By : Oneindia Kannada Video Team
Published : October 26, 2017, 12:34

ಯಾದಗಿರಿಯ ಜನಗಳಿಗೆ ಮನೆ ಯೋಗ ಯಾವಾಗ?

ಆ ಊರು ಜಿಲ್ಲಾ ಕೇಂದ್ರದಿಂದ ಕೂಗಳತೆಯ ದೂರದಲ್ಲಿದೆ. ಆ ಗ್ರಾಮದಲ್ಲಿ ಮೂಲ ಸೌಕರ್ಯಗಳು ಮರೀಚಿಕೆಯಾಗಿವೆ. ವಸತಿ ರಹಿತರಿಗೆ ಸಿಗಬೇಕಾದ ಮನೆಗಳು ಅವರಿಗೆ ತಲುಪುತ್ತಿಲ್ಲ. ಕಳೆದ 30 ವರ್ಷಗಳಿಂದ ಹಲವು ಕುಟುಂಬಗಳು ಗುಡಿಸಲಿನಲ್ಲಿಯೇ ವಾಸ ಮಾಡುತ್ತಿವೆ. ಬಡವರಿಗೆ ಆಶ್ರಯ ನೀಡಬೇಕಿದ್ದ ಆಶ್ರಯ ಯೋಜನೆ ಮನೆಗಳು ಉಳ್ಳವರ ಪಾಲಾಗುತ್ತಿವೆ. ಪ್ರತಿ ವರ್ಷ ಆಶ್ರಯ ಮನೆ ಪಡೆಯಲು ಅರ್ಜಿ ಸಲ್ಲಿಸುತ್ತಲೇ ಇದ್ದಾರೆ. ಆದರೆ, ಮನೆ ಮಾತ್ರ ಸಿಕ್ಕಿಲ್ಲ. ಇದು ಯಾದಗಿರಿ ಜಿಲ್ಲೆಯ ಲಿಂಗೇರಿ ಸ್ಟೇಷನ್ ಗ್ರಾಮದ ನಿವಾಸಿಗಳ ಕಥೆ. ವೃದ್ಧೆ ಮಾದೇವಮ್ಮ ಕಳೆದ ಮೂರು ದಶಕಗಳಿಂದ ಗುಡಿಸಲಿನಲ್ಲಿಯೇ ಜೀವನ ನಡೆಸುತ್ತಿದ್ದಾಳೆ. ಕೂಲಿ ಮಾಡಿಕೊಂಡು ಇವರು ಜೀವನ ನಡೆಸುವುದೇ ಕಷ್ಟ. ಇನ್ನು ಸ್ವಂತ ಸೂರು ಮಾಡಿಕೊಳ್ಳುವುದು ಕನಸಿನ ಮಾತು. ದುರಂತವೆಂದರೆ ಮಾದೇವಮ್ಮ ಹೆಸರಿಗೆ ನಾಲ್ಕು ಬಾರಿ ಮನೆಗಳು ಮಂಜೂರಾಗಿತ್ತು. ಆದರೆ, ಅಧಿಕಾರಿಗಳ ಕೈ ಚಳಕದಿಂದಾಗಿ ಅದು ಬೇರೆಯವರಿಗೆ ಮಂಜೂರಾಗಿದೆ.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

ಒನ್ ಇಂಡಿಯಾ ನ್ಯೂಸ್ ಗೆ ನೀವು ಇನ್ನೂ ಚಂದಾದಾರರಾಗಿಲ್ವಾ? ಈಗ ಆಗಿ!