ಜೊಹಾನ್ಸ್ ಬರ್ಗ್, ಜ, 18: ಏಕದಿನ ಕ್ರಿಕೆಟ್ ನಲ್ಲಿ ಅತಿವೇಗದ ಶತಕ ಸಾಧನೆ ದಾಖಲೆ ಭಾನುವಾರ ದಕ್ಷಿಣ ಆಫ್ರಿಕಾದ ನಾಯಕ ಎಬಿ ಡೆವಿಲಿಯರ್ಸ್ ಪಾಲಾಗಿದೆ. ಅಲ್ಲದೇ ಅತಿ ವೇಗದ ಅರ್ಧ ಶತಕ ಸಾಧನೆಯನ್ನು ತಮ್ಮ ಹೆಸರಿಗೆ ಎಬಿ ಬರೆಸಿಕೊಂಡಿದ್ದಾರೆ.[ಸ್ಕೋರ್ ಕಾರ್ಡ್]
ಕೇವಲ 31 ಚೆಂಡುಗಳಲ್ಲಿ ಶತಕ ಗಳಿಸಿದ ಎಬಿ ವೆಸ್ಟ್ ಇಂಡೀಸ್ ಬೌಲರ್ ಗಳನ್ನು ಚೆಂಡಾಡಿದರು. ನ್ಯೂಜಿಲೆಂಡ್ ನ ಕೋರಿ ಆಂಡ್ರಸನ್ ಕಳೆದ ವರ್ಷ 36 ಚೆಂಡುಗಳಲ್ಲಿ ಶತಕ ಸಾಧನೆ ಮಾಡಿದ್ದರು. ಎಬಿ ಇನಿಂಗ್ಸ್ ನಲ್ಲಿ 16 ಭರ್ಜರಿ ಸಿಕ್ಸರ್ ಮತ್ತು 9 ಬೌಂಡರಿಗಳಿದ್ದವು.
ಈ ಪಂದ್ಯದಲ್ಲಿ ಕೇವಲ 44 ಎಸೆತಗಳನ್ನು ಎದುರಿಸಿದ ಡಿವಿಲಿಯರ್ಸ್ ಬರೋಬ್ಬರಿ 149 ರನ್ ಸಿಡಿಸಿದರು. ನಿಗದಿತ 50 ಓವರ್ಗಳಲ್ಲಿ ದಕ್ಷಿಣ ಆಫ್ರಿಕಾ ತಂಡ ಕೇವಲ 2 ವಿಕೆಟ್ ನಷ್ಟಕ್ಕೆ ಬರೋಬ್ಬರಿ 439ರನ್ಗಳನ್ನು ಸೇರಿಸಿತು.
ಏಕದಿನ ಕ್ರಿಕೆಟ್ ನ ಅತಿ ವೇಗದ ಶತಕ ಸರದಾರರು
ಎಬಿ ಡೆವಿಲಿಯರ್ಸ್- 31 ಚೆಂಡು
ಕೋರಿ ಆಂಡ್ರಸನ್- 36 ಚೆಂಡು
ಶಾಹಿದ್ ಆಫ್ರಿದಿ- 37 ಚೆಂಡು
ಮಾರ್ಕ್ ಬೌಚರ್ - 44 ಚೆಂಡು
ಬ್ರಿಯಾನ್ ಲಾರಾ- 45 ಚೆಂಡು