ನವದೆಹಲಿ, ಸೆ.26 : ರಿಯೋ ಒಲಿಂಪಿಕ್ಸ್ನಲ್ಲಿ ಭಾರತದ ಮೊದಲ ಪದಕ ಸಾಧನೆ ಮಾಡಿದ್ದ ಕುಸ್ತಿ ಪಟು ಸಾಕ್ಷಿ ಮಲಿಕ್ ಈಗ ಸ್ಟಾರ್. ಅವರಿಗೆ ಸಾಕಷ್ಟು ನಗದು ಬಹುಮಾನ ಇತರೆ ಉಡುಗೊರೆಗಳು ಅವರಿಗೆ ಸಿಕ್ಕಿವೆ. [ಕಡೆಗೂ ಭಾರತ ಒಂದು ಪದಕ ಗೆದ್ದುಕೊಂಡಿದೆ, ಹುರ್ರೆ!]
ಆದರೆ, ಸಾಕ್ಷಿ ಪದಕ ಗೆಲ್ಲಲು ಶ್ರಮವಹಿಸಿದ್ದ ಭಾರತ ಮಹಿಳಾ ಫ್ರೀ ಸ್ಟೈಲ್ ರೆಸ್ಲಿಂಗ್ ಕೋಚ್ ಕುಲ್ದೀಪ್ ಮಲಿಕ್ ಮಾತ್ರ ಇನ್ನೂ ಬಹುಮಾನ, ಬಡ್ತಿಯ ನಿರೀಕ್ಷೆಯಲ್ಲಿದ್ದಾರೆ. ರಿಯೋ ಗೇಮ್ಸ್ನಲ್ಲಿ ಸಾಕ್ಷಿ ಜತೆ ವಾಪಸಾದ ಬಳಿಕ, ಹರಿಯಾಣ ಸರ್ಕಾರ 10 ಲಕ್ಷ ರೂ. ಚೆಕ್ನ ಫೋಟೋಕಾಪಿ ನೀಡಿ ಸನ್ಮಾನಿಸಿತ್ತು. ಆದರೆ ಒಂದು ತಿಂಗಳು ಕಳೆದರೂ ಕೋಚ್ ಕುಲ್ದೀಪ್ ಅವರಿಗೆ ಅಸಲಿ ಚೆಕ್ ಇನ್ನೂ ಕೈಸೇರಿಲ್ಲ. [ಕುಸ್ತಿ: ಐತಿಹಾಸಿಕ ಸಾಧನೆ ಮಾಡಿದ ಸಾಕ್ಷಿ ಮಲಿಕ್ ಯಾರು?]
ಸಾಕ್ಷಿಗೆ ಖೇಲ್ರತ್ನ ಪುರಸ್ಕಾರ ಪ್ರಕಟವಾದ ವೇಳೆ ಕುಲ್ದೀಪ್ ರೈಲ್ವೆಯಲ್ಲಿ ಟಿಕೆಟ್ ಕಲೆಕ್ಟರ್ ಆಗಿ ಕೆಲಸ ಮಾಡುತ್ತಿರುವುದು ಬಹಿರಂಗವಾಗಿತ್ತು. ಅಂದು ರೈಲ್ವೆ ಸಚಿವ ಸುರೇಶ್ ಪ್ರಭು ಇಲಾಖೆಯಲ್ಲಿ ಕುಲ್ ದೀಪ್ ಅವರಿಗೆ ಬಡ್ತಿ ನೀಡುವ ಆಶ್ವಾಸನೆ ನೀಡಿದ್ದರು.
ಆದರೆ ಇದರುವರೆಗೂ ಕುಲ್ ದೀಪ್ ಅವರಿಗೆ ಯಾವುದೇ ಬಡ್ತಿಯು ಸಿಕ್ಕಿಲ್ಲ. ಸಚಿವರು ನೀಡಿದ್ದ ಆಶ್ವಾಸನೆ ಆಶ್ವಾಸನೆಯಾಗಿಯೇ ಉಳಿದಿದೆ. ಹುಮ್ಮಸ್ಸಿನಲ್ಲಿ ಘೋಷಿಸಿದ್ದ ಬಹುಮಾನಗಳು, ಬಡ್ತಿಯ ಸುದ್ದಿಯಾಗಲಿ ಇನ್ನೂ ಕುಲ್ದೀಪ್ ಮಲಿಕ್ ಅವರಿಗೆ ತಲುಪಿಲ್ಲ.