By : Oneindia Kannada Video Team
Published : January 02, 2018, 03:42

ಜೇಡದ ಕಡಿತಕ್ಕೆ ಸರಳ ಮನೆ ಮದ್ದುಗಳು

ಭಾರತದಲ್ಲಿ ಕಂಡುಬರುವ ಯಾವುದೇ ಪ್ರಕಾರದ ಜೇಡ ವಿಷಕಾರಿಯಾಗಿದ್ದು ಇವು ಕಚ್ಚಿದರೆ ಮನುಷ್ಯರಿಗೂ ಮಾರಕವಾಗಬಲ್ಲುದು. ಜೇಡ ತನ್ನ ಬಲೆಯಲ್ಲಿ ಬಿದ್ದ ಕೀಟದ ದೇಹದಲ್ಲಿ ತನ್ನ ವಿಷವನ್ನು ತೂರಿಸುತ್ತದೆ. ಕೆಲವೇ ದಿನಗಳಲ್ಲಿ ಒಳಗಿನ ಭಾಗವೆಲ್ಲಾ ಕರಗಿ ನೀರಾಗುತ್ತದೆ. ಬಳಿಕ ಜೇಡ ಎಳನೀರಿನಿಂದ ನೀರನ್ನು ಹೀರುವಂತೆ ಈ ದ್ರವವನ್ನು ಹೀರಿ ಕೀಟದ ಕೇವಲ ಟೊಳ್ಳಾದ ಹೊರಕವಚವನ್ನು ಬಲೆಯಿಂದ ನಿವಾರಿಸಿ ತ್ಯಜಿಸುತ್ತದೆ. ಅಮೇರಿಕಾದಲ್ಲಿ ಸಾಮಾನ್ಯವಾಗಿ ಕಂಡುಬರುವ ಜೇಡಗಳು ಚಿಕ್ಕವಾಗಿದ್ದು ಮನುಷ್ಯರಿಗೆ ಕಚ್ಚುವ ಸಾಧ್ಯತೆ ಕಡಿಮೆ. ಆದರೆ ಬೆಚ್ಚಗಿನ ವಾತಾವರಣದಲ್ಲಿ ಬೆಳೆಯುವ ಕೊಂಚ ದೊಡ್ಡ ಜೇಡಗಳು ಮಾತ್ರ ಅಪಾಯಕಾರಿಯಾಗಿವೆ. ಅದರಲ್ಲೂ ಬ್ಲಾಕ್ ವಿಡೋ (ಅಥವಾ ಕಪ್ಪು ವಿಧವೆ) ಎಂಬ ಪ್ರಜಾತಿಯ ಜೇಡ ಅತ್ಯಂತ ವಿಷಕಾರಿಯಾಗಿದೆ. ವಿಶೇಷವಾಗಿ ಕೆಂಪು-ಕಪ್ಪು ಪಟ್ಟೆಯಿಂದ ಭಯಾನಕವಾಗಿ ಕಾಣುವ ಜೇಡದ ಕಡಿತ ತಕ್ಷಣ ಉರಿಯನ್ನುಂಟುಮಾಡುತ್ತದೆ. ಬಳಿಕ ಊದಿಕೊಂಡು ಚರ್ಮ ಕೆಂಪಗಾಗುತ್ತದೆ. ಜೇಡ ಕಚ್ಚಲು ಎರಡು ಹಲ್ಲುಗಳನ್ನು ಬಳಸುತ್ತದೆ. ಕೆಲವೊಮ್ಮೆ ಎರಡೂ ಹಲ್ಲುಗಳು ಕಚ್ಚಿದ ಗುರುತು ಸ್ಪಷ್ಟವಾಗಿ ಕಾಣಿಸಿಕೊಳ್ಳುತ್ತದೆ. ಟೊರಾಂಟುಲ ಎಂಬ ಜೇಡವಂತೂ ಎರಡೂ ಹಸ್ತಗಳಲ್ಲಿ ಹಿಡಿಯುವಷ್ಟು ದೊಡ್ಡದಾಗಿದ್ದು ಇದರ ಕಡಿತ ಪ್ರಾಣಾಂತಿಕವಾಗಬಲ್ಲುದು.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

ಒನ್ ಇಂಡಿಯಾ ನ್ಯೂಸ್ ಗೆ ನೀವು ಇನ್ನೂ ಚಂದಾದಾರರಾಗಿಲ್ವಾ? ಈಗ ಆಗಿ!