ವಿದೇಶಿ ನೆಲದಲ್ಲಿ ಸರಣಿ ಜಯ: ಧೋನಿಗೆ ಸರಿಸಾಟಿ ಯಾರಿಲ್ಲ!

ಹರಾರೆ, ಜೂನ್ 16: ಭಾರತದ ಏಕದಿನ ಕ್ರಿಕೆಟ್ ತಂಡದ ನಾಯಕ ಎಂಎಸ್ ಧೋನಿ ಅವರು ಯುವ ತಂಡವನ್ನು ಸಮರ್ಥವಾಗಿ ಮುನ್ನಡೆಸಿ, ಜಿಂಬಾಬ್ವೆ ವಿರುದ್ಧ 3-0 ಕ್ಲೀನ್ ಸ್ವೀಪ್ ಸಾಧಿಸಿದ್ದು ಗೊತ್ತಿರಬಹುದು. ಮೊಟ್ಟ ಮೊದಲ ಬಾರಿಗೆ ವಿದೇಶಿ ನೆಲದಲ್ಲಿ ಸರಣಿ 'ವೈಟ್ ವಾಶ್ 'ಸಾಧಿಸಿದ್ದಾರೆ.

ಕ್ಯಾಪ್ಟನ್ ಕೂಲ್ ಧೋನಿ ಅವರು ನಾಯಕನಾಗಿ 107ನೇ ಏಕದಿನ ಪಂದ್ಯ ಗೆಲುವು ಸಾಧಿಸಿ (ಜೂನ್ 15) ಬಾರ್ಡರ್ ಅವರ ದಾಖಲೆ ಸಮಗೊಳಿಸಿದ್ದಲ್ಲದೆ, ಸರ್ವಕಾಲಿಕ ಶ್ರೇಷ್ಠ ನಾಯಕರ ಪಟ್ಟಿಯಲ್ಲಿ ಎರಡನೇ ಸ್ಥಾನಕ್ಕೇರಿದ್ದಾರೆ. [ಬಾರ್ಡರ್ 'ರೆಕಾರ್ಡ್ ಗೆರೆ' ಸಮಕ್ಕೆ ನಿಂತ ಧೋನಿ]

ಧೋನಿ ಅವರು ನಾಯಕರಾಗಿ 194 ಏಕದಿನ ಕ್ರಿಕೆಟ್ ಪಂದ್ಯಗಳಲ್ಲಿ ನಾಯಕತ್ವ ವಹಿಸಿ 107 ಪಂದ್ಯಗಳಲ್ಲಿ ಗೆಲುವು ಸಾಧಿಸಿದ್ದಾರೆ. 72 ಪಂದ್ಯಗಳಲ್ಲಿ ಭಾರತ ಸೋಲು ಕಂಡಿದೆ. [ಒಡಿಐನಲ್ಲಿ ವಿಕೆಟ್ ಕೀಪರ್ ಆಗಿ ಧೋನಿ ಹೊಸ ದಾಖಲೆ]

ವಿದೇಶಿ ನೆಲದಲ್ಲಿ ಸಾಧನೆ : 50 ಓವರ್ ಗಳ ಮಾದರಿಯಲ್ಲಿ ಧೋನಿ ಅವರು ಒಟ್ಟಾರೆ 13 ಸರಣಿ ಜಯ ದಾಖಲಿಸಿದ್ದಾರೆ. ಟಿ 20 ಪಂದ್ಯಗಳ ಪೈಕಿ 47 ಪಂದ್ಯಗಳಲ್ಲಿ 29 ಜಯ ಗಳಿಸಿಕೊಟ್ಟಿದ್ದಾರೆ.

ಧೋನಿ ಅವರ ನಾಯಕತ್ವದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಆಸ್ಟ್ರೇಲಿಯಾದಲ್ಲಿ ಟಿ 20 ಸರಣಿ ಹಾಗೂ ಬಾಂಗ್ಲಾದೇಶದಲ್ಲಿ ಏಷ್ಯಾ ಕಪ್ ಟಿ 20 ಕಪ್ ಗೆದ್ದರೆ, ಐಸಿಸಿ ವಿಶ್ವಟಿ20, 2016 ರ ಸೆಮಿಫೈನಲ್ ತಲುಪಿತ್ತು. [ಧೋನಿ ದಾಖಲೆ ಪುಡಿ ಮಾಡಿದ ಸೆಹ್ವಾಗ್]

ಐಸಿಸಿ ವಿಶ್ವಕಪ್ 2015 ನಲ್ಲಿ ಸತತ ಆರು ಪಂದ್ಯ ಗೆದ್ದ ಭಾರತ, ಸೆಮಿಫೈನಲ್ ನಲ್ಲಿ ಮುಗ್ಗರಿಸಿತ್ತು. ಒಟ್ಟಾರೆ ವಿದೇಶಿ ನೆಲದಲ್ಲಿ ಧೋನಿ ನಾಯಕತ್ವದಲ್ಲಿ ಭಾರತ ಗೆದ್ದ ಟೂರ್ನಮೆಂಟ್ ಗಳ ಪಟ್ಟಿ ಹೀಗಿದೆ:

(ಒನ್ಇಂಡಿಯಾ ಸುದ್ದಿ)