For Daily Alerts
ಅಂಡಮಾನ್ ನಲ್ಲಿ ವಿಮಾನದಲ್ಲಿ ವಿಹರಿಸಿ!
ದ್ವೀಪ ಸಮೂಹಕ್ಕೆ ಬರುವ ಪ್ರವಾಸಿಗರಿಗೆ ವಿಮಾನ ಸೇವೆ ಅನುಕೂಲ ಒದಗಿಸಲು ಪವನ್ ಹಂಸ್ ಹೆಲಿಕಾಪ್ಟರ್ ಲಿ ಹಾಗೂ ಅಂಡಮಾನ್ ಮತ್ತು ನಿಕೋಬಾರ್ ಆಡಳಿತ ಪರಸ್ಪರ ಒಪ್ಪಂದ ಮಾಡಿಕೊಂಡಿವೆ. 8 ರಿಂದ 18 ಆಸನಗಳ ಸಾಮರ್ಥ್ಯವಿರುವ ಸಮುದ್ರಯಾನ ವಿಮಾನಕ್ಕೆ ಜಾಗತಿಕ ಟೆಂಡರ್ ಕರೆಯಲಾಗುವುದು ಎಂದು ಪವನ್ ಹೆಲಿಕಾಪ್ಟರ್ ಲಿ. ನ ಮುಖ್ಯಸ್ಥ ಆರ್ ಕೆ ತ್ಯಾಗಿ ಹೇಳಿದರು.
ಪ್ರತಿ ತಿಂಗಳು ಸೀಪ್ಲೇನ್ ಯಾನಕ್ಕೆ ಒಂದು ಕೋಟಿ ವೆಚ್ಚ ತಗುಲಲಿದೆ. ಅದನ್ನು ಸರ್ಕಾರ ಮತ್ತು ಹೆಲಿಕಾಪ್ಟರ್ ಸಂಸ್ಥೆ ಸಮನಾಗಿ ಭರಿಸಲಿವೆ. ಆರಂಭದಲ್ಲಿ ರಾಜಧಾನಿ ಪೋರ್ಟ್ ಬ್ಲೇರ್ ಸೇರಿದಂತೆ ಆಯ್ದ ಕೆಲ ಸುಂದರ ದ್ವೀಪಗಳಿಗೆ ಈ ಸೌಲಭ್ಯ ಲಭ್ಯವಿರುತ್ತದೆ. ಸುಮಾರು 8 ಸಾವಿರ ಕಿ.ಮೀ. ವಿಸ್ತಾರವಿರುವ ಕರಾವಳಿ ತೀರದ ದ್ವೀಪಗಳ ಸೌಂದರ್ಯ ಆಸ್ವಾದನೆಗೆ ಈ ಯೋಜನೆ ಸಹಕಾರಿಯಾಗಲಿದೆ ಎಂಬ ವಿಶ್ವಾಸವನ್ನು ಆಲ್ಲಿನ ಸರ್ಕಾರ ವ್ಯಕ್ತಪಡಿಸಿದೆ.
Story first published: Wednesday, April 14, 2010, 11:35 [IST]