿಂದೂ ಸಮಾಜವು ಅದರ ಬಗ್ಗೆ ಗಂಭೀರವಾಗಿ ಯೋಚಿಸಬೇಕಾಗುತ್ತದೆ. ಅಮೀರ್ ಖಾನ್ ಪ್ರತ್ಯಕ್ಷವಾಗಿ ಅಥವಾ ಪರೋಕ್ಷವಾಗಿ ಲವ್ ಜಿಹಾದ್‌ನ ಬ್ರ್ಯಾಂಡ್ ಅಂಬಾಸಿಡರ್ ಆಗುತ್ತಿಲ್ಲವೇ? ಅವರ ಸಿನಿಮಾಗಳನ್ನು ನೋಡಿ ಅವರನ್ನು ದೊಡ್ಡ ಮಟ್ಟಕ್ಕೆ ಬೆಳೆಸುವ ಹಿಂದೂ ಯುವಕರು ಇನ್ಮುಂದೆ ಎಚ್ಚೆತ್ತುಕೊಳ್ಳಬೇಕು. ಇಂತಹ ನಟರ ಚಿತ್ರಗಳನ್ನು ಚಿತ್ರಮಂದಿರಕ್ಕೆ ಹೋಗಿ ನೋಡಬೇಕೇ ಅಥವಾ ಬೇಡವೇ ಎಂಬುದನ್ನು ಹಿಂದೂ ಸಮಾಜ ನಿರ್ಧರಿಸುವ ಸಮಯ ಬಂದಿದೆ" ಎಂದು ರಾಣೆ ಹೇಳಿದ್ದರು.

ಮೂರನೇ ಬಾರಿ ಹಸೆಮಣೆ ಏರಿದ ಅಮೀರ್ ಖಾನ್: ಬೆಂಗಳೂರು ಮೂಲದ ಗೌರಿ ಸ್ಪ್ರ್ಯಾಟ್ ಜೊತೆ ಸರಳ ವಿವಾಹ

ಅಮೀರ್ ಖಾನ್ ಮೂರು ಮದುವೆ

ಜುಲೈ 5ರಂದು ಮುಂಬೈನ ಬಾಂದ್ರಾದಲ್ಲಿರುವ ತಮ್ಮ ಪಾಲಿ ಹಿಲ್ ನಿವಾಸದಲ್ಲಿ ಅಮೀರ್ ಖಾನ್ ಅವರು ವೆಲ್ನೆಸ್ ಮತ್ತು ಬ್ಯೂಟಿ ಉದ್ಯಮದ ಗೌರಿ ಸ್ಕ್ರಾಟ್ (Gauri Spratt) ಅವರೊಂದಿಗೆ ಆಪ್ತರ ಸಮ್ಮುಖದಲ್ಲಿ ಸರಳವಾಗಿ ಮದುವೆಯಾಗಿದ್ದರು. ಇದು ಆಮೀರ್ ಖಾನ್ ಅವರ ಮೂರನೇ ಮದುವೆಯಾಗಿದೆ. ಅಮೀರ್ ಖಾನ್ ಅವರ ಮೊದಲ ಮದುವೆ 1986ರಲ್ಲಿ ರೀನಾ ದತ್ತಾ ಅವರೊಂದಿಗೆ ನಡೆದಿತ್ತು. ಇಬ್ಬರೂ 2002ರಲ್ಲಿ ಪರಸ್ಪರ ಒಪ್ಪಿಗೆಯಿಂದ ವಿಚ್ಛೇದನ ಪಡೆದಿದ್ದರು. ಆ ಬಳಿಕ 2005ರಲ್ಲಿ ಚಲನಚಿತ್ರ ನಿರ್ದೇಶಕಿ ಕಿರಣ್ ರಾವ್ ಅವರನ್ನು ಕೈಹಿಡಿದಿದ್ದ ಅಮೀರ್, 2021ರಲ್ಲಿ ಅವರಿಂದಲೂ ಕಾನೂನಾತ್ಮಕವಾಗಿ ಬೇರ್ಪಟ್ಟಿದ್ದರು.

ಬಲಪಂಥೀಯ ಸಂಘಟನೆಗಳು 'ಲವ್ ಜಿಹಾದ್' ಅನ್ನು ಮುಸ್ಲಿಂ ಯುವಕರು ಇತರೆ ಧರ್ಮದ ಮಹಿಳೆಯರನ್ನು ವ್ಯವಸ್ಥಿತವಾಗಿ ಮದುವೆಯಾಗಿ ಮತಾಂತರ ಮಾಡುವ ಪ್ರಕ್ರಿಯೆ ಎಂದು ಆರೋಪಿಸುತ್ತಾ ಬಂದಿವೆ. ಈಗ ಬಾಲಿವುಡ್ ಸೂಪರ್ ಸ್ಟಾರ್ ವೈಯಕ್ತಿಕ ಜೀವನದ ಮದುವೆಯ ನಿರ್ಧಾರಕ್ಕೆ ರಾಜಕೀಯ ನಾಯಕರು ಈ ಆಯಾಮ ನೀಡಿರುವುದು ಸದ್ಯ ದೇಶಾದ್ಯಂತ ಪರ-ವಿರೋಧದ ಚರ್ಚೆಗೆ ಕಾರಣವಾಗಿದೆ.