ಯುವತಿಯ ಟಿ ಶರ್ಟ್ ಹಿಡಿದು ಎಳೆದಾಡಿದ ಕಾಮುಕರು

ಬೆಂಗಳೂರು, ಜನವರಿ 7: ಕಮ್ಮನಹಳ್ಳಿ, ಕೆ.ಜಿ ಹಳ್ಳಿ ಪ್ರಕರಣಗಳು ಹಸಿಯಾಗಿರುವಾಗಲೇ ಬೆಂಗಳೂರಿನ ಬಾಣಸವಾಡಿ ಠಾಣೆ ವ್ಯಾಪ್ತಿಯಲ್ಲಿ ಮತ್ತೊಂದು ಲೈಂಗಿಕ ದೌರ್ಜನ್ಯ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.

ಬಾಣಸವಾಡಿಯಲ್ಲಿ ಜನವರಿ 4ನೇ ದಿನ ಗೋಲ್ಡ್ ಜೀಮ್ ಗೆ ಹೋಗಿದ್ದ ಯುವತಿ ರಾತ್ರಿ 9 ಗಂಟೆ ಸಮಯದಲ್ಲಿ ಜಿಮ್ನಿಂದ ತನ್ನ ಮನೆಗೆ ಸಾಗುತ್ತಿದ್ದಾಗ ಆಕೆಯ ಮೇಲೆ ಇಬ್ಬರು ಕಾಮುಕರು ಎರಗಿದ್ದಾರೆ. ಆ ಸಮಯದಲ್ಲಿ ಮಹಿಳೆ ಬಿಡಿಸಿಕೊಳ್ಳಲು ಪ್ರಯತ್ನಪಟ್ಟಾಗ ಆಕೆಯ ಟಿ ಶರ್ಟ್ ಹಿಡಿದು ಕಾಮುಕರು ಎಳೆದಾಡಿದ್ದಾರೆ. ಜೋರಾಗಿ ಚೀರಾಡಿದ ಮಹಿಳೆ ದುಷ್ಕರ್ಮಿಗಳಿಂದ ತಪ್ಪಿಸಿಕೊಂಡಿದ್ದಾಳೆ. ನಂತರ ಅಲ್ಲಿಂದ ಉಸಿರು ಕಟ್ಟಿಕೊಂಡು ಓಡಿ ಮನೆ ಸೇರಿದ್ದಾಳೆ.[ಚುಂಬಿಸಿ, ನಾಲಿಗೆ ಕಚ್ಚಿ ಪರಾರಿಯಾದ ವಿಕೃತಕಾಮಿ]

ಈ ಸಂಬಂಧ ಬಾಣಸವಾಡಿ ಠಾಣೆಯಲ್ಲಿ ಜನವರಿ 5ರಂದು ಪ್ರಕರಣ ದಾಖಲು ಮಾಡಲಾಗಿದೆ. ಪೊಲೀಸರು ತನಿಖೆಗೆ ಮುಂದಾಗಿದ್ದಾರೆ.[ಒಂದು ಹಗ್, ಕಿಸ್ ಗಾಗಿ ನಡೆದಿತ್ತಾ ಕಮ್ಮನಹಳ್ಳಿ ಕಿರುಕುಳ?]

ಕಮ್ಮನಹಳ್ಳಿ ಮತ್ತು ಕೆ.ಜಿ ಹಳ್ಳಿ ಪ್ರಕರಣಗಳು ಇನ್ನು ಹಸಿರಾಗಿರುವಾಗಲೇ ಬಾಣಸವಾಡಿಯಲ್ಲಿ ಈ ಘಟನೆ ಜರುಗಿದೆ. ಬೆಂಗಳೂರು ಉದ್ಯಾನ ನಗರಿ, ಸುಂದರ ಪ್ರದೇಶ ಎಂದು ಬಂದು ಸೇರುವವರಿಗೆ ಇದೊಂದು ಕಾಮುಕ ನಗರಿ ಎಂದು ಭಾಸವಾಗುತ್ತಿದೆ.

English summary

Even before Bengaluru recovers from new year's eve molestation shame yet another incident of molestation has been reported from banasavadi locality of the city. The incident of molestation is said to have taken place jan 4th night. The victim had filed a complaint with the bansavadi police station.