ನೇಪಾಳಕ್ಕೆ ಹೋಗುವ ಮುನ್ನ ನಿಮಗಿದು ತಿಳಿದಿರಲಿ
ಛಳಿ ಮತ್ತು ಮಳೆ ಕಡಿಮೆ ಇರುವ, ಪ್ರವಾಸಕ್ಕೆ ಅನುಕೂಲಕರವಾದ ತಿಂಗಳುಗಳು ಮಾರ್ಚ್, ಆಗಸ್ಟ್ ಮತ್ತು ಸೆಪ್ಟೆಂಬರ್. ಅತಿಥಿಗೃಹ, ಧರ್ಮಶಾಲೆ, ಲಾಡ್ಜ್ ಅಥವಾ ಹೋಟೆಲ್ಗಳನ್ನು ಮೊದಲೇ ಕಾದಿರಿಸುವುದು ಒಳ್ಳೆಯದು. ಮ್ಯೂಸಿಯಮ್, ಕೇಬಲ್ ಕಾರ್, ಮೌಂಟನ್ ಪ್ಫ್ಲೈಟ್ಗಳಲ್ಲಿ ಪ್ರವೇಶದರ ನೇಪಾಳೀಯರಿಗೆ ಕಡಿಮೆ, ಭಾರತೀಯರಿಗೆ ಸ್ವಲ್ಪ ಜಾಸ್ತಿ ಮತ್ತು ಇತರ ದೇಶದವರಿಗೆ ಇನ್ನೂ ಜಾಸ್ತಿ. ಹಾಗಾಗಿ ಓಡಾಡುವ ಎಲ್ಲ ಕಡೆ ನಿಮ್ಮ ಗುರುತಿನ ಚೀಟಿಯನ್ನು ಭದ್ರವಾಗಿ ಇಟ್ಟುಕೊಳ್ಳುವುದು ಒಳ್ಳೆಯದು. ಎಲ್ಲ ಪ್ರೇಕ್ಷಣೀಯ ಸ್ಥಳಗಳನ್ನೂ ನೋಡಿಬರಲು ಕನಿಷ್ಟ 8-10 ದಿನಗಳು ಬೇಕು.
ಕಾಠ್ಮಂಡುವಿನಲ್ಲಿ ಆಂಗನ್, ರಾಮೇಶ್ವರ್, ನಂದನ ಎಂಬ ಕೆಲವೇ ಸಂಖ್ಯೆಯ ಸಸ್ಯಾಹಾರೀ ಉಪಾಹಾರಮಂದಿರಗಳಿದ್ದು ಹುಡುಕುವುದು ಸ್ವಲ್ಪ ಕಷ್ಟವಾಗಬಹುದು. ಆಂಗನ್ ಸ್ವಲ್ಪ ದುಬಾರಿಯೆನಿಸಿದರೂ ರುಚಿಕರವಾಗಿದ್ದು, ಪ್ರಸಿದ್ಧವಾಗಿದೆ. ಕಾಠ್ಮಂಡುವಿನಲ್ಲಿ ಸಾರ್ವಜನಿಕರ ಸಂಚಾರಕ್ಕೆ ಬಸ್, ಮೈಕ್ರೋಸ್, ಟೆಂಪೋ ಮತ್ತು ಟ್ಯಾಕ್ಸಿಗಳಿವೆ. ಬಸ್ ಮತ್ತು ಮೈಕ್ರೋಸ್ನಲ್ಲಿ ನಗರವಲಯದೊಳಗೆ ಪಯಣಿಸಲು 10ರಿಂದ 20ರೂಪಾಯಿ. ಪಶುಪತಿನಾಥ ಮಂದಿರದಲ್ಲಿ ನಾಲ್ಕು ಕನ್ನಡಿಗ ಪುರೋಹಿತರಿದ್ದು ದೇವಸ್ಥಾನದ ಪೂಜೆಯ ವೇಳೆಯ ನಂತರ ನಿಮಗೆ ಅಗತ್ಯವಾದ ಮಾಹಿತಿಗಳನ್ನು ಸಂತೋಷವಾಗಿ ನೀಡುತ್ತಾರೆ.
ವಿ.ಸೂ: Pashupatinath - Holy of Hindu Holies ಎಂಬ ಪುಸ್ತಕದಿಂದ ಕೆಲವು ಮಾಹಿತಿಗಳನ್ನು ಈ ಲೇಖನದಲ್ಲಿ ಬಳಸಿಕೊಳ್ಳಲಾಗಿದೆ.