Get Updates
Get notified of breaking news, exclusive insights, and must-see stories!

ಗೌರಿ ಲಂಕೇಶ್ ಹತ್ಯೆ ತನಿಖೆಯಲ್ಲಿ 7 ಕಡೆ ಹಾದಿ ತಪ್ಪಿದ ಪೊಲೀಸರು

ಬೆಂಗಳೂರು, ಸೆಪ್ಟೆಂಬರ್ 7: ಪತ್ರಕರ್ತೆ ಗೌರಿ ಲಂಕೇಶ್ ಹತ್ಯೆಯ ತನಿಖೆಯನ್ನು ಕೈಗೆತ್ತಿಕೊಳ್ಳುವ ವೇಳೆ ಪೊಲೀಸರು 7 ಸ್ವಯಂಕೃತ ತಪ್ಪುಗಳನ್ನು ಎಸಗಿದ್ದಾರೆ. ಈ ತಪ್ಪುಗಳು ತನಿಖೆಯ ಮೇಲೆ ವ್ಯತಿರಿಕ್ತ ಪರಿಣಾಮಗಳನ್ನು ಬೀರುವ ಸಾಧ್ಯತೆ ಇದೆ.

ಮೊದಲಿಗೆ ಈ ಪ್ರಕರಣ ಎಂಎಂ ಕಲಬುರ್ಗಿ ಪ್ರಕರಣದಂತೆಯೇ ಸೂಕ್ಷ್ಮ ಪ್ರಕರಣ ಎಂದು ಹೇಳಲಾಗಿದ್ದು, ಪೊಲೀಸರ ಅಸೂಕ್ಷ್ಮತೆಯಿಂದ ಕೆಲವು ಪ್ರಮುಖ ಸಾಕ್ಷಿಗಳೇ ಕೈತಪ್ಪಿರುವ ಸಾಧ್ಯತೆಯೂ ಇದೆ.

7 reasons why the probe into Gauri Lankesh murder is a non-starter

ಪೊಲೀಸರು ಎಸಗಿದ ತಪ್ಪುಗಳೇನು?

1. ಕೃತ್ಯ ನಡೆದ ತಕ್ಷಣ ಪೊಲೀಸರು ಸ್ಥಳ ತಲುಪಲು 25 ನಿಮಿಷಗಳನ್ನು ತೆಗೆದುಕೊಂಡಿದ್ದರು. ಪೊಲೀಸ್ ತನಿಖೆಯಲ್ಲಿ ಕರೆಯುವ 'ಕ್ರೈಂ ಸೀನ್' ಅಂದರೆ ಘಟನೆ ನಡೆದ ಸ್ಥಳದಲ್ಲಿ ಅದಾಗಲೇ ಹಲವರು ನಡೆದಾಡಿದ್ದರು. ಇದರಿಂದ ಹಲವು ಮಹತ್ವದ ಸಾಕ್ಷ್ಯಗಳು ಸಿಕ್ಕದೇ ಹೋಗಿರಬಹುದು.

2. ಪ್ರಕರಣದಲ್ಲಿ ಪ್ರತ್ಯಕ್ಷದರ್ಶಿಗಳು ಎನ್ನಲಾದ ನೆರೆ ಮನೆಯವರು ಮನೆಗೆ ಬೀಗ ಹಾಕಿಕೊಂಡು ಹೋಗಿದ್ದಾರೆ. ವಿಚಾರಣೆ ಭಯದಿಂದ ಻ಅವರು ಆ ರೀತಿ ಮಾಡಿರಬಹುದು. ಇದು ಪ್ರಕರಣದ ತನಿಖೆಯ ನಿಧಾನಗತಿಗೆ ಕೊಡುಗೆ ನೀಡಲಿದೆ.

3. ವಿಶೇಷವೆಂದರೆ ಘಟನೆ ನಡೆದ ಸ್ಥಳದಲ್ಲಿ ಶ್ವಾನ ದಳ ಇರಲಿಲ್ಲ.

4. ಘಟನೆ ನಡೆದ ಸ್ಥಳ ಸರಗಳತನಕ್ಕೆ ಹೆಸರುವಾಸಿಯಾದ ಜಾಗವಾಗಿದೆ. ಸಾಮಾನ್ಯವಾಗಿ ಈ ಸ್ಥಳದ ಸುತ್ತ ಮುತ್ತ ಪೊಲೀಸರು ಸುತ್ತಾಡುತ್ತಾ ಇರುತ್ತಾರೆ. ಆದರೆ ಘಟನೆ ನಡೆದ ದಿನ ಹೆಚ್ಚಿನ ಪೊಲೀಸರು ಬಿಜೆಪಿ ಜಾಥಾ ತಡೆಯಲು ಹೋಗಿದ್ದರು. ಸ್ಥಳದ ಸುತ್ತ ಮುತ್ತ ಪೊಲೀಸರು ಇರಲಿಲ್ಲ.

5. ಪೊಲೀಸರಿಗೆ ಸಿಸಿಟಿವಿ ದೃಶ್ಯಾವಳಿಗಳನ್ನು ಪಡೆದುಕೊಳ್ಳಲು ನಾಲ್ಕು ಗಂಟೆಗಳೇ ಹಿಡಿಯಿತು. ಈ ಸಿಸಿಟಿವಿ ದೃಶ್ಯಾವಳಿಗಳಿಂದ ಅವರಿಗೆ ಏನು ಸುಳಿವು ಸಿಕ್ಕಿದೆಯೋ ಗೊತ್ತಿಲ್ಲ.

6. ಸಾಮಾನ್ಯವಾಗಿ ಘಟನೆ ನಡೆದ ತಕ್ಷಣ ಪ್ರವೇಶ ಮತ್ತು ನಿರ್ಗಮನದ ದಾರಿಗಳನ್ನು ಪೊಲೀಸರು ಮುಚ್ಚುತ್ತಾರೆ. ಆದರೆ ಈ ರೀತಿ ಮಾಡಿಯೂ ಯಾರೂ ಒಳಗೆ ಬರದಂತೆ ಯಾವ ಅ಻ಧಿಕಾರಿ ತಡೆಯಬೇಕು ಎಂದು ಸರಿಯಾಗಿ ನಿರ್ದೇಶನ ನೀಡಿರಲಿಲ್ಲ. ಹೀಗಾಗಿ ಯಾರನ್ನು ಒಳಗೆ ಬಿಡಬೇಕು, ಯಾರನ್ನು ತಡೆಯಬೇಕು ಎಂಬುದು ಪೊಲೀಸರಿಗೇ ತಿಳಿದಿರಲಿಲ್ಲ.

7. ಬಹಳ ಮುಖ್ಯವಾಗಿ ಪೊಲೀಸರ ನಡುವೆ ಸಮನ್ವಯದ ಕೊರತೆ ಎದ್ದು ಕಾಣುತ್ತಿತ್ತು.

More From
Prev
Next
Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+